ಪ್ಲೆಕ್ಸ್ ತೆರವಿಗೆ ಮುಂದಾದರೆ ಬೈಗುಗಳ ಸುರಿಮಳೆ

ಶಿಢ್ಲಟ್ಟದಲ್ಲಿ ಪ್ಲೆಕ್ಸ್ ತೆರವು ಸಂಬಂಧ ಮಹಿಳಾ ಹಿರಿಯ ಅಧಿಕಾರಿಯೊಂದಿಗಿನ ಕಾಂಗ್ರೆಸ್‌ನ ರಾಜೀವ್‌ಗೌಡ ವರ್ತನೆ ದೊಡ್ಡಮಟ್ಟದಲ್ಲಿ ಸುದ್ದಿಯಾದ ಬೆನ್ನಲ್ಲೇ ಜಿಲ್ಲೆಯಲ್ಲಿಯೂ ಇಂಥ ಘಟನೆಗಳು ನಡೆದಿರುವ ಬಗ್ಗೆ ಅಧಿಕಾರಿ ವಲಯದಲ್ಲಿ ಗುಸುಗುಸು ಕೇಳಿಬರುತ್ತಿದೆ.

ರಾಜಕಾರಣಿಗಳು ಹಾಗೂ ಅವರ ಬೆಂಬಲಿಗರ ಪ್ಲೆಕ್ಸ್ ಬ್ಯಾನರ್‌ಗಳನ್ನು ತೆರವುಗೊಳಿಸಲು ಮುಂದಾದರೆ ಮಹಿಳೆಯರೂ ಎನ್ನದೆ ಅಧಿಕಾರಿಗಳ ವಿರುದ್ಧ ಟೀಕಾಪ್ರಹಾರ ನಡೆಯುವುದು ಸಾಮಾನ್ಯ. ಇಂಥ ಕೆಲಸಕ್ಕೆ ಮುಂದಾದರೆ ಬೈಗುಗಳನ್ನು ಎದುರಿಸಬೇಕಾಗುತ್ತದೆ, ಜನಪ್ರತಿನಿಧಿಗಳನ್ನು ಎದುರು ಹಾಕಿಕೊಳ್ಳಲು ಆಗದೆ ಕಣ್ಣಿದ್ದು ಕುರುಡರಂತೆ ವರ್ತಿಸಬೇಕಿದೆ ಎಂದು ಅಧಿಕಾರಿಗಳು ಜಾಣಕುರುಡು ಪ್ರದರ್ಶಿಸುವಂತ ಪ್ರಸಂಗಳು ಸಾಮಾನ್ಯವಾಗಿದೆ ಎಂಬ ಮಾತು ಕೇಳಿಬರುತ್ತಿದೆ.

ಸಾಮಾನ್ಯವಾಗಿ ಜಿಲ್ಲೆಯ ನಾಲ್ಕೂ ತಾಲೂಕುಗಳಲ್ಲಿ ಇಂಥ ಪ್ಲೆಕ್ಸ್ ಬ್ಯಾನರ್‌ಗಳ ಹಾವಳಿಗೆ ಕಡಿವಾಣ ಇಲ್ಲದಂತಾಗಿದೆ, ಹೆದ್ದಾರಿಗಳಲ್ಲಿನ ಮೇಲ್ಸುತುವೆ ಸೇರಿ ಅಕ್ಕಪಕ್ಕದ ವಿದ್ಯುತ್ ಕಂಬಗಳಲ್ಲಿ ಬ್ಯಾನರ್‌ಗಳು ರಾರಾಜಿಸುತ್ತಿರುತ್ತವೆ, ಇನ್ನು ಮೇಲ್ಸುತುವೆ ಗೋಡೆಗಳು ಪೋಸ್ಟರ್‌ಗಳಿಂದಲೇ ಮುಚ್ಚಿಹೋಗುತ್ತವೆ. ಇವುಗಳನ್ನು ತೆರವುಗೊಳಿಸಿರುವುದು ನಗರ ಹಾಗೂ ಪುರಸಭೆ ಸಿಬ್ಬಂದಿಗೆ ಸವಾಲಿನ ಕೆಲಸವಾಗುತ್ತದೆ. ನಗರದ ಅಂದ ಕೆಡಿಸುವ ಜತೆಗೆ ಸಾರ್ವಜನಿಕರ ಪ್ರಾಣಕ್ಕೂ ಕಂಟಕವಾಗುತ್ತಿರುವ ಇಂಥ ಬ್ಯಾನರ್‌ಗಳ ಹಾವಳಿಗೆ ಕಡಿವಾಣ ಇಲ್ಲದಂತಾಗಿದೆ.

ಆಯಾ ಕ್ಷೇತ್ರದಲ್ಲಿ ಆಯಾ ಶಾಸಕರೇ ಇವೆಲ್ಲದರ ಜವಾಬ್ದಾರಿ ಹೊರಬೇಕು ಇಂಥ ಪ್ಲೆಕ್ಸ್ ಬ್ಯಾನರ್‌ಗಳಿಗೆ ಕಡಿವಾಣ ಹಾಕಬೇಕು. ಅಧಿಕಾರಿಗಳಿಗೆ ಸ್ವತಂತ್ರವಾಗಿ ಕರ್ತವ್ಯ ನಿರ್ವಹಿಸಲು ಅವಕಾಶ ಮಾಡಿಕೊಡಬೇಕು. ಆದರೆ ಇದೆಲ್ಲ ತದ್ವಿರುದ್ಧವಾಗುತ್ತಿವೆ. ಶಾಸಕರ ಹುಟ್ಟುಹಬ್ಬ, ಕಾಮಗಾರಿಗಳ ಉದ್ಘಾಟನೆ, ಗುದ್ದಲಿಪೂಜೆ ವೇಳೆಯಲ್ಲಿ ಅವರ ಬೆಂಬಲಿಗರೆ ಎಲ್ಲೆಂದರಲ್ಲಿ ಪೋಸ್ಟರ್‌ಗಳನ್ನು, ಬ್ಯಾನರ್‌ಗಳನ್ನು ತೂಗಿ ಹಾಕುತ್ತಾರೆ. ಈ ಬಗ್ಗೆ ಶಾಸಕರು ಜಾಣಕುರುಡು ಪ್ರದರ್ಶಿಸುವುದು ಕಂಡುಬರುತ್ತಿದೆ. ಇದರಿಂದ ಇದಕ್ಕೆ ಕಡಿವಾಣ ಹಾಕಬೇಕಾದ ಜನಪ್ರತಿನಿಧಿಗಳೇ ಪರೋಕ್ಷವಾಗಿ ಬೆಂಬಲ ನೀಡುವುದರಿಂದ ಅಧಿಕಾರಿಗಳು ಕೈಕಟ್ಟಿ ಕುಳಿತುಕೊಳ್ಳದೆ ಬೇರೆ ದಾರಿ ಇಲ್ಲ ಎಂಬಂತಾಗಿದೆ.

ಕೆಲವು ವರ್ಷಗಳಿಂದ ಮೃತರ ಭಾವಚಿತ್ರಗಳನ್ನು ತೂಗಿಹಾಕುವ ಟ್ರೆಂಡ್ ಮಿರಿ ಮೀರಿದ್ದು ಎಲ್ಲೆ ಯಾರೂ ಮೃತಪಟ್ಟರು ಅವರ ಭಾವಚಿತ್ರಗಳ ಕಟೌಟ್‌ಗಳು, ಪ್ರೆಕ್ಸ್‌ಗಳು ರಾರಾಜಿಸತೊಡಗಿವೆ. ಇದೊಂದು ಭಾವನಾತ್ಮಕ ವಿಷಯವಾದ್ದರಿಂದ ಅಧಿಕಾರಿಗಳು ಏಕಾಏಕಿ ಇದಕ್ಕೆ ಕಡಿವಾಣ ಹಾಕಲು ಹಿಂಜರಿಯುವಂತಾಗಿದೆ. ವರ್ಷಾನುಗಟ್ಟಲೆ ವಿದ್ಯುತ್ ಕಂಬಗಳು, ಮರಗಳು ಸೇರಿ ಸಿಕ್ಕ ಸಿಕ್ಕ ಜಾಗಗಳಲ್ಲಿ ಇಂಥ ಪೋಸ್ಟರ್‌ಗಳು ಕಂಡುಬರುತ್ತವೆ. ದಿನಕಳೆದಂತೆ ಗಾಳಿಗೆ ತೂರಿ ರಸ್ತೆಗೆ ಬೀಳುವುದೂ ಸಾರ್ವಜನಿಕರ ಮೇಲೆ ಬೀಳುವಂತ ಪ್ರಕರಣಗಳು ನಡೆಯುತ್ತಿರುತ್ತವೆ. ಅಧಿಕಾರಿಗಳು ಮಾತ್ರ ಯಾವುದೆ ಗೊಡವೆಗೆ ಹೋಗದೆ ಜಾಣ ನಿದ್ರೆಗೆ ಜಾರಿರುತ್ತಾರೆ.

ನಗರ ಹಾಗೂ ಪಟ್ಟಣ ಪ್ರದೇಶಗಳಲ್ಲಿ ಜಾಹಿರಾತಿಗಾಗಿ ಕೆಲವು ಜಾಗಗಳನ್ನು ಗುರುತಿಸಲಾಗಿದೆ, ನಗರ ಅಥವಾ ಪುರಸಭೆಗೆ ಹಣ ಕಟ್ಟಿ ಜಾಹಿರಾತು ಅಳವಡಿಸುವ ಅವಕಾಶವಿದೆ. ಆದರೆ ಇದ್ಯಾವುದೇ ಗೊಡವೆಗೆ ಹೋಗದ ರಾಜಕೀಯ ಮುಖಂಡರು ಹಾಗೂ ಖಾಸಗಿ ಪ್ರಭಾವಿಗಳು ನಿಯಮ ಉಲ್ಲಂಸಿ ಜಾಹಿರಾತುಗಳನ್ನು ಪ್ರದರ್ಶಿಸುವುದೂ ಸಾಮಾನ್ಯವಾಗಿದೆ. ಕೇಳಲು ಹೋದರೆ ರಾಜಕಾರಣಿಗಳಿಂದ ಪೋನ್ ಕರೆ ಬರುತ್ತದೆ, ಎತ್ತಂಗಡಿಯ ಬೆದರಿಕೆಯಂತೂ ಸರ್ವೆ ಸಾಮಾನ್ಯವಾಗಿದೆ ಎಂಬುದು ಅಧಿಕಾರಿಗಳ ಅಳಲಾಗಿದೆ.

ರಾಜೀವ್ ಗೌಡ ಎಂದೂ ಆತುರಪಟ್ಟವರಲ್ಲ ಸವಾಜಸೇವೆ ಹಾಗೂ ಶಿಡ್ಲಟ್ಟ ಕ್ಷೇತ್ರದ ಅಭಿವದ್ದಿಗೆ ಸಾಕಷ್ಟು ನೆರವು ನೀಡಿದ್ದಾರೆ ಆದರೂ ಪ್ಲೆಕಸ್ ವಿಚಾರವಾಗಿ ಸರ್ಕಾರಿ ಅಧಿಕಾರಿ ಅದರಲ್ಲೂ ಮಹಿಳಾ ಅಧಿಕಾರಿಯೊಂದಿಗೆ ಆ ರೀತಿ ಮಾತನಾಡಿರುವು ಅಕ್ಷಮ್ಯ, ಅವರಿಗೆ ಅವರ ತಪ್ಪಿನ ಅರಿವಾಗಿದೆ ಆದರೂ ಕೆಪಿಸಿಸಿ ಯಿಂದ ಅವರಿಗೆ ನೋಟಿಸ್ ನೀಡಲಾಗಿದೆ ಜನಪ್ರತಿನಿಧಿಗಳಾಗುವವರು ಮತ್ತು ಆದವರು ತಮ್ಮ ವಾತಿನ ಬಗ್ಗೆ ಹಿಡಿತ ಇಟ್ಟುಕೊಳ್ಳಬೇಕು ಎಲ್ಲರೊಟ್ಟಿಗೆ ಸೌಜ್ಯನ್ಯದಿಂದ ವರ್ತಿಸಬೇಕು.

ಇಂಥ ಪ್ರಕರಣಗಳು ಸಾಮಾನ್ಯವಾಗಿದ್ದರೂ ಯಾವೊಬ್ಬ ಅಧಿಕಾರಿಯೂ ರಾಜಕೀಯ ಪ್ರಭಾವಿಗಳ ಹೆಸರು ಹೇಳಲು ಮುಂದೆ ಬರುವುದಿಲ್ಲ. ಒಂದು ವೇಳೆ ಹೇಳಿದರೆ ಎಲ್ಲಿ ಎತ್ತಂಗಡಿ ಮಾಡಿಸಿಬಿಡುತ್ತಾರೋ ಎಂಬ ಆತಂಕ ಕಾಡುತ್ತದೆ. ಆದ್ದರಿಂದ ಗೊತ್ತಿದ್ದೂ ಗೊತ್ತಿಲ್ಲದಂತೆ ಜಾಣ ನಡೆ ರೂಢಿಸಿಕೊಳ್ಳುವುದು ಅನಿವಾರ್ಯವಾಗಿದೆ.