ಆಗ ಡೆಫೆನೈಟ್ಲಿ​ ಮೆನ್​, ಈಗ ಡೆಫೆನೈಟ್ಲಿ​ ಡೇರಿಂಗ್​

ಅದೇ ಖದರ್​, ಮತ್ತಷ್ಟು ಸೈಲೀಷ್​ ಲುಕ್​, ಅದೇ ಖಡಕ್​ ಸೌಂಡ್​..ಜತೆಗೆ ಮತ್ತಷ್ಟು ಖಡಕ್​ಲುಕ್​..ಆಗ ಡೆಫೆನೈಟ್ಲಿ​ ಮೆನ್​.. ಈಗಡೆಫೆನೈಟ್ಲಿ​ ಡೇರಿಂಗ್​... 25 ವರ್ಷದ ಹಿಂದೆ ಪಡ್ಡೆ ಹುಡುಗರ ನಿದ್ರೆಗೆಡಿಸಿದ ಬಜಾಜ್​ ಪಲ್ಸರ್​ ಈಗ ಝೆನ್​ಜೀಗಳ ಹಾಟ್​ ಫೆವರೇಟ್​ ಎನಿಸಿದೆ. ಟೂ ವೀಲರ್​ ಜಗತ್ತಿನಲ್ಲಿ ಮತ್ತೊಮ್ಮೆ ದೊಡ್ಡ ಸದ್ದಿನೊಂದಿಗೆ ಹೊಸ ಹೊಸ ಮಾದರಿಗಳಲ್ಲಿ ಬಜಾಜ್​ ಪಲ್ಸರ್​ ಮಾರುಕಟ್ಟೆಗೆ ಲಗ್ಗೆ ಹಾಕಿದೆ.

ಕಳೆದ 25 ವರ್ಷದ ಹಿಂದಿನ ಟೂ ವೀಲರ್​ ಜಗತ್ತಿನಲ್ಲಿ "ಡೆಫೆನೈಟ್ಲಿ​' ಸ್ಲೋಗನ್​ನೊಂದಿಗೆ ಯುವ ಸಮುದಾಯ ಮನಸ್ಸಿಗೆ ಲಗ್ಗೆ ಹಾಕಿದ ಬಜಾಜ್​ ಪಲ್ಸರ್​. ಬಿಡುಗಡೆಯಾದ ಕೆಲವೇ ತಿಂಗಳುಗಳಲ್ಲಿ ಲಕ್ಷಾಂತರ ಸಂಖ್ಯೆ​ಯಲ್ಲಿ ಮಾರಾಟವಾಗುವ ಮೂಲಕ ಹೊಸ ದಾಖಲೆ ಸೃಷ್ಟಿಸಿತ್ತು. ಇನ್ನಿತರ ಬೈಕ್​ಗಳ ಎದುರು ಯಾವುದೇ ಪೈಪೋಟಿ ಇಲ್ಲದೆ ಸರಾಗವಾಗಿ ಮಾರುಕಟ್ಟೆಯಲ್ಲಿ ಹವಾ ಸೃಷ್ಟಿಸಿದ ಬಜಾಜ್​ ಪಲ್ಸರ್​. ಈ ಮೂಲಕ ಪಡ್ಡೆ ಹುಡುಗರ ನಾಡಿಮಿಡಿತಕ್ಕೆ ಸ್ಪಂದಿಸಿತ್ತು. 25 ವರ್ಷದ ಬಜಾಜ್​ ಪಲ್ಸರ್​ ಜರ್ನಿಯಲ್ಲಿ ಸಾಕಷ್ಟು ಮಾರ್ಪಾಡುಗಳು, ಸಾಕಷ್ಟು ಬದಲಾವಣೆಗಳೊಂದಿಗೆ ಮಾರುಕಟ್ಟೆಯಲ್ಲಿ ಪಾರುಪತ್ಯ ಸಾಧಿಸುತ್ತಾ ಬಂದಿದೆ. ಇದೀಗ ಹೊಸ ಮಾದರಿಗಳಲ್ಲಿ ಹೊಸ ಹೊಸ ಬಣ್ಣಗಳಲ್ಲಿ ಮತ್ತಷ್ಟು ಸೈಲೀಷ್​, ಮತ್ತಷ್ಟು ರಗಡ್​ ಲುಕ್​ನೊಂದಿಗೆ 125 ಸಿಸಿ ಹಾಗೂ 150 ಸಿಸಿ ಬೈಕ್​ಗಳು ಮಾರುಕಟ್ಟೆಗೆ ಮತ್ತೊಮ್ಮೆ ಲಗ್ಗೆ ಹಾಕಿದೆ.

2001ರಲ್ಲಿ ಬಜಾಜ್​ ಪಲ್ಸರ್​ ಮೊದಲ ಬಾರಿಗೆ ಮಾರುಕಟ್ಟೆ ಪ್ರವೇಶಿಸಿತ್ತು. ಪ್ರಸ್ತುತ 2026 ರಲ್ಲಿ ಹೊಸ ಮಾದರಿಯ ಬೈಕ್​ಗಳು ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಮೂಲಕ ಬಜಾಜ್​ ಕಂಪನಿ 25 ವರ್ಷದ ಸಿಲ್ವರ್​ ಜ್ಯುಬಿಲಿ ಆಚರಿಸುತ್ತಿದೆ. ಇದೇ ಸಂಭ್ರಮದ ನೆನಪಿಗಾಗಿ ದೇವನಹಳ್ಳಿಯ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ತಾಜ್​ ಹೋಟೆಲ್​ನಲ್ಲಿ ವಿಶೇಷ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ದೇಶದ ನಾನಾ ರಾಜ್ಯಗಳಿಂದ ಮಾಧ್ಯಮಮಿತ್ರರನ್ನು ಆಹ್ವಾನಿಸಿ ಬಜಾಜ್​ ಪಲ್ಸರ್​ ಹೊಸ ಬೈಕ್​ಗಳ ಬಿಡುಗಡೆ ಕಾರ್ಯಕ್ರಮಕ್ಕೆ ಅದ್ದೂರಿತನದ ಮೆರುಗು ನೀಡಿತು.

ಹೊಸ ಆವೃತ್ತಿಯ ಬಜಾಜ್​ ಪಲ್ಸರ್​ 2026ರಲ್ಲಿ​ ಭಾರತದಲ್ಲಿ ಅಧಿಕೃತವಾಗಿ ಬಿಡುಗಡೆಯಾಗಿದೆ. ಈ ಹೊಸ ಆವೃತ್ತಿಯು ಸುಧಾರಿತ ಚಾಸಿಸ್​ ಮತ್ತು ಹೊಸ ವಿನ್ಯಾಸವನ್ನು (ಸ್ಟೈಲಿಂಗ್​) ಒಳಗೊಂಡಿದ್ದು, ಕ್ಲಾಸಿಕ್​ ಮತ್ತು ಆರಾಮದಾಯವಾಗಿ ಕುಳಿತು ಸವಾರಿ ಮಾಡುವ ಭಂಗಿಯಿಂದ ಗಮನ ಸೆಳೆಯುತ್ತಿದೆ. 149.5 ಸಿಸಿ ಟ್ವಿನ್​-ಸ್ಪಾರ್ಕ್​, ಏರ್​-ಕೂಲ್ಡ್​ ಎಂಜಿನ್​ ಹೊಂದಿದೆ. ಇದು 8,500 ಆರ್​ಪಿಎಂ 14 ಎನ್​ಎಂ ಶಕ್ತಿ ಹೊಂದಿಗೆ ಇದು ರೈನ್​, ರೋಡ್​ ಮತ್ತು ಸ್ಪೋರ್ಟ್​ ಎಂಬ ಮೂರು ವಿಭಿನ್ನ ರೈಡಿಂಗ್​ ಮೋಡ್​ಗಳನ್ನು ಪರಿಚಯಿಸುತ್ತದೆ. ಹಿಂದಿನ ಆವೃತ್ತಿಗಳಲ್ಲಿದ್ದ ಎರಡು ಶಾಕ್​ ಅಬ್ಸಾರ್ಬರ್​ಗಳ ಬದಲಿಗೆ, ಇದರಲ್ಲಿ ಹಿಂಭಾಗದ ಮೊನೊಶಾಕ್​ ಸಸ್ಪೆನ್ಷನ್​ ಅನ್ನು ಅಳವಡಿಸಲಾಗಿದೆ. ಬ್ಲೂಟೂತ್​ ಸಂಪರ್ಕ, ಗೂಗಲ್​ ಮ್ಯಾಪ್ಸ್​ ನ್ಯಾವಿಗೇಷನ್​ನ್​ ಮಿರರಿಂಗ್​ ಮತ್ತು ಸಂಗೀತ ನಿಯಂತ್ರಣಗಳೊಂದಿಗೆ 5-ಇಂಚಿನ ಕಲರ್​ ಎಲ್​ಸಿಡಿ ಡಿಸ್​ಪ್ಲೇಯನ್ನು ಹೊಂದಿವೆ. ಆಧುನಿಕ್​ ಎಲ್​ಇಡಿ ಹೆಡ್​ಲ್ಯಾಂಪ್​ಗಳನ್ನು ಹೊಂದಿದೆ.