4367 ಭಾಗ್ಯಲಕ್ಷ್ಮಿ ಬಾಂಡ್ ಪರಿಪಕ್ವ

ರಾಜ್ಯ ಸರ್ಕಾರದ ಭಾಗ್ಯಲಕ್ಷ್ಮೀ ಯೋಜನೆಯಡಿ ಜಿಲ್ಲೆಯಲ್ಲಿ 4367 ಲಾನುಭವಿಗಳ ಬಾಂಡ್ ಪರಿಪಕ್ವ (ಮೆಚ್ಯೂರಿಟಿ)ವಾಗಿದ್ದು ಜಿಲ್ಲಾ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಹಣ ಮಂಜೂರು ಮಾಡುವ ಕಾರ್ಯ ಆರಂಭಿಸಿದೆ.

ಬೆಂಗಳೂರು ಗ್ರಾಮಾಂತರ ಜಿಲ್ಲಾ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ವ್ಯಾಪ್ತಿಯಲ್ಲಿ ಏಪ್ರಿಲ್ 2007 ರಿಂದ ಮಾ.2008 ನೇ ಸಾಲಿನಲ್ಲಿ ಭಾಗ್ಯಲಕ್ಷ್ಮಿ ಯೋಜನೆಯಡಿ ನೋಂದಣಿಯಾಗಿ 18 ವರ್ಷ ಪೂರ್ಣಗೊಂಡ ಫಲಾನುಭವಿಗಳ ಪರಿಪಕ್ವ ಮೊತ್ತ ಸಿದ್ದವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಹಣವನ್ನು ಸಂಬಂಧಪಟ್ಟ ಲಾನುಭವಿಗಳಿಗೆ ಮಂಜೂರು ಮಾಡಲು ಈಗಾಗಲೇ ತಂತ್ರಾಂಶದಲ್ಲಿ ಡೇಟಾ ಅಳವಡಿಸುವ ಕಾರ್ಯ ಚುರುಕುಗೊಂಡಿದೆ. ಆದ್ದರಿಂದ ಲಾನುಭವಿಗಳು 4 ತಾಲ್ಲೂಕು ವ್ಯಾಪ್ತಿಯ ಶಿಶು ಅಭಿವೃದ್ಧಿ ಯೋಜನಾ ಕಚೇರಿಯನ್ನು ಸಂಪರ್ಕಿಸುವಂತೆ ಇಲಾಖೆ ಮನವಿ ಮಾಡಿದೆ.

ಏಪ್ರಿಲ್ 2007 ರಿಂದ ಮಾ.2008 ನೇ ಸಾಲಿನಲ್ಲಿ ಭಾಗ್ಯಲಕ್ಷ್ಮಿ ಯೋಜನೆಯಡಿ ನೋಂದಣಿಯಾಗಿ 18 ವರ್ಷ ಪೂರ್ಣಗೊಂಡ ಫಲಾನುಭವಿಗಳು ಕಚೇರಿಗಳಲ್ಲಿ ಕಡ್ಡಾಯವಾಗಿ ಹಾಜರಾಗಬೇಕು. ಒಂದು ವೇಳೆ ಲಾನುಭವಿಗಳಲ್ಲದೆ ಅವರ ಪಾಲಕರು, ಸಂಬಂಧಿಕರು ಮತ್ತಿತರರು ಬಾಂಡ್ ಜತೆ ಬಂದರೆ ಅದನ್ನು ಪರಿಗಣಿಸುವುದಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಬಾಂಡ್ ಜತೆಗೆ ಲಾನುಭವಿಗಳೇ ಖುದ್ದು ಹಾಜರಾಗಿ ಇಲಾಖೆಯ ತಂತ್ರಾಂಶದಲ್ಲಿ ನೋಂದಣಿಯಾಗಬೇಕು, ಸಂಬಂಧಪಟ್ಟ ಆಧಾರ್‌ಲಿಂಕ್ ಆಗಿರುವ ಬ್ಯಾಂಕ್‌ಪಾಸ್ ಪುಸ್ತಕವಿರಬೇಕು ಇದರ ಆಧಾರದ ಮೇಲೆ ಹಣವನ್ನು ನೇರವಾಗಿ ಖಾತೆಗೆ ವರ್ಗಾವಣೆ ಮಾಡುವ ಕೆಲಸ ನಡೆಯಲಿದೆ.

ರಾಜ್ಯ ಸರ್ಕಾರ ಭಾಗ್ಯಲಕ್ಷ್ಮೀ ಯೋಜನೆಯಡಿ ಹಣ ಠೇವಣಿ ಇಟ್ಟಿದ್ದು, ಪರಿಪಕ್ವವಾಗಿರುವ ಹಣ ಮಂಜೂರಾತಿಗೆ ಮಾ.25ರೊಳಗೆ ಆಯಾ ತಾಲೂಕು ಶಿಶು ಅಭಿವೃದ್ಧಿ ಇಲಾಖೆ ಸಂಪರ್ಕಿಸಬೇಕು, ತಡವಾದರೆ ಹಣವು ಸರ್ಕಾರಕ್ಕೆ ವಾಪಸ್ ಹೋಗಲಿದೆ. ಈ ನಿಟ್ಟಿನಲ್ಲಿ ಲಾನುಭವಿಗಳು ಶೀಘ್ರ ಕಚೇರಿಗೆ ಭೇಟಿ ನೀಡಿ ಸೌಲಭ್ಯವನ್ನು ಸದುಪಯೋಗ ಮಾಡಿಕೊಳ್ಳಬೇಕು ಎಂದು ಜಿಲ್ಲಾ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಅಧಿಕಾರಿಗಳು ಮನವಿ ಮಾಡಿದ್ದಾರೆ.

ಕಳೆದ ಸಾಲಿನಲ್ಲಿ ಪರಿಪಕ್ವಗೊಂಡ ಹಣ ಮಂಜೂರಾತಿಗೆ ಲಾನುಭವಿಗಳನ್ನು ಪತ್ತೆ ಮಾಡಲು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಅಧಿಕಾರಿಗಳು ಸಾಕಷ್ಟು ಕಸರತ್ತು ನಡೆಸಿದ್ದರು. ಅಂಗನವಾಡಿ ಕಾರ್ಯಕರ್ತೆಯರ ಮೂಲಕ ಲಾನುಭವಿಗಳನ್ನು ಪತ್ತೆ ಮಾಡುವಲ್ಲಿ ಭಾಗಶಃ ಯಶಸ್ಸು ಕಂಡಿದೆ. ಇದರೊಂದಿಗೆ ವ್ಯಾಪಕ ಪ್ರಚಾರ ನಡೆಸುವ ಮೂಲಕ ಸೇ.92 ಪ್ರಗತಿ ಸಾಧಿಸಿದೆ. ಇನ್ನೂ ಕೆಲವು ಲಾನುಭವಿಗಳು ಪತ್ತೆಯಾಗಿಲ್ಲ ಎನ್ನಲಾಗಿದ್ದು ಇಷ್ಟರಲ್ಲೇ ಅಂಥ ಲಾನುಭವಿಗಳ ಹಣ ಸರ್ಕಾರಕ್ಕೆ ವಾಪಸ್ ಹೋಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ದೇವನಹಳ್ಳಿ ತಾಲೂಕು- ಶಿಶು ಅಭಿವೃದ್ಧಿ ಯೋಜನಾ ಕಚೇರಿ, 2 ನೇ ಮಹಡಿ, ಅಕ್ಷಯ ಭವನ, ಪಿಎಲ್‌ಡಿ ಬ್ಯಾಂಕ್ ಕಟ್ಟಡ, ದೊಡ್ಡಬಳ್ಳಾಪುರ ತಾಲೂಕು- ಶಿಶು ಅಭಿವೃದ್ಧಿ ಯೋಜನಾ ಕಚೇರಿ, ಎಪಿಎಂಸಿ ಒಳಾವರಣ, ಟಿಬಿ ಸರ್ಕಲ್ ಹತ್ತಿರ, ಹೊಸಕೋಟೆ ತಾಲೂಕು- ಶಿಶು ಅಭಿವೃದ್ಧಿ ಯೋಜನಾ ಕಚೇರಿ, ಟಿಎಪಿಸಿಎಂಎಸ್ ಆವರಣ ನೆಲಮಂಗಲ ತಾಲೂಕು- ಶಿಶು ಅಭಿವೃದ್ಧಿ ಯೋಜನಾ ಚೇರಿ, ಎನ್‌ಎಚ್4, ಸೊಂಡೆಗೊಪ್ಪ ಬೈಪಾಸ್ ಪರ್ವತಪ್ಪ ಲೇಔಟ್ ಇಲ್ಲಿಗೆ ಭೇಟಿ ನೀಡಬೇಕು.

ಗ್ರಾಮಾಂತರ ಜಿಲ್ಲಾ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ವ್ಯಾಪ್ತಿಯಲ್ಲಿ ಏಪ್ರಿಲ್ 2007 ರಿಂದ ಮಾ.2008 ನೇ ಸಾಲಿನಲ್ಲಿ ಭಾಗ್ಯಲಕ್ಷ್ಮಿ ಯೋಜನೆಯಡಿ ನೋಂದಣಿಯಾಗಿ 18 ವರ್ಷ ಪೂರ್ಣಗೊಂಡ ಫಲಾನುಭವಿಗಳ ಪರಿಪಕ್ವ ಮೊತ್ತ ಸಿದ್ದವಾಗಿದೆ, ಲಾನುಭವಿಗಳು ಆಯಾ ಶಿಶುಅಭಿವೃದ್ಧಿ ಇಲಾಖೆಗೆ ಖುದ್ದು ಹಾಜರಾಗಬೇಕು ಅಲ್ಲಿನ ಎಲ್ಲ ಪ್ರಕ್ರಿಯೆ ಉಚಿತವಾಗಿರುತ್ತದೆ. ಲಾನುಭವಿಗಳು ಶೀಘ್ರವಾಗಿ ಭೇಟಿ ನೀಡಿ ಯೋಜನೆ ಲ ಪಡೆಯಬೇಕು.