ದ್ವಿಚಕ್ರ ವಾಹನ ಕದ್ದವ ಸೆರೆ

ತಮಿಳುನಾಡು ಡೆಂಕಣಿಕೋಟೆ ತಾಲೂಕು ಹಲಶೇಟ್ಟಿ ಗ್ರಾಮದ ನಾಗರಾಜ್​ ಅಲಿಯಾಸ್​ ನಾಗ ಬಂಧಿತ. ಪಟ್ಟಣದ ಬಿಡದಿ ರಸ್ತೆಯಲ್ಲಿ ದ್ವಿಚಕ್ರ ವಾಹನವನ್ನು ವೆಂಕಟ ಶಿವರಾಜ್​ ಎನ್ನುವವರು ಪಾರ್ಕಿಂಗ್​ ಮಾಡಿ ಕೆಲಸದ ನಿಮಿತ್ತ ಹೊರ ಹೋಗಿದ್ದರು. ನಂತರ ಬಂದು ನೋಡಿದಾಗ ಅಲ್ಲಿ ದ್ವಿಚಕ್ರ ವಾಹನ ಇರಲಿಲ್ಲ. ಸುತ್ತಮುತ್ತ ಹುಡುಕಾಡಿದ ನಂತರ ಹಾರೋಹಳ್ಳಿ ಠಾಣೆಗೆ ದೂರು ದಾಖಲಿಸಿದ್ದರು.

ದೂರು ದಾಖಲಿಸಿಕೊಂಡು ತನಿಖೆ ಆರಂಭಿಸಿದ ಇನ್​ಸ್ಪೆಕ್ಟರ್​ ಮಲ್ಲೆಶ್​ ನೇತೃತ್ವದ ತಂಡ ಆರೋಪಿಯನ್ನು ಹಿಡಿದು ತನಿಖೆ ನಡೆಸಿದಾಗ ಸತ್ಯ ಬಾಯಿಬಿಟ್ಟಿದ್ದಾನೆ.

ಬೆಂಗಳೂರಿನ ಕುಮಾರಸ್ವಾಮಿ ಲೇಔಟ್​, ಯಶವಂತಪುರ ಠಾಣೆ ವ್ಯಾಪ್ತಿಯಲ್ಲಿ ದ್ವಿಚಕ್ರ ವಾಹನವನ್ನು ಕಳುವು ಪ್ರಕರಣಗಳೂ ಈತನ ಮೇಲಿವೆ. ಕಾರ್ಯಾಚರಣೆಯಲ್ಲಿ ಪಿಎಸ್​ಐಗಳಾದ ಲೋಕೇಶ್​, ಜಯಕುಮಾರ್​, ಪೊಬೆಷನರಿ ಎಸ್​ಐ ಪ್ರಜ್ವಲ್​, ಎಎಸ್​ಐ ಅಯೂಬ್​ ಪಾಷ, ಸಿಬ್ಬಂದಿ ಬೋರೇಗೌಡ, ಅನಂತ್​ಕುಮಾರ್​, ಶಂಕರಲಿಂಗ ಎಸ್​.ಕುಂಬರ್​, ಶರಣಬಸಪ್ಪ, ವಿರೂಪಾಪ್ಪ, ಫಿರೋಜ್​ ಇದ್ದರು.