ಬೆಂಗಳೂರು ದಕ್ಷಿಣ

6 ದಿನಗಳಲ್ಲಿ ಗಣತಿ ಪೂರ್ಣಗೊಳಿಸಿದ ಶಿಕ್ಷಕಿ

ಫೋಟೋ: ಕೇಂದ್ರ ಸರ್ಕಾರ ಕೈಗೊಂಡಿರುವ ಜನಗಣತಿ ಕಾರ್ಯವನ್ನು ತ್ವರಿತಗಾಗಿ ಪೂರ್ಣಗೊಳಿಸಿದ ಶಿಕ್ಷಕಿ ಭಾರತಿ ಅವರನ್ನು ರಾಮನಗರ ನಗರಸಭೆಯಿಂದ ಅಭಿನಂದಿಸಲಾಯಿತು. ಪೌರಾಯುಕ್ತ ಡಾ.ಜಯಣ್ಣ, ಕಂದಾಯ ನಿರೀಕ್ಷಕ ನಾಗರಾಜು ಮುಂತಾದವರು ಇದ್ದರು.
ಫೋಟೋ: ಕೇಂದ್ರ ಸರ್ಕಾರ ಕೈಗೊಂಡಿರುವ ಜನಗಣತಿ ಕಾರ್ಯವನ್ನು ತ್ವರಿತಗಾಗಿ ಪೂರ್ಣಗೊಳಿಸಿದ ಶಿಕ್ಷಕಿ ಭಾರತಿ ಅವರನ್ನು ರಾಮನಗರ ನಗರಸಭೆಯಿಂದ ಅಭಿನಂದಿಸಲಾಯಿತು. ಪೌರಾಯುಕ್ತ ಡಾ.ಜಯಣ್ಣ, ಕಂದಾಯ ನಿರೀಕ್ಷಕ ನಾಗರಾಜು ಮುಂತಾದವರು ಇದ್ದರು.
ಗಂಗಾಧರ ಬಿ ವಿ
Published on: 

ಪ್ರಮುಖ ಮುಖ್ಯಾಂಶಗಳು

  • ರಾಮನಗರದ 17ನೇ ವಾರ್ಡ್‌ನ 70ನೇ ಬ್ಲಾಕ್ ಹೊಣೆ ಹೊತ್ತಿದ್ದ ಭಾರತಿ
  • ಕಾರ್ಯವೈಖರಿಗೆ ಮೆಚ್ಚುಗೆ ವ್ಯಕ್ತಪಡಿಸಿ ಸನ್ಮಾನ
ರಾಮನಗರ
ಕೇಂದ್ರ ಸರ್ಕಾರ ಕೈಗೊಂಡಿರುವ ಜನಗಣತಿ ಕಾರ್ಯವನ್ನು ಆರೇ ದಿನಗಳಲ್ಲಿ ಪೂರ್ಣಗೊಳಿಸಿದ ಶಿಕ್ಷಕಿಯನ್ನು ರಾಮನಗರ ನಗರಸಭೆಯಿಂದ ಸನ್ಮಾನಿಸಲಾಯಿತು.
ತಾಲೂಕಿನ ಹರೀಸಂದ್ರದ ಸರ್ಕಾರಿ ಪ್ರೌಢಶಾಲೆ ಶಿಕ್ಷಕಿ ಡಿ. ಭಾರತಿ ರಾಮನಗರ ನಗರಸಭೆ ವ್ಯಾಪ್ತಿಯ ಬ್ಲಾಕ್ ಗಣತಿಯನ್ನು ಕೇವಲ ಆರೇ ದಿನದಲ್ಲಿ ಪೂರ್ಣಗೊಳಿಸಿದ್ದಾರೆ.
ಭಾರತಿ ಅವರಿಗೆ ನಗರದ 17ನೇ ವಾರ್ಡ್‌ನ ಬಾಲಗೇರಿಯ 70ನೇ ಬ್ಲಾಕ್‌ನ ಗಣತಿಯ ಹೊಣೆ ವಹಿಸಲಾಗಿತ್ತು. 170 ಕಟ್ಟಡಗಳು ಹಾಗೂ 220 ಮನೆಗಳಿದ್ದ ಬ್ಲಾಕ್‌ನ ಗಣತಿಗೆ ಮೇ 15ರವರೆಗೆ ಒಂದು ತಿಂಗಳು ಅವಕಾಶವಿದ್ದರೂ, ಆರೇ ದಿನದಲ್ಲಿ ಮುಗಿಸುವ ಮೂಲಕ ಗಮನ ಸೆಳೆದಿದ್ದಾರೆ.

6 ಗಂಟೆಗೆ ಕೆಲಸ:

ಬಾಲಗೇರಿಯ 70ನೇ ಬ್ಲಾಕ್‌ಗಳಿಗೆ ಸಂಬಂಧಿಸಿದಂತೆ ಮೊದಲ ದಿನವೇ ರಸ್ತೆ ಮತ್ತು ಮನೆಗಳನ್ನು ಗುರುತಿಸಿಕೊಂಡು ನಕ್ಷೆ ತಯಾರಿಸಿಕೊಂಡಿದ್ದೆ. ನಿತ್ಯ ಬೆಳಗ್ಗೆ 6 ಕ್ಕೆ ಕೆಲಸ ಶುರು ಮಾಡಿ ಆ್ಯಪ್‌ನಲ್ಲಿ ಅಪ್ಲೋಡ್ ಮಾಡುತ್ತಿದ್ದೆ ಎಂದು ಭಾರತಿ ಮಾಹಿತಿ ಹಂಚಿಕೊಂಡರು.
ಗಣತಿಗಾಗಿ ಬೆಳಗ್ಗೆಯೇ ಮನೆಗಳಿಗೆ ಹೋದಾಗ ಕುಟುಂಬದ ಸದಸ್ಯರೆಲ್ಲರೂ ಸಿಗುತ್ತಿದ್ದರು. ಮಧ್ಯಾಹ್ನ 12 ರವರೆಗೆ ಗಣತಿ ಮುಗಿಸಿ ಊಟಕ್ಕೆ ವಿರಾಮ ತೆಗೆದುಕೊಳ್ಳುತ್ತಿದ್ದೆ. ನಂತರ ಮಧ್ಯಾಹ್ನ 2 ರಿಂದ ರಾತ್ರಿ 8ರವರೆಗೆ ಗಣತಿ ಮಾಡುತ್ತಿದ್ದೆ. ಈ ಅವಧಿಯಲ್ಲಿ ಬೀಗ ಹಾಕಿರುತ್ತಿದ್ದ ಮನೆಯವರು ಯಾವಾಗ ಸಿಗುತ್ತಾರೆ ಎಂಬುದನ್ನು ತಿಳಿದುಕೊಂಡು, ಅವರಿದ್ದಾಗಲೇ ಬಂದು ವಿವರ ಕಲೆ ಹಾಕುತ್ತಿದ್ದೆ ಎಂದು ಹೇಳಿದರು.

ಸನ್ಮಾನ

ನಗರಸಭೆಯ ವ್ಯಾಪ್ತಿಯ ಒಟ್ಟು 155 ಬ್ಲಾಕ್‌ಗಳ ಪೈಕಿ 70ರಲ್ಲಿ ಮೊದಲಿಗೆ ಗಣತಿ ಕಾರ್ಯ ಮುಗಿದಿದೆ. ತ್ವರಿತವಾಗಿ ಗಣತಿ ಕೆಲಸ ಮುಗಿಸಿರುವ ಭಾರತಿ ಅವರ ಕಾರ್ಯವೈಖರಿಗೆ ನಗರಸಭೆ ಮೆಚ್ಚುಗೆ ವ್ಯಕ್ತಪಡಿಸಿದೆ. ಪೌರಾಯುಕ್ತ ಡಾ.ಜಯಣ್ಣ ಸನ್ಮಾನ ಮಾಡುವ ಮೂಲಕ ಶಿಕ್ಷಕಿಯ ಕಾರ್ಯವೈಖರಿಯನ್ನು ಶ್ಲಾಘಿಸಿದ್ದಾರೆ ಎಂದು 70ನೇ ಬ್ಲಾಕ್ ಮೇಲ್ವಿಚಾರಕರಾದ ನಗರಸಭೆಯ ಕಂದಾಯ ನಿರೀಕ್ಷಕ ಆರ್. ನಾಗರಾಜು ಮಾಹಿತಿ ನೀಡಿದರು.
govtofindia
censusu
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net