ವಾಣಿಜ್ಯ ಸಿಲಿಂಡರ್ ಪೂರೈಕೆಯಲ್ಲಿ ಹೆಚ್ಚು ಸಮಸ್ಯೆ ಉಂಟಾಗಿರುವುದು ಜಿಲ್ಲೆಯ ಕನಕಪುರ ತಾಲೂಕಿನಲ್ಲಿ. ಈ ಬಗ್ಗೆ ಅಧಿಕಾರಿಗಳನ್ನು ಕೇಳಿದರೆ ನಮಗೆ ಪೂರೈಕೆ ಆಗುತ್ತಿಲ್ಲ ಎನ್ನುವ ಸಿದ್ಧ ಉತ್ತರ ಹೇಳುತ್ತಿದ್ದಾರೆ ಎನ್ನುವುದು ರೆಸಾರ್ಟ್ಗಳ ಮಾಲೀಕರ ಆರೋಪ. ಪಕ್ಕದ ಹಾರೋಹಳ್ಳಿ, ರಾಮನಗರದಲ್ಲಿ ಅಷ್ಟಿಷ್ಟು ಸಿಲಿಂಡರ್ಗಳು ಪೂರೈಕೆ ಮಾಡಲಾಗುತ್ತಿದೆಯಾದರೂ ಕನಕಪುರ ವಿಚಾರದಲ್ಲಿ ಈ ತಾರತಮ್ಯ ಏಕೆ ಎನ್ನುವುದು ಹೋಂ ಸ್ಟೇ ಮಾಲೀಕರ ಪ್ರಶ್ನೆ. ಈ ಬಗ್ಗೆ ಆಹಾರ ಮತ್ತು ನಾಗರಿಕ ಪೂರೈಕೆ ಇಲಾಖೆ ಅಧಿಕಾರಿಗಳು ಹೆಚ್ಚಿನ ಗಮನ ಹರಿಸಿ, ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಬೇಕಿದೆ. ಹಿಂದಿನ ಬಳಕೆಯನ್ನು ಗಮನಿಸಿ, ಅದರಲ್ಲಿ ಕನಿಷ್ಠ ಶೇ.50 ವಾಣಿಜ್ಯ ಸಿಲಿಂಡರ್ ಪೂರೈಕೆ ಮಾಡಬೇಕು ಎನ್ನುವ ಬೇಡಿಕೆ ಇವರದು.
