ಎಕ್ಸ್​ಪ್ರೆಸ್​ ಹೈವೇಲಿ ನಾಲ್ವರ ದುರ್ಮರಣ

ಬೆಂಗಳೂರಿನ ಕಲಾಸಿಪಾಳ್ಯದ ರಶೀದ್​ (45), ಆನೆಪಾಳ್ಯದ ಸಕೀರ್​ ಹುಸೇನ್​ (27), ಕೇರಳದ ಕ್ಯಾಲಿಕಟ್​ ನಿವಾಸಿ ಮಹಮದ್​ ಫರಹಾನ್​ (22), ಪಾಂಡಿಚೇರಿಯ ಮಾಹಿಯ ನಿವಾಸಿ ಆದಿತ್ಯ ಸುರೇಶ್​ (18) ಮೃತರು.

ಇಬ್ಬರೂ ಸ್ಥಳದಲ್ಲೆ ಮೃತಪಟ್ಟರೆ, ಇನ್ನಿಬ್ಬರು ಆಸ್ಪತ್ರೆಗೆ ಸಾಗಿಸುವ ಮಾರ್ಗ ಮಧ್ಯೆ ಕೊನೆಯುಸಿರೆಳೆದಿದ್ದಾರೆ. ಅಪಘಾತದಲ್ಲಿ ಕೇರಳ ಮೂಲದ ಅಬ್ದುಲ್​ ಹಾಗೂ ಆಲೇನ್​ ಗಾಯಗೊಂಡಿದ್ದಾರೆ.

ಖಾಸಗಿ ಟ್ರಾವೆಲ್ಸ್​ ಸಂಸ್ಥೆಯ ಸ್ಲೀಪರ್​ ಕೋಚ್​ ಬಸ್​ ಭಾನುವಾರ ರಾತ್ರಿ 8.30ಕ್ಕೆ ಕೇರಳದ ಕ್ಯಾಲಿಕಟ್​ನಿಂದ ಬೆಂಗಳೂರಿಗೆ ಹೊರಟಿತ್ತು. ಬೆಳಗಿನ ಜಾವ 4.10ರ ಸುಮಾರಿಗೆ ತಾಲೂಕಿನ ಪುಟ್ಟಪ್ಪನದೊಡ್ಡಿ ಗ್ರಾಮದ ಬಳಿ ಚಾಲಕ ನಿದ್ರೆ ಮಂಪರಿನಲ್ಲಿ ಬಸ್​ಅನ್ನು ರಸ್ತೆ ಬದಿಯ ತಡೆಬೇಲಿಗೆ ಡಿಕ್ಕಿ ಹೊಡೆಸಿದ್ದಾನೆ. ಡಿಕ್ಕಿ ರಭಸಕ್ಕೆ ಮೊದಲಿಗೆ ಬಸ್​ನ ಮುಂಭಾಗದ ಎಡಭಾಗದ ಟಯರ್​ ಸ್ಫೋಟಗೊಂಡಿದೆ. ನಂತರ, ಸುಮಾರು ನೂರು ಮೀಟರ್​ನಷ್ಟು ದೂರ ತಡೆಬೇಲಿಯನ್ನು ಉಜ್ಜಿಕೊಂಡು ಬಸ್​ ಚಲಿಸಿದೆ. ಹೀಗಾಗಿ ಬಸ್​ನ ಮುಂಭಾಗ (ಕ್ಯಾಬಿನ್​)ದಲ್ಲಿ ಕುಳಿತಿದ್ದವರಿಗೆ ತಡೆಬೇಲಿಯ ಕಬ್ಬಿಣದ ಕಂಬಿಗಳು ಚುಚ್ಚಿಕೊಂಡು ಮೃತಪಟ್ಟಿದ್ದಾರೆ. ಬಸ್​ ಚಾಲಕ ಮಹಮದ್​ ಲಿಶಾದ್​ನ ಅಜಾಗರೂಕತೆ ಹಾಗೂ ಅತಿವೇಗದ ಚಾಲನೆಯೇ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ.

ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಶ್ರೀನಿವಾಸಗೌಡ, ಡಿವೈಎಸ್ಪಿ ಕೆ.ಸಿ.ಗಿರೀಶ್​ ಸೇರಿ ಇನ್ನಿತರ ಪೊಲೀಸ್​ ಅಧಿಕಾರಿಗಳು ಸ್ಥಳ ಪರಿಶೀಲನೆ ನಡೆಸಿದರು. ಮೃತ ದೇಹಗಳನ್ನು ಚನ್ನಪಟ್ಟಣ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀೆ ನಡೆಸಿ, ವಾರಸುದಾರರಿಗೆ ಹಸ್ತಾಂತರ ಮಾಡಲಾಯಿತು.

ಅಪಘಾತವಾದ ಬಸ್​ನಲ್ಲಿ 36 ಸೀಟ್​ಗಳಿಗಷ್ಟೇ ಅವಕಾಶವಿತ್ತು. ಆದರೆ, ಚಾಲಕ ಹೆಚ್ಚುವರಿಯಾಗಿ ಏಳು ಪ್ರಯಾಣಿಕರನ್ನು ಕೂರಿಸಿಕೊಂಡು ಕ್ಯಾಲಿಕಟ್​ನಿಂದ ಬಂದಿದ್ದಾನೆ. ಮೃತಪಟ್ಟ ನಾಲ್ವರು ಸೇರಿ ಏಳು ಮಂದಿ ಬುಕ್ಕಿಂಗ್​ ಇಲ್ಲದ ಹಿನ್ನೆಲೆಯಲ್ಲಿ ಚಾಲಕನಿಗೆ ಟಿಕೆಟ್​ ಹಣವಾಗಿ 1000 ರೂಪಾಯಿ ನೀಡಿ, ಡೆವರ್​ ಕ್ಯಾಬಿನ್​ನಲ್ಲಿ ಕುಳಿತುಕೊಂಡಿದ್ದರು. ಈ ಏಳು ಮಂದಿ ಪೈಕಿ ನಾಲ್ವರು ಮೃತಪಟ್ಟರೆ, ಇಬ್ಬರು ಗಾಯಗೊಂಡಿದ್ದಾರೆ. ಇನ್ನೋರ್ವ ಅಪಾಯದಿಂದ ಪಾರಾಗಿದ್ದಾನೆ. ರಂಜಾನ್​ ಕಾರಣ ಕೇರಳದಿಂದ ಬೆಂಗಳೂರಿಗೆ ಬರುವ ಬಹುತೇಕ ಖಾಸಗಿ ಬಸ್​ಗಳಲ್ಲಿ ಸೀಟುಗಳು ಭರ್ತಿಯಾಗಿದ್ದವು. ಈ ಹಿನ್ನೆಲೆಯಲ್ಲಿ ಕೆಲಸಕ್ಕೆ ಹೋಗುವ ಧಾವಂತದಲ್ಲಿ ಇವರು ಆಸನಗಳು ಇಲ್ಲದಿದ್ದರೂ ಪರವಾಗಿಲ್ಲ ಎಂದು ಹೆಚ್ಚುವರಿ ಪ್ರಯಾಣಿಕರಾಗಿ ಪ್ರಯಾಣಿಸುತ್ತಿದ್ದರು. ಆದರೆ, ದುರದೃಷ್ಟವಶಾತ್​ ತಮ್ಮದಲ್ಲದ ತಪ್ಪಿಗೆ ಸಾವಿನ ದಾರಿ ತುಳಿಯುವಂತಾಗಿದೆ.

ಮೃತರೆಲ್ಲರೂ ವಿವಿಧ ಖಾಸಗಿ ಸಂಸ್ಥೆಗಳ ಉದ್ಯೋಗಿಗಳಾಗಿದ್ದು, ಪಾಂಡಿಚೇರಿಯ ಮಾಯಿಯ ನಿವಾಸಿ ಆದಿತ್ಯ ಸುರೇಶ್​ ಮಾತ್ರ ವಾಯುವಿಹಾನ ವಿಾನ ವಿದ್ಯಾರ್ಥಿಯಾಗಿದ್ದ ಎನ್ನಲಾಗಿದೆ. ಎಲ್ಲವೂ ಸುಗಮವಾಗಿದ್ದರೆ ಕೇವಲ ಒಂದೂವರೆ ತಾಸಿನಲ್ಲಿ ಗೂಡುಗಳನ್ನು ಸೇರಿಕೊಳ್ಳುತ್ತಿದ್ದರು. ಆದರೆ, ವಿಧಿಯಾಟದಿಂದ ಮಾರ್ಗಮಧ್ಯೆ ಹೆದ್ದಾರಿಯಲ್ಲಿ ಸಾವಿನ ದಾರಿ ತುಳಿದಿದ್ದು ವಿಪರ್ಯಾಸ.

ಈ ಅವಡದಲ್ಲಿ ಇನ್ನಷ್ಟು ಪ್ರಾಣಾಪಾಯಗಳು ಆಗುವ ಸಾಧ್ಯತೆಯಿತ್ತು. ಆದರೆ, ಅದೃಷ್ಟವಶಾತ್​ ಅದು ತಪ್ಪಿತು ಎನ್ನುವುದು ಪ್ರತ್ಯದರ್ಶಿಗಳ ಮಾತು. ಬಸ್​ ತಡೆಬೇಲಿಯನ್ನು ದಾಟಿ ಸರ್ವೀಸ್​ ರಸ್ತೆಯತ್ತ ಬಂದಿದ್ದರೆ ರಸ್ತೆಯ ಪಕ್ಕದ ಮನೆಗಳ ಮೇಲೆ ನುಗ್ಗುವ ಸಾಧ್ಯತೆ ಇತ್ತು. ಇದರೊಂದಿಗೆ, ಡಿಕ್ಕಿಯ ರಬ್ಬಸಕ್ಕೆ ಬಸ್​ ಪಲ್ಟಿಯಾಗಿದ್ದರೆ ಬಸ್​ನಲ್ಲಿ ನಿದ್ರೆಯಲ್ಲಿದ್ದ ಹಲವರ ಪ್ರಾಣಪ ಹಾರಿಹೋಗುವ ಸಂಭವವಿತ್ತು. ಅಪಘಾತವಾದ ಕೂಡಲೇ ಹೆದ್ದಾರಿಯಲ್ಲಿ ಸಂಚರಿಸುತ್ತಿದ್ದ ಇತರ ಪ್ರಯಾಣಿಕರು ಹಾಗೂ ಸ್ಥಳಿಯರು ತುರ್ತು ಕಿಟಕಿ ಮೂಲಕ ಎಲ್ಲ ಪ್ರಯಾಣಿಕರನ್ನು ರಸಿದ್ದಾರೆ.

"