ಗಣೇಶಮೂರ್ತಿಗಳ ಉಚಿತ ವಿತರಣೆ ಸದ್ದು

ಈ ಹಿಂದಿನಿಂದಲೂ ಉಚಿತವಾಗಿ ಗಣೇಶಮೂರ್ತಿಗಳನ್ನು ವಿತರಿಸುತ್ತಿದ್ದೇನೆ. ಚಿಕ್ಕ ವಯಸ್ಸಿನಿಂದಲೂ ನನಗೆ ಗಣೇಶನ ಹಬ್ಬದ ಬಗ್ಗೆ ವಿಶೇಷ ಆಸಕ್ತಿ ಇದೆ. ಮೂರ್ತಿ ವಿತರಣೆಯ ಹಿಂದೆ ಯಾವತ್ತಿಗೂ ರಾಜಕೀಯ ಉದ್ದೇಶವಿಲ್ಲ. ಹಿಂದಿನಿಂದಲೂ ಮಾಡಿಕೊಂಡು ಬಂದಿರುವ ಕಾರ್ಯವನ್ನು ಈಗಲೂ ಮುಂದುವರಿಸುತ್ತಿದ್ದೇನೆ.

ನಮ್ಮ ಸಂಸ್ಕೃತಿಯ ಭಾಗವಾಗಿರುವ ಗಣೇಶೋತ್ಸವಕ್ಕೆ ಬಹಳ ಮಹತ್ವವಿದೆ. ಹಬ್ಬದ ಸಂಭ್ರಮದಲ್ಲಿ ನಾವೂ ಭಾಗಿಯಾಗಬೇಕು ಹಾಗೂ ಯುವಜನರ ಹಬ್ಬದ ಸಂಭ್ರಮ ಹೆಚ್ಚಿಸುವ ಉದ್ದೇಶದಿಂದ ಗಣೇಶ ಮೂರ್ತಿಗಳನ್ನು ವಿತರಿಸುತ್ತಿದ್ದೇನೆ.

ಮೂರ್ತಿ ವ್ಯಾಪಾರವನ್ನೇ ನಂಬಿಕೊಂಡು ಲಕ್ಷಾಂತರ ರೂ. ಬಂಡವಾಳ ಹೂಡಿದ್ದೇವೆ. ಮೂರ್ತಿಗಳಿಗೆ ಈಗಾಗಲೇ ಸಂಪೂರ್ಣ ಹಣ ಪಾವತಿಸಿ ತಂದಿದ್ದೇವೆ. ಅಂಗಡಿ ಹಾಗೂ ಗೋದಾಮಿನ ಬಾಡಿಗೆಯನ್ನೂ ನಾವೇ ಭರಿಸಬೇಕು. ಚುನಾವಣೆ ಇಲ್ಲದ ಕಾರಣ ಈ ಬಾರಿ ಉಚಿತ ಮೂರ್ತಿ ವಿತರಣೆ ಇರುವುದಿಲ್ಲ ಎಂದುಕೊಂಡಿದ್ದೆವು. ಇದೀಗ ವ್ಯಾಪಾರ ಹೇಗೆ ಆಗುತ್ತದೆ ಎಂಬುದನ್ನು ಕಾದು ನೋಡಬೇಕು.