ಹವಾಮಾನ ವೈಪರೀತ್ಯ, ರೋಗಬಾಧೆ ಹೀಗೆ ಹಲವು ಕಾರಣಗಳಿಂದ ಎಳನೀರು ಇಳುವರಿ ಕಡಿಮೆಯಾಗುತ್ತದೆ. ಬೆಂಗಳೂರಿನಲ್ಲಿ ಸಿಗುವ ಹೆಚ್ಚಿನ ಎಳನೀರು ಮಂಡ್ಯ, ಚಾಮರಾಜನಗರ, ಮದ್ದೂರು, ಮಳವಳ್ಳಿ, ರಾಮನಗರ, ಹಾಸನ ಮತ್ತು ತುಮಕೂರಿನಿಂದ ಬರುತ್ತವೆ. ಬೈರಮಂಗಲದಂತಹ ಪ್ರದೇಶಲ್ಲಿ ಕಡಿಮೆ ಗುಣಮಟ್ಟದ ಎಳನೀರುಸಿಗುತ್ತದೆ. ಗಾತ್ರದಲ್ಲೂ ಚಿಕ್ಕದಾಗಿರುವುದರಿಂದ 30 ರೂ.ಗೆ ಮಾರಾಟ ಮಾಡಲಾಗುತ್ತದೆ. ಕಡಿಮೆ ಗುಣಮಟ್ಟದ ಉತ್ಪನ್ನ ತರಿಸಿ, ಲಕದಲ್ಲಿ ಕೇವಲ 30 ರೂ. ಎಂದು ಹಾಕಿ ಮಾರಾಟ ಮಾಡುತ್ತಾರೆ. ಇದು ಬರೀ ಗ್ರಾಹಕರನ್ನು ಸೆಳೆಯಲು ಮಾತ್ರ. "ಇದು ಒಳ್ಳೆಯದಿಲ್ಲ ಸ್ವಾಮಿ.. ನಿಮಗೆ ಒಳ್ಳೆಯ ಸಿಹಿ ಎಳನೀರು ಬೇಕೆಂದರೆ ಮತ್ತೆ ಇದೇ ಸೂಕ್ತ' ಎಂದು 60 ರೂ. ಬೆಲೆ ತೋರಿಸುತ್ತಾರೆ.
