ಗೃಹ ಬಳಕೆ, ಹೋಟೆಲ್-ರೆಸ್ಟೋರೆಂಟ್, ಸಭೆ-ಸಮಾರಂಭಗಳಲ್ಲಿ ಅಡುಗೆ ತಯಾರಿಕೆ ಸೇವೆಯನ್ನು ಕೇಟರಿಂಗ್ಗೆ ನೀಡಲಾಗುತ್ತದೆ. ಈ ವೇಳೆ ಹುಣಸೆಹಣ್ಣನ್ನು ನೀರಿನಲ್ಲಿ ನೆನೆಸಿ, ಕಿವುಚಿ, ಸೋಸಿ ಅಡುಗೆ ಮಾಡಲಾಗುತ್ತದೆ. ಆದರೆ, ನಗರ ಜೀವನಶೈಲಿಯಿಂದಾಗಿ ಈ ವಿಧಾನದಡಿ ಹುಣಸೆಯನ್ನು ಬಳಸಲು ಸಮಯದ ಅಭಾವ ಎದುರಾಗಿದೆ. ಇದನ್ನಾಧರಿಸಿ ವಿವಿಯ ಕೊಯ್ಲಿನೋತ್ತರ ಇಂಜಿನಿಯರಿಂಗ್ ಹಾಗೂ ತಂತ್ರಜ್ಞಾನ ವಿಭಾಗವು ಹುಣಸೆ ಹಣ್ಣಿನಿಂದ ತಯಾರಿಸಿವ ಪುಡಿ, ಪೇಸ್ಟ್ ಹಾಗೂ ಘನಸಾರವನ್ನು ಮಾಡುವ ಕಾರ್ಯವಿಧಾನವನ್ನು ಪ್ರಮಾಣಿಕರಿಸಲಾಗಿದೆ. ಹಾಗಾಗಿ ಈ ಹೊಸ ಪದಾರ್ಥಗಳನ್ನು ಸಾರ್ವಜನಕರು ಬಳಕೆ ಮಾಡಬಹುದಾಗಿದ್ದು, ತಂತ್ರಜ್ಞಾನ ವರ್ಗಾವಣೆಯನ್ನು ಪಡೆಯಲಿಚ್ಛಿಸುವವರು ವಿಶ್ವವಿದ್ಯಾಲಯದ ಸಂಶೋಧನಾ ಇಂಜಿನಿಯರ್ ಹಾಗೂ ಮುಖ್ಯಸ್ಥರನ್ನು ಸಂಪರ್ಕಿಸಬಹುದಾಗಿದೆ.
