ಕೆ.ಆರ್.ಮಾರುಕಟ್ಟೆ ರೈಟ್ ಪಾರ್ಕಿಂಗ್‌ಗೆ ಜನ ಖುಷ್

ದಶಕಗಳ ಕಾಲ ಸಮರ್ಪಕ ನಿರ್ವಹಣೆ ಇಲ್ಲದೆ ಕೆ.ಆರ್.ಮಾರುಕಟ್ಟೆ ನೆಲಮಹಡಿಯ ಪಾರ್ಕಿಂಗ್ ತಾಣ ಅನೈತಿಕ ಚಟುವಟಿಕೆಯ ತಾಣವಾಗಿತ್ತು. ಇಂತಹ ಜಾಗವು ಈಗ ದುಬೈ ಮಾದರಿಯ ಅಡ್ವಾಸ್ಡ್ ಪಾರ್ಕಿಂಗ್ ಟೆಕ್ನಾಲಜಿ ಅಳವಡಿಸಿಕೊಂಡ ಪರಿಣಾಮ ಮಾಲ್‌ಗಳಲ್ಲಿ ಕಾಣಸಿಗುವ ಸೌಲಭ್ಯವು ಜನಸಾಮಾನ್ಯರಿಗೆ ಸಿಗುತ್ತಿದೆ. ಕೈಗೆಟಕುವ ಶುಲ್ಕದಲ್ಲಿ ಉತ್ತಮ ಸೌಲಭ್ಯ ಲಭ್ಯವಾಗುತ್ತಿರುವ ಹಿನ್ನೆಲೆಯಲ್ಲಿ ರೈಟ್ ಪಾರ್ಕಿಂಗ್‌ಗೆ ಲಾಟ್‌ನಲ್ಲಿ ವಾಹನ ನಿಲುಗಡೆ ವ್ಯವಸ್ಥೆ ಯಶಸ್ಸು ಕಂಡಿದೆ.

ಕೆ.ಆರ್.ಮಾರುಕಟ್ಟೆಯಲ್ಲಿ ರೈಟ್ ಪಾರ್ಕಿಂಗ್ ಸೌಲಭ್ಯ ಮೇ 1ರಂದು ಉದ್ಘಾಟನೆ ಕಂಡಿತು. ಮರುದಿನದಿಂದಲೇ ಸಾರ್ವಜನಿಕರು ವಾಹನ ನಿಲುಗಡೆ ಸೌಲಭ್ಯವನ್ನು ಬಳಸಿಕೊಳ್ಳುತ್ತಿದ್ದಾರೆ. ಪಾರ್ಕಿಂಗ್ ಲಾಟ್‌ಗೆ ವಾಹನದೊಂದಿಗೆ ಆಗಮಿಸಿಕೊಡನೆ ಅಲ್ಲಿರುವ ಸ್ವಯಂಚಾಲಿತ ಯಂತ್ರದ ಬಟನ್ ಒತ್ತಿದರೆ ರಶೀದಿ ಕೈಸೇರುತ್ತದೆ. ಅದನ್ನು ಪಡೆದು ಒಳಪ್ರವೇಶಿಸಿ ನಿಗದಿತ ಸ್ಥಳದಲ್ಲಿ ವಾಹನ ನಿಲ್ಲಿಸಿ ಶಾಪಿಂಗ್‌ಗೆ ತೆರಳಬಹುದು. ವಾಪಸ್ ಹೋಗುವಾಗ ನಿರ್ಗಮನದ ಸ್ಥಳದಲ್ಲಿ ರಶೀದಿ ನೀಡಿ ಶುಲ್ಕ ಪಾವತಿಸಿ ತೆರಳಬಹುದು. ಪಾರ್ಕಿಂಗ್ ಮಾಡಲು ಸಿಬ್ಬಂದಿ ಸಹಾಯ ಮಾಡುತ್ತಾರೆ. ಮಹಿಳೆಯರು ಹಾಗೂ ಅಂಗವಿಕಲರಿಗೆ ಪ್ರತ್ಯೇಕ ಜಾಗ ನಿಗದಿಪಡಿಸಿದ್ದು ಅಲ್ಲಿಯೇ ವಾಹನ ನಿಲುಗಡೆ ಮಾಡಬಹುದು.

ಪಾರ್ಕಿಂಗ್ ಲಾಟ್‌ನಲ್ಲಿ 62 ಸಿಸಿ ಕ್ಯಾಮರಾ ಇದ್ದು, ಎಐ ತಂತ್ರಜ್ಞಾನ ಬಳಸಿಕೊಂಡು ಅವುಗಳನ್ನು ನಿರ್ವಹಣೆ ಮಾಡಲಾಗುತ್ತಿದೆ. ಹಾಗಾಗಿ ಯಾರು ಎಲ್ಲಿ ಎಂತಹ ವಾಹನವನ್ನು ನಿಲುಗಡೆ ಮಾಡಿದರು ಹಾಗೂ ಆ ವಾಹನ ನಿರ್ಗಮನದ ಸಮಯವನ್ನು ಕರಾರುವಕ್ಕಾಗಿ ತಿಳಿಸುವ ಸಾಧನದಿಂದ ನಿಲುಗಡೆ ಶುಲ್ಕವನ್ನು ಲೆಕ್ಕಹಾಕಲಾಗುತ್ತದೆ. ದಿನದ 24 ಗಂಟೆಯೂ 50 ಸಿಬ್ಬಂದಿ ಪಾಳಿಯಲ್ಲಿ ಕೆಲಸ ಮಾಡುವುದರಿಂದ ಯಾವುದೇ ಸಮಯದಲ್ಲೂ ಜನರು ಪಾರ್ಕಿಂಗ್ ಸೌಲಭ್ಯ ಪಡೆಯಬಹುದಾಗಿದೆ. ಸ್ಟಾರ್ ಹೋಟೆಲ್‌ನಲ್ಲೂ ಕಾಣಸಿಗದ ಸೌಲಭ್ಯ, ಸ್ವಚ್ಛತೆ ಹಾಗೂ ಅಚ್ಚುಕಟ್ಟುತನ ನಮಗೆ ಹೊಸ ಅನುಭವ ನೀಡಿತು ಎಂದು ಕೆಲ ನಾಗರಿಕರು ಪ್ರತಿಕ್ರಿಯಿಸಿದ್ದಾರೆ.

ಪಾರ್ಕಿಂಗ್ ಸೌಲಭ್ಯ ಆರಂಭಗೊಂಡು ತಿಂಗಳು ಪೂರ್ಣವಾಗುತ್ತಿದ್ದು, ಈವರೆಗೆ ಒಂದೂ ಕಳ್ಳತನ ಪ್ರಕರಣ ನಡೆದಿಲ್ಲ. ಹೆಲ್ಮೆಟ್ ಕಳೆದುಹೋಯಿತು ಎಂಬ ದೂರು ಬಂದಿಲ್ಲ. 62 ಸಿಸಿ ಕ್ಯಾಮರಾಗಳ ಮೇಲೆ ನಿರಂತರ ಕಣ್ಗಾವಲು ಇಡಲಾಗಿದೆ. ಪ್ರತೀ ಗಂಟೆಗೊಮ್ಮೆ ಪಾರ್ಕಿಂಗ್ ಲಾಟ್ ಸ್ವಚ್ಚಗೊಳಿಸುತ್ತಿದ್ದು, ನೈರ್ಮಲ್ಯಕ್ಕೆ ಆದ್ಯತೆ ನೀಡಲಾಗಿದೆ.

1 ಗಂಟೆವರೆಗೆ 15 25

1ರಿಂದ 2 ಗಂಟೆ 25 45

2ರಿಂದ 4 ಗಂಟೆ 45 85

4ರಿಂದ 6 ಗಂಟೆ 65 125

6ರಿಂದ 8 ಗಂಟೆ 85 165

8ರಿಂದ 10 ಗಂಟೆ 105 205

10ರಿಂದ 12 ಗಂಟೆ 125 245

12ರಿಂದ 24 ಗಂಟೆ 175 275

* ಮಹಿಳೆಯರು/ಅಂಗವಿಕರಿಗೆ ಪ್ರತ್ಯೇಕ ಪಾರ್ಕಿಂಗ್ ಜಾಗ ನಿಗದಿ

* ವಾಹನಗಳಲ್ಲಿ ಆಗಮಿಸುವವರಿಗೆ ವ್ಹೀಲ್‌ಚೇರ್ ಸೌಕರ್ಯ

* ದಿನದ 24 ಗಂಟೆಗಳ ವಾಹನ ಸುರಕ್ಷತೆಗೆ ಖಾತ್ರಿ

* ಉಚಿತ ವೈಫೈ, ಆರ್.ಒ. ವಾಟರ್, ಶೌಚಾಲಯದ ಸೌಲಭ್ಯ

* ಮಹಿಳೆಯರ ಸುರಕ್ಷತೆಗೆ ಪ್ಯಾನಿಕ್ ಬಟನ್

* ಇ - ವಾಹನಗಳಿಗೆ ಚಾರ್ಜಿಂಗ್ ಪಾಯಿಂಟ್

* ವಾಹನಗಳ ಚಕ್ರಕ್ಕೆ ಉಚಿತ ಗಾಳಿ ತುಂಬುವ ಸೌಲಭ್ಯ

* ಮಳೆನೀರಿನಿಂದ ಸಮಸ್ಯೆ ಉಂಟಾಗದಿರಲು ಪ್ರತ್ಯೇಕ ವ್ಯವಸ್ಥೆ

* ಕಾಫಿ/ಟೀ ಸ್ಟಾಲ್, ುಡ್ ಕೋರ್ಟ್ (ಶೀಘ್ರ ಆರಂಭ)

ದುಬೈ ಮಾದರಿ ಪಾರ್ಕಿಂಗ್ ತಂತ್ರಜ್ಞಾನ ಅಳವಡಿಸಿಕೊಂಡಿರುವುದು ಗ್ರಾಹಕರಿಗೆ ಗರಿಷ್ಠ ಸೌಲಭ್ಯ ಹಾಗೂ ಸೇವೆ ಒದಗಿಸಲು ಕಾರಣವಾಗಿದೆ. ಹಬ್ಬದ ಸೀಸನ್‌ನಲ್ಲಿ ಹೆಚ್ಚುವರಿ ಪ್ರವೇಶ/ನಿರ್ಗಮನಕ್ಕಾಗಿ ಸೌಲಭ್ಯ ಒದಗಿಸಲಾಗುವುದು. ಸದ್ಯ ಅರ್ಧದಷ್ಟು ಸೌಲಭ್ಯವನ್ನು ಜನರು ಬಳಸಿಕೊಳ್ಳುತ್ತಿದ್ದು, ಮುಂದಿನ ದಿನಗಳಲ್ಲಿ ಇನ್ನೂ ಹೆಚ್ಚಿನ ಪ್ರಮಾಣದಲ್ಲಿ ವಿಸ್ತರಣೆಯಾಗುವ ನಿರೀಕ್ಷೆ ಇದೆ.

ಹೊಸ ಪಾರ್ಕಿಂಗ್ ಸೌಲಭ್ಯ ಆರಂಭವಾದ ಬಳಿಕ ಮಾರುಕಟ್ಟೆಗೆ ಬರುವ ಜನರ ಸಂಖ್ಯೆ ಹೆಚ್ಚಾಗುತ್ತಿದೆ. ಇದರಿಂದ ಗ್ರಾಹಕರು, ವ್ಯಾಪಾರಿಗಳು ಹಾಗೂ ಹೊರಗಿನ ಜನರಿಗೆ ಮಾರ್ಕೆಟ್ ಪ್ರವೇಶ ಸುಲಭವಾಗಿದೆ. ಈ ಸೌಲಭ್ಯವನ್ನು ಇನ್ನಿತರ ನಾಗರಿಕರು ಪಡೆದುಕೊಳ್ಳಲಿ.

"