ಸ್ಥಳಕ್ಕೆ ಆಗಮಿಸಿದ ಶಂಕರಪುರ ಪೊಲೀಸರು, ಸ್ಥಳ ಪರಿಶೀಲಿಸಿ ಕೂಡಲೇ ಜಿಬಿಎ ಅರಣ್ಯ ವಿಭಾಗಕ್ಕೆ ಮಾಹಿತಿ ನೀಡಿ ತೆರವುಗೊಳಿಸಲು ಸೂಚನೆ ನೀಡಿದರು. 5 ತಾಸುಗಳ ಕಾಲ ಕ್ರೇನ್ ಸಹಾಯದಿಂದ ಮರದ ಅವಶೇಷ ತೆರವು ಕಾರ್ಯಾಚರಣೆ ಮಾಡಿದರು. 80 ವರ್ಷಕ್ಕೂ ಹಳೆಯ ಬೃಹತ್ ಮರ ಬಿದ್ದಿದ್ದರಿಂದ ಬಸವನಗುಡಿಯಿಂದ ಕೆ.ಆರ್ ಮಾರ್ಕೆಟ್, ಕೆಂಪೇಗೌಡ ಬಸ್ ನಿಲ್ದಾಣ, ಶಾಂತಿನಗರ, ಕಾರ್ಪೋರೇಷನ್ ಕಡೆಗೆ ಹೋಗುವ ವಾಹನಗಳ ಸಂಚಾರ ಮಾರ್ಗವನ್ನು ಮಾರ್ಪಾಡುಗೊಳಿಸಲಾಗಿತ್ತು. ಈ ಸಂಬಂಧ ಕೆಲವೆಡೆ ಸಂಚಾರ ಸಿಕ್ಕು ಎದುರಾಗಿತ್ತು.
ಮತ್ತೊಂದು ಮರ ಬೀಳುವ ಸಾಧ್ಯತೆ
ಬೃಹತ್ ಮರ ಬಿದ್ದ ರಸ್ತೆಯಿಂದ 50 ಮೀಟರ್ ದೂರಲ್ಲಿ ಮತ್ತೊಂದು ಬೃಹತ್ ಮರವಿದ್ದು, ಅದು ಸಹ ಬೀಳುವ ಸಾಧ್ಯತೆಯಿದೆ. ಹಾಗಾಗಿ ಆ ಮರವನ್ನು ಅನಾಹುತ ಸಂಭವಿಸುವ ಮೊದಲೇ ತೆರವುಗೊಳಿಸಬೇಕೆಂದು ಸಾರ್ವಜನಿಕರು ಜಿಬಿಎ ಅರಣ್ಯ ವಿಭಾಗಕ್ಕೆ ಒತ್ತಾಯಿಸಿದ್ದಾರೆ.
