ಸಜ್ಜೆಪಾಳ್ಯ ಜಮೀನು ಉಳಿಸಲು ಎಲ್ಲರೂ ಕೈಜೋಡಿಸಿ-land

ಶಾಸಕ ಎ.ಮಂಜು ಮಾತನಾಡಿ, ಕೋಟ್ಯಂತರ ರೂ.ಮೌಲ್ಯದ ಜಮೀನು ಉಳಿಯುವಂತಾಗಬೇಕು. ಹಿಂದಿನಿಂದಲೂ  ಜಮೀನು ಉಳಿವಿಗಾಗಿ ಕೃಷ್ಣಪ್ಪ ರಂಗಮ್ಮ ಶಿಕ್ಷಣ ಟ್ರಸ್ಟ್ ಹೋರಾಟ ನಡೆಸುತ್ತಿದೆ.  ಒತ್ತುವರಿದಾರರ ವಿರುದ್ಧ ಕ್ರಮ ತೆಗೆದುಕೊಳ್ಳಲು ಈಗಿನ ಸರ್ಕಾರ ವಿಲವಾಗಿದೆ. ಟ್ರಸ್ಟ್‌ನವರು ಡಿಸಿಎಂ ಡಿ.ಕೆ.ಶಿವಕುಮಾರ್, ಕಂದಾಯ ಸಚಿವ ಕೃಷ್ಣಭೈರೇಗೌಡ ಸೇರಿ ಸಂಬಂಧಿಸಿದವರಿಗೆ ಪತ್ರ ಬರೆದಿದ್ದರೂ ಸೂಕ್ತ ಸ್ಪಂದನೆ ಸಿಕ್ಕಿಲ್ಲ. ರಂಗಮ್ಮ ಆಶಯದಂತೆ ಜಾಗವನ್ನು ವಿದ್ಯಾರ್ಥಿಗಳ ಶೈಕ್ಷಣಿಕ ಉದ್ದೇಶಕ್ಕೆ ಬಳಸಬೇಕು ಎಂದರು.  

ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದ ಸಾಧಕರಿಗೆ ಮತ್ತು ಅದರ್ಶ ದಂಪತಿಗಳಿಗೆ ದತ್ತಿ ಪ್ರಶಸ್ತಿ ಪ್ರದಾನ ಮಾಡಲಾಯಿತು. ‘ಒಕ್ಕಲಿಗರಿಗಾಗಿ ರಂಗಮ್ಮನವರ ಭೂಮಿ ಕೊಡುಗೆ’ ಪುಸ್ತಕ ಬಿಡುಗಡೆ ಮಾಡಲಾಯಿತು. ನೂತನ ಕ್ಯಾಲೆಂಡರ್ ಅನಾವರಣ ಮಾಡಲಾಯಿತು.