ಸ್ವಾರಿ ಎಂದಿದ್ದ ವ್ಯಕ್ತಿ
ಮೆಟ್ರೋ ಲಿಫ್ಟ್‌ನಲ್ಲಿ ಮುಂದುವರಿದ ಸಂಭಾಷಣೆಯ ವೇಳೆ, ತಾನು ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡುವುದಾಗಿ ಮಹಿಳೆ ಎಚ್ಚರಿಕೆ ನೀಡಿದ್ದಾರೆ. ಇದಕ್ಕೆ ಆ ವ್ಯಕ್ತಿ "ನನಗೆ ಕ್ಷಮಿಸಿ" ಎಂದಿದ್ದು, ನೀವು ರೆಕಾರ್ಡ್ ಮಾಡಿದ್ದನ್ನು ಒಪ್ಪಿಕೊಳ್ಳುತ್ತೀರಾ ಎಂದು ಕೇಳಿದಾಗ "ಇಲ್ಲ" ಎಂದು ನುಣುಚಿಕೊಳ್ಳಲು ಯತ್ನಿಸಿದ್ದಾನೆ. ಆದರೆ ಆತನನ್ನು ರೆಡ್‌ ಹ್ಯಾಂಡ್‌ ಆಗಿ ಹಿಡಿದಿದ್ದು, ತಕ್ಕ ಶಿಕ್ಷೆ ಕೊಡಿಸುವುದಾಗಿ ಮಹಿಳೆ ಎಚ್ಚರಿಕೆ ನೀಡಿದ್ದಾರೆ.
ಕೊನೆಗೆ ಪಾಸ್ವರ್ಡ್ ಓಪನ್ ಮಾಡುವ ಗಳಿಗೆಯಲ್ಲಿ ಮೊಬೈಲ್ ಕಿತ್ತುಕೊಂಡು ಜಾಗದಿಂದ ಪರಾರಿಯಾದದ್ದು ಕಂಡುಬಂದಿದೆ. ಸದ್ಯ ಮೆಟ್ರೋ ನಿಲ್ದಾಣದಲ್ಲಿ ದೂರು ದಾಖಲಿಸಿದ್ದು, 7 ದಿನಗಳಲ್ಲಿ ಕ್ರಮ ಕೈಗೊಳ್ಳುವುದಾಗಿ ಅಧಿಕಾರಿಗಳು ಭರವಸೆ ನೀಡಿದ್ದರು ಎಂದೂ ಅವರು ತಿಳಿಸಿದ್ದಾರೆ.
ಮತ್ತೊಂದು ವಿಡಿಯೋದಲ್ಲಿ ಹೀಗಿದೆ
ಕಾಡುಗೋಡಿ ಪೊಲೀಸ್ ಠಾಣೆಗೆ ಭೇಟಿ ನೀಡಿ ದೂರು ದಾಖಲಿಸಿದ್ದಾಗಿ ಮಹಿಳೆ ಮತ್ತೊಂದು ವಿಡಿಯೋದಲ್ಲಿ ಮಾಹಿತಿ ನೀಡಿದ್ದಾರೆ. ಕಾಡುಗೋಡಿ ಪೊಲೀಸರು ತಕ್ಷಣವೇ ಸ್ಪಂದಿಸಿ ಎಫ್‌ಐಆರ್ ದಾಖಲಿಸಿದ್ದು, ತನಿಖೆ ಮುಂದುವರಿಸಿದ್ದಾರೆ. ಅಲ್ಲದೆ, ತನಿಖಾಧಿಕಾರಿಗಳು ವಿಡಿಯೋದಲ್ಲಿರುವ ವ್ಯಕ್ತಿಯನ್ನು ಹೋಲುವ ಕೆಲವರನ್ನು ಗುರುತಿಸಿದ್ದು, ಶೀಘ್ರದಲ್ಲೇ ಹೆಚ್ಚಿನ ಕ್ರಮ ಕೈಗೊಳ್ಳಲಾಗುವುದು ಎಂದಿದ್ದಾರೆ ಎನ್ನುವುದನ್ನು ಯುವತಿ ಉಲ್ಲೇಖಿಸಿದ್ದಾರೆ. ಜೊತೆಗೆ ನಿಮಗೆ ದೌರ್ಜನ್ಯವಾಗುತ್ತಿದ್ದರೆ ಸುಮ್ಮನೆ ಕೂರಬೇಡಿ. ಮೊದಲು ನಿಮ್ಮ ಸ್ಥಳೀಯ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿ ಎಂದು ಸಲಹೆ ಕೊಟ್ಟಿದ್ದಾರೆ.
ಮೆಟ್ರೋ ಅಪ್ಡೇಟ್ ಎಂದು ಮತ್ತೊಂದು ವಿಡಿಯೋವನ್ನು ಸೌಪಿಕಾ ಹಂಚಿಕೊಂಡಿದ್ದು ಇದರಲ್ಲಿ, ಪೊಲೀಸ್ ಕೇಸ್ ಓಡಾಟದ ಭಯದ ಬಗ್ಗೆ ಮಾತನಾಡಿದ್ದಾರೆ. ನನಗೆ ತುಂಬಾ ಭಯವಾಗುತ್ತಿದೆ. ಪೊಲೀಸ್ ಕೇಸ್ ಅಥವಾ ಇಂತಹ ವಿಷಯಗಳಲ್ಲಿ ನನಗೆ ಯಾವುದೇ ಅನುಭವವಿಲ್ಲ. ಆದರೆ ನಾನು ಮಾಡಿದ್ದು ಸರಿ ಎಂದೂ ನನಗೆ ತಿಳಿದಿದೆ. ಸೋಷಿಯಲ್ ಮೀಡಿಯಾ ಮೂಲಕ ಆ ವ್ಯಕ್ತಿಯನ್ನು ಹುಡುಕಬೇಕೆಂಬುದು ನನ್ನ ಉದ್ದೇಶವಾಗಿತ್ತು ಮತ್ತು ನಾವು ಅವನನ್ನು ಹುಡುಕಿದೆವು. ಈಗ, ಆ ವೀಡಿಯೊವನ್ನು ಇನ್ಮುಂದೆ ಹಂಚಿಕೊಳ್ಳುವುದರಲ್ಲಿ ಯಾವುದೇ ಅರ್ಥವಿಲ್ಲ. ಅದನ್ನು ಹಾಗೆಯೇ ಬಿಟ್ಟುಬಿಡಬೇಕಿತ್ತೇ ಎಂದು ಇಡೀ ರಾತ್ರಿ ಯೋಚಿಸುತ್ತಾ ಕಳೆದೆ. ಹಾಗಿದ್ದರೆ ಈ ಭಯ ಮತ್ತು ತಲೆನೋವು ಇರುತ್ತಿರಲಿಲ್ಲ. ಅಳುತ್ತಲೇ ನಿದ್ರೆಗೆ ಜಾರಿದೆ ಎಂದಿದ್ದಾರೆ.
ಆದರೆ, ಈ ಪುರುಷರು ಹೀಗೆ ಮಾಡಲು ಕಾರಣವೇ ಇದು. ಹುಡುಗಿಯರು ಮೌನವಾಗಿರುತ್ತಾರೆ ಎಂದು ಅನುಚಿತವಾಗಿ ವರ್ತಿಸುತ್ತಾರೆ. ಅವನು ಅಥವಾ ಅವನ ಕುಟುಂಬದವರು ಸೇಡು ತೀರಿಸಿಕೊಳ್ಳಲು ಪ್ರಯತ್ನಿಸುವ ಸಾಧ್ಯತೆಯಿದೆ. ಆ ಬಗ್ಗೆ ನನಗೆ ಭಯವಿದೆ ಎಂದು ಹೇಳಿಕೊಂಡಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ವೈರಲ್ ಆದ ಕೂಡಲೇ, ಬೆಂಗಳೂರು ನಗರ ಪೊಲೀಸ್ ಇಲಾಖೆಯು ವಿಡಿಯೋದ ಕಾಮೆಂಟ್ ವಿಭಾಗದ ಮೂಲಕ ಮಹಿಳೆಯನ್ನು ಸಂಪರ್ಕಿಸಿ ಘಟನೆಯ ನಿಖರವಾದ ಸ್ಥಳ ಮತ್ತು ಸಂಪರ್ಕ ಸಂಖ್ಯೆಯನ್ನು ಹಂಚಿಕೊಳ್ಳುವಂತೆ ಕೋರಿತ್ತು.
