ಆದಿತ್ಯ ಬಿರ್ಲಾ ಗ್ರೂಪ್​ಗೆ ಮಾರಾಟವಾದ ಆರ್​ಸಿಬಿ ಫ್ರಾಂಚೈಸಿ; ದಾಖಲೆ ಮೊತ್ತಕ್ಕೆ ಸೇಲ್​!

4 ಕಂಪನಿಗಳ ಒಕ್ಕೂಟವು ಆರ್​ಸಿಬಿ ತಂಡದ ಹಾಲಿ ಒಡೆತನ ಹೊಂದಿರುವ ಯುನೈಟೆಡ್​ ಸ್ಪಿರಿಟ್ಸ್​ ಲಿಮಿಟೆಡ್​ (ಯುಎಸ್​ಎಲ್​) ಜತೆ ಮಾರಾಟ ಒಪ್ಪಂದಕ್ಕೆ ಸಹಿ ಹಾಕಿವೆ. ಆರ್​ಸಿಬಿ ತಂಡದ ಶೇ. 100 ಷೇರು ಕೂಡ ಈ ಹೊಸ ಮಾಲೀಕರ ಪಾಲಾಗಲಿವೆ. ಇದರಲ್ಲಿ ಆರ್​ಸಿಬಿ ಪುರುಷರ ತಂಡ ಮಾತ್ರವಲ್ಲದೆ ಡಬ್ಲ್ಯುಪಿಎಲ್​ನಲ್ಲಿ ಆಡುವ ಆರ್​ಸಿಬಿ ಮಹಿಳಾ ತಂಡದ ಒಡೆತನವೂ ಸೇರಿದೆ. ಈ ಮೂಲಕ ಆರ್​ಸಿಬಿ, ಐಪಿಎಲ್​ ಇತಿಹಾಸದ ಅತ್ಯಂತ ದುಬಾರಿ ತಂಡ ಎನಿಸಿದೆ.

ಆದಿತ್ಯ ಬಿರ್ಲಾ ಗ್ರೂಪ್​ನ ನಿರ್ದೇಶಕ ಆರ್ಯಮಾನ್​ ವಿಕ್ರಮ್​ ಬಿರ್ಲಾ ಆರ್​ಸಿಬಿಯ ಹೊಸ ಮಾಲೀಕತ್ವ ಸಂಸ್ಥೆಯ ಚೇರ್ಮನ್​ ಆಗಿರಲಿದ್ದರೆ, ಟೈಮ್ಸ್​ ಆಫ್​​ ಇಂಡಿಯಾ ಗ್ರೂಪ್​ನ ಸತ್ಯನ್​ ಗಜ್ವಾನಿ ಉಪಾಧ್ಯಕ್ಷರಾಗಿರಲಿದ್ದಾರೆ. 

ಆರ್​ಸಿಬಿ ಮತ್ತು ಆರ್​ಆರ್ ಫ್ರಾಂಚೈಸಿಗಳನ್ನು ಹೊಸ ಮಾಲೀಕರಿಗೆ ಹಸ್ತಾಂತರಿಸುವ ಮುನ್ನ ಬಿಸಿಸಿಐನಿಂದ ಒಪ್ಪಿಗೆ ಪಡೆಯುವುದು ಅಗತ್ಯವಾಗಿದೆ. ಹೀಗಾಗಿ ಐಪಿಎಲ್​ 19ನೇ ಆವೃತ್ತಿಯಲ್ಲಿ ಆರ್​ಸಿಬಿ ಮತ್ತು ಆರ್​ಆರ್​ ತಂಡಗಳ ಮೇಲ್ವಿಚಾರಣೆ ಹಾಲಿ ಮಾಲೀಕರ ಕೈಯಲ್ಲೇ ಇರಲಿದೆ. ಸೆಪ್ಟೆಂಬರ್​-ಅಕ್ಟೋಬರ್​ನಲ್ಲಿ ನಡೆಯಲಿರುವ ಬಿಸಿಸಿಐ ವಾರ್ಷಿಕ ಮಹಾಸಭೆಯಲ್ಲಿ ಒಪ್ಪಿಗೆ ಸಿಕ್ಕ ನಂತರ ಫ್ರಾಂಚೈಸಿಗಳು ಹೊಸ ಮಾಲೀಕರ ಕೈ ಸೇರಲಿವೆ.