ಈ ಹಿಂದೆ ಸಿ.ವಿ. ರಾಮನ್ ನಗರದಲ್ಲಿ ಅಮೂಲ್ಯ ವಾಸಿಸುತ್ತಿದ್ದ ರೂಂ ಬಳಿಗೆ ಪೊಲೀಸರು ಈಕೆಯನ್ನು ಕರೆದೊಯ್ದು ಪರಿಶೀಲನೆ ನಡೆಸಿದ್ದಾರೆ ದೇಶದ್ರೋಹ ಆರೋಪದಡಿ ಟೌನ್ಹಾಲ್ ಬಳಿ ಬಂಧನಕ್ಕೊಳಗಾದ ಆರ್ದ್ರಾ ಜತೆ ಅಮೂಲ್ಯ ಈ ರೂಂನಲ್ಲಿ ಬಾಡಿಗೆ ಇದ್ದಳು. ನಂತರ ಆರ್ದ್ರಾ ಪಿಜಿಗೆ ಹೋಗಿದ್ದಳು ಎನ್ನಲಾಗಿದೆ. ಅಮೂಲ್ಯ ಕೆಲವೊಂದು ಪ್ರಶ್ನೆಗಳಿಗೆ ತಲೆಕೆಳಗಾಗಿಸಿ ಮೌನಕ್ಕೆ ಜಾರಿದ್ದಾಳೆ. ಆದರೆ, ಗೌರಿ ಲಂಕೇಶ್ ಹೆಸರು ಹೇಳುತ್ತಿದ್ದಂತೆ ಅಮೂಲ್ಯ ಕಣ್ಣೀರಿಟ್ಟಿದ್ದು, ಕೊನೆಗೆ ತನಿಖಾಧಿಕಾರಿಗಳು ನೀರು ಕೊಟ್ಟು ಸಮಾಧಾನ ಮಾಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಪ್ರತಿ ಹೇಳಿಕೆಯನ್ನು ತನಿಖಾಧಿಕಾರಿಗಳು ವಿಡಿಯೋ ರೆಕಾರ್ಡಿಂಗ್ ಮಾಡಿಸಲು ಮುಂದಾಗಿದ್ದಾರೆ. ಆರೋಪಿಗಳು ಸಿಎಎ, ಎನ್ಆರ್ಸಿ ಸೇರಿ ಕೆಲ ವಿಚಾರಗಳ ವಿರುದ್ಧ ಪ್ರತಿಭಟನೆಯ ರೂಪುರೇಷೆ ಹೇಗಿರಬೇಕೆಂದು ಗ್ರೂಪ್ ರಚಿಸಿ ರ್ಚಚಿ ಸುತ್ತಿದ್ದರೆಂದು ಮೇಲ್ನೋಟಕ್ಕೆ ಕಂಡು ಬಂದಿದೆ.
