ಬೆಂಗಳೂರು-ಮೈಸೂರು ದಶಪಥ ಹೆದ್ದಾರಿಯ ರಸ್ತೆಯಲ್ಲಿ 6 ಪಥದ ಎಕ್ಸ್ಪ್ರೆಸ್ ಹೈವೇ ನಿರ್ಮಿಸಲಾಗಿದೆ. ಆ ಆರರಲ್ಲಿ ಮೂರು ಬೆಂಗಳೂರಿನ ಕಡೆ, ಮೂರು ಮೈಸೂರಿನ ಕಡೆ ಇದೆ. ಇನ್ನು ಎರಡು ಭಾಗದ ಸರ್ವಿಸ್ ರಸ್ತೆಗಳಲ್ಲೂ ತಲಾ ಎರಡು ಪಥಗಳನ್ನು ನಿರ್ಮಿಸಲಾಗಿದೆ.
ಬೆಂಗಳೂರು -ಮೈಸೂರು ನಡುವಿನ 117 ಕಿ.ಮೀ. ಉದ್ದದ ದಶಪಥ ಕಾಮಗಾರಿ ಪೂರ್ಣಗೊಂಡಿದೆ. ಬೆಂಗಳೂರಿನಿಂದ ನಿಡಘಟ್ಟದವರೆಗಿನ 56.2 ಕಿ.ಮೀ. ದೂರದ ರಸ್ತೆ ಸಿದ್ಧವಾಗಿದೆ. ಎರಡನೇ ಹಂತದ ನಿಡಘಟ್ಟದಿಂದ ಮೈಸೂರು ವರೆಗಿನ 61 ಕಿ.ಮೀ. ದೂರದ ರಸ್ತೆಯಲ್ಲಿ ಒಂದಿಷ್ಟು ಕೆಲಸಗಳು ಬಾಕಿ ಉಳಿದಿದ್ದು, ಇದು ಫೆ.23ರ ವೇಳೆಗೆ ಪೂರ್ಣಗೊಳ್ಳಲಿದೆ. ಎಲ್ಲ ಅಂದುಕೊಂಡಂತೆ ನಡೆದರೆ ಮುಂದಿನ ತಿಂಗಳಿಂದಲೇ ಹೆದ್ದಾರಿ ಸೇವೆಗೆ ಮುಕ್ತವಾಗಲಿದೆ.
ಆರು ಪಥ ಎಕ್ಸ್ಪ್ರೆಸ್ ಹೈವೇ ಮತ್ತು ಉಳಿದ ನಾಲ್ಕು ಪಥವು ಸರ್ವೀಸ್ ರಸ್ತೆಯಾಗಿ ಬಳಕೆ ಆಗಲಿದೆ. 117 ಕಿ.ಮೀ. ಉದ್ದದ ಈ ಯೋಜನೆಯನ್ನು ಎರಡು ಹಂತದಲ್ಲಿ ಒಟ್ಟಾರೆ 8,408 ಕೋಟಿ ರೂ. ವೆಚ್ಚ ಮಾಡಲಾಗಿದೆ. ಇನ್ನು ಹೆಚ್ಚುವರಿ ಹಣ ಮಂಜೂರಾಗಿದೆ. ದಶಪಥ ಹೆದ್ದಾರಿ 9 ಬಹತ್ ಸೇತುವೆ, 44 ಸಣ್ಣ ಸೇತುವೆ, 8.7 ಕಿಮೀ ಉದ್ದ ಎಲಿವೇಟೆಡ್ ಹೈವೆ ಹೆಲ್ 4 ರೈಲ್ವೆ ಮೇಲ್ಸೆತುವೆ, 28 ವೆಹಿಕಲ್ ಅಂಡರ್ ಪಾಸ್, 14 ಪಾದಚಾರಿಗಳ ಅಂಡರ್ ಪಾಸ್ಗಳನ್ನು ಒಳಗೊಂಡಿದೆ. ಜತೆಗೆ ನಗರ ಪಟ್ಟಣ ಪ್ರದೇಶಗಳಿಗೆ ಸಂಪರ್ಕ ಕಲ್ಪಿಸುವ ನಿಟ್ಟಿನಲ್ಲಿ ಎಂಟ್ರಿ-ಎಕ್ಸಿಟ್ಗಳನ್ನು ನೀಡಲಾಗುತ್ತಿದೆ.
