ಈ ಬಗ್ಗೆ ಮಾತನಾಡಿರುವ ಬೆಂಗಳೂರು ನಗರ ಪೊಲೀಸ್ ಆಯುಕ್ತರಾದ ಸೀಮಂತ್ ಕುಮಾರ್ ಸಿಂಗ್, "ಇದು ಅನುಮಾನಾಸ್ಪದ ಸಾವು ಎಂದು ಆರಂಭದಲ್ಲಿ ಬಿಂಬಿಸಲಾಗಿತ್ತು. ಆದರೆ, ಯಾರೊಬ್ಬರು ದೂರು ನೀಡಲು ಮುಂದಾಗಿರಲಿಲ್ಲ. ನಾವು ಇದನ್ನು ಅಸಹಜ ಸಾವು ಎಂದೇ ರಿಪೋರ್ಟ್ ಮಾಡಿದ್ದೆವು. ಬಳಿಕ ಅವರ ಕುಟುಂಬಸ್ಥರ ಮನವಿ ನಂತರ ಯುವತಿಯ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಲಾಯಿತು. ಸಾಕ್ಷ್ಯಗಳನ್ನು ಸಂಗ್ರಹಿಸಿ, ಅದನ್ನು ಎಫ್ಎಸ್ಎಲ್ಗೂ ಕಳುಹಿಸಲಾಯಿತು. ವರದಿಯಲ್ಲಿ, ಆಕೆಯ ಸಾವಿಗೆ ಅಧಿಕ ಪ್ರಮಾಣದಲ್ಲಿ ನೀಡಿದ ಪ್ರೊಪೋಫೋಲ್ ಎಂಬ ನಿದ್ರಾಜನಕವೇ ಕಾರಣ ಎಂಬುದು ನಮಗೆ ತಿಳಿಯಿತು. ಪ್ರಸ್ತುತ, ಮೃತರ ತಂದೆ ಆರೋಪಿ ವಿರುದ್ಧ ದೂರು ದಾಖಲಿಸಿದ ಬೆನ್ನಲ್ಲೇ ನಾವು ತನಿಖೆಯನ್ನು ಇನ್ನಷ್ಟು ಚುರುಕುಗೊಳಿಸಿದ್ದೇವೆ" ಎಂದು ಹೇಳಿದ್ದಾರೆ,(ಏಜೆನ್ಸೀಸ್).
