ವಿವಿಯ ಕುಲಾಧಿಪತಿಯೂ ಆದ ರಾಜ್ಯಪಾಲ ವಜುಬಾಯಿ ವಾಲ ಅವರು ಈ ಆದೇಶ ಮಾಡಿದ್ದು, ಹಿರಿಯ ಡೀನ್ ಪ್ರೊ.ಎನ್.ನರಸಿಂಹಮೂರ್ತಿ ಅವರನ್ನು ಬೆಂ.ನಗರ ವಿವಿಯ ಪ್ರಭಾರ ಕುಲಪತಿಯಾಗಿ ನೇಮಕ ಮಾಡಲಾಗಿದ್ದು ನ.21ರಿಂದ ಫೆ.28ರವರೆಗೆ ಅಥವಾ ನೂತನ ಕುಲಪತಿ ನೇಮಕಗೊಳ್ಳುವವರೆಗೆ ಈ ನೇಮಕಾತಿ ಜಾರಿಯಲ್ಲಿರುತ್ತದೆ ಎಂದು ಆದೇಶದಲ್ಲಿ ತಿಳಿಸಿದ್ದಾರೆ.
ಬೆಂ.ನಗರ ವಿವಿಯ ಕಲಾ ನಿಖಾಯದ ಡೀನ್ ಹಾಗೂ ಸಮೂಹ ಸಂವಹನ ವಿಭಾಗದ ಮುಖ್ಯಸ್ಥರೂ ಆಗಿರುವ ಪ್ರೊ.ಎನ್.ನರಸಿಂಹ ಮೂರ್ತಿ ಅವರು 2014 ಸೆಪ್ಟಂಬರ್ನಲ್ಲಿ ಬೆಂಗಳೂರು ವಿವಿಯ ಪ್ರಾಧ್ಯಾಪಕರಾಗಿ ನೇಮಕಗೊಂಡಿದ್ದರು. ಬೆಂಗಳೂರು ವಿವಿ ವಿಭಜನೆ ಬಳಿಕ ಅವರು ಹೊಸದಾಗಿ ಸೃಷ್ಟಿಸಿ ಬೆಂ.ನಗರ ವಿವಿಯ ಸಮೂಹ ವಿಭಾಗದಲ್ಲಿ ತಮ್ಮ ಸೇವೆ ಮುಂದುವರೆಸಿದ್ದರು.
