ಶಿವಾಜಿನಗರ ಮಾರ್ಗದಲ್ಲಿದ್ದ ತಂಗುದಾಣ ಏಕಾಏಕಿ ಕಣ್ಮರೆಯಾಗಿದೆ. ಕಳೆದ 30ಕ್ಕೂ ಅಧಿಕ ವರ್ಷಗಳಿಂದ ಇಲ್ಲಿ ನಿಲ್ದಾಣವಿದೆ. ನಿತ್ಯ ಸಾವಿರಾರು ಜನರು ಇಲ್ಲಿಂದ ಬಸ್ ಹತ್ತಿ, ಇಳಿದು ಮಾಡುತ್ತಿರುತ್ತಾರೆ. ಬಿಸಿಲು, ಮಳೆಯಲ್ಲಿ ಬಸ್ಗೆ ಕಾಯುವಾಗ ಈ ನಿಲ್ದಾಣ ಸಹಕಾರಿಯಾಗುತ್ತಿತ್ತು. ಇದೀಗ ತಂಗುದಾಣ ಇಲ್ಲವಾಗಿದ್ದು, ಪ್ರಯಾಣಿಕರು ಮರದಡಿಯಲ್ಲಿ ನಿಲ್ಲಬೇಕಾಗಿದೆ. ಬಸ್ ಬರುವುದು ತಡವಾದರೆ ಹಿರಿಯ ನಾಗರೀಕರು ನಿಂತುಕೊಂಡೇ ಬಾಕಿ. ತಂಗುದಾಣ ಯಾಕಾಗಿ ತೆರವುಗೊಂಡಿದೆ ಎಂಬ ಬಗ್ಗೆ ಯಾವುದೇ ಮಾಹಿತಿಯಿಲ್ಲ. ನೋಟೀಸ್ ಕೂಡ ಜಾರಿಯಾಗಿಲ್ಲ. ಖಾಸಗಿ ವ್ಯಕ್ತಿಗಳ ಅನೂಲಕಕ್ಕಾಗಿ ತಂಗುದಾಣ ತೆರವುಗೊಂಡಿರುವ ಸಾಧ್ಯತೆಯಿದೆ ಎಂದು ಸ್ಥಳಿಯರು ಅನುಮಾನ ವ್ಯಕ್ತಪಡಿಸಿದ್ದಾರೆ.
