ಶಾಸಕ ನಾರಾಭರತರೆಡ್ಡಿ, ಕುಟುಂಬ ಹಾಗೂ ಬೆಂಬಲಿಗರೊಂದಿಗೆ ತಿರುಪತಿಯ ತಿಮ್ಮಪ್ಪನ ದರ್ಶನಕ್ಕೆ ಕಳೆದ ವಾರ ಭೇಟಿ ನೀಡಿದ್ದರು. ನಾರಾಭರತರೆಡ್ಡಿ ದೇವಸ್ಥಾನದಲ್ಲಿ ದರ್ಶನ ಪಡೆಯುವ ವೇಳೆ ಶಾಸಕರ ಬೆಂಬಲಿಗರು ಹೊರಗಡೆ ಫೋಟೋ ತೆಗೆಯುವ ವೇಳೆ ಟಿಟಿಡಿ ಸಿಬ್ಬಂದಿ ತಡೆಯಲು ಯತ್ನಿಸಿದ್ದಾರೆ. ಬಳಿಕ ದರ್ಶನ ಪಡೆದು ದೇವಸ್ಥಾನದಿಂದ ಹೊರಗಡೆ ಬಂದ ಶಾಸಕರಿಗೆ ದೇವಸ್ಥಾನದ ಆವರಣದಲ್ಲಿ ಫೋಟೋ ತೆಗಿಸಿಕೊಳ್ಳುವುದಕ್ಕೆ ಅವಕಾಶವಿಲ್ಲ ಎಂಬುದಾಗಿ ಟಿಟಿಡಿ ಸಿಬ್ಬಂದಿ ತಿಳಿಸಿದ್ದಾರೆ. ಆದರೂ, ಸಿಬ್ಬಂದಿಯ ಮಾತು ಲೆಕ್ಕಿಸದೆ ನಾರಾಭರತರೆಡ್ಡಿ ಕುಟುಂಬದವರ ಜತೆ ಫೋಟೋಗಳು ತೆಗಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಟಿಟಿಡಿ ಸಿಬ್ಬಂದಿ ಜತೆ ನಾರಾಭರತರೆಡ್ಡಿ ಹಾಗೂ ಬೆಂಬಲಿಗರು ವಾಗ್ವಾದ ನಡೆಸಿರುವ ವಿಡಿಯೋಗಳು ತೆಲುಗು ವಾಹಿನಿಗಳಲ್ಲಿ ಹರಿದಾಡಿವೆ.
