2008ರ ಬಿಜೆಪಿ ಸರ್ಕಾರದ ಅವಧಿಯಲ್ಲಿ ಮಾಜಿ ಸಚಿವ, ಹಾಲಿ ಶಾಸಕ ಜಿ.ಜನಾರ್ದನರೆಡ್ಡಿ ಜಿಲ್ಲಾ ಉಸ್ತುವಾರಿಯಾದ ಸಂದರ್ಭದಲ್ಲಿ ತಾಲೂಕಿನ ಅಲ್ಲಿಪುರ ಗ್ರಾಮದ ಹೊರವಲಯದಿಂದ ಆಲದಹಳ್ಳಿ, ಗುಗ್ಗರಹಟ್ಟಿ ಮಾರ್ಗವಾಗಿ ಅನಂತಪುರ ರಸ್ತೆಯವರಗೆ ಅರ್ಧ ರಿಂಗ್ ರಸ್ತೆ ಪೂರ್ಣಗೊಂಡಿತ್ತು. ಬಳಿಕ, ಅಕ್ರಮ ಗಣಿಗಾರಿಕೆ ಆರೋಪದಡಿ ಜಿ.ಜನಾರ್ದನರೆಡ್ಡಿ ಜೈಲು ಸೇರಿದ ಬಳಿಕ ಇನ್ನುಳಿದ ಕಾಮಗಾರಿ ಸ್ಥಗಿತಗೊಂಡಿತು. ಕಳೆದ ಹದಿನೈದು ವರ್ಷದಲ್ಲಿ ಹಲವು ಸರ್ಕಾರಗಳು ಹಾಗೂ ಜನಪ್ರತಿನಿಧಿಗಳು ಬದಲಾವಣೆಯಾದರೂ ಯಾವ ಜನಪ್ರತಿನಿಧಿ ಕೂಡ ಇನ್ನುಳಿದ ರಿಂಗ್ ರಸ್ತೆ ನಿರ್ಮಾಣದ ಬಗ್ಗೆ ಗಮನಹರಿಸಲಿಲ್ಲ. ಆದ್ದರಿಂದ, ಹೊಸಪೇಟೆ, ಸಿರಗುಪ್ಪ ಹಾಗೂ ಆಂಧ್ರದ ಕಡೆಗೆ ಸಂಚಾರಿಸಬೇಕಾದ ಬೃಹತ್ ವಾಹನಗಳು ನಗರದಲ್ಲಿ ಸಂಚಾರಿಸುವುದರಿಂದ ಅಪಘಾತ ಸಂಭವಿಸಿ ಹಲವರು ಮೃತಪಟ್ಟಿರುವ ಘಟನೆಗಳು ನಡೆದಿವೆ. ಇದಲ್ಲದೆ, ನಗರದಲ್ಲಿ ವಾಹನಸವಾರರು ಸಂಚಾರಿಸಲು ನಿತ್ಯವೂ ಪರದಾಡಬೇಕಾದ ಅನಿವಾರ್ಯತೆ ಎದುರಾಗಿದೆ.
