ರಾಮುಲು ಏಕಾಂಗಿ ಸಂಚರ : ಕಳೆದ ಆರು ತಿಂಗಳಿಂದ ರೆಡ್ಡಿ ಸಹೋದರರಿಂದ ಅಂತರ ಕಾಯ್ದುಕೊಂಡಿರುವ ಬಿ.ಶ್ರೀರಾಮುಲು ಜಿಲ್ಲಾದ್ಯಂತ ಏಕಾಂಗಿಯಾಗಿ ಪಕ್ಷ ಸಂಘಟನೆಗೆ ಮುಂದಾಗಿದ್ದಾರೆ. ಅಲ್ಲದೆ, ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ಕೂಡ್ಲಿಗಿ ಕ್ಷೇತ್ರದಿಂದ ಸ್ಪರ್ಧಿಸಲು ಆಸಕ್ತಿ ತೋರಿರುವ ರಾಮುಲು ಅಲ್ಲಿ ನಡೆಯುವ ಕ್ರಿಕೆಟ್ ಟೂರ್ನ್ಮೆಂಟ್, ಕುಂಭೋತ್ಸವ, ಜಾತ್ರೆ, ಕಾರ್ಯಕರ್ತರ ವಿವಾಹಗಳಲ್ಲಿ ಕಾಣಿಸಿಕೊಂಡು ಫುಲ್ ಆ್ಯಕ್ಟಿವ್ಯಾಗಿದ್ದಾರೆ. ಈಚೆಗೆ ಕಾಂಗ್ರೆಸ್ ಪಕ್ಷದ ಮಾಜಿ ಸಂಸದ ಕೆ.ಸಿ.ಕೊಂಡಯ್ಯ ಅವರ ಹುಟ್ಟುಹಬ್ಬಕ್ಕೆ ಮನೆಗೆ ನೇರವಾಗಿ ಭೇಟಿ ನೀಡಿ ಶುಭಾಶಯ ಹಾರೈಸಿದರು. ಆದರೆ, ಅಕ್ರಮ ಗಣಿಗಾರಿಕೆ ಪ್ರಕರಣದಡಿ ಕಳೆದ ಒಂದು ತಿಂಗಳ ಹಿಂದೆ ಜೈಲು ಸೇರಿದ್ದ ಅಪ್ತ ಗೆಳೆಯನ ಭೇಟಿ ಹಾಗೂ ಜೈಲಿನಿಂದ ಬಿಡುಗಡೆಗೊಂಡ ಬಳಿಕವಾದರೂ ಔದರ್ಯಕ್ಕೆ ಆದರೂ ಆರೋಗ್ಯ ವಿಚಾರಿಸಿಲ್ಲ. ರೆಡ್ಡಿಯಿಲ್ಲದೆ ರಾಮುಲು ಇಲ್ಲ ಎಂಬ ವಾಕ್ಯ ಅಳಿಸಲು ಈಗಿನಿಂದಲೇ ರಾಮುಲು ಏಕಾಂಗಿ ಸುತ್ತಾಡಿ ಗೆಲ್ಲಬೇಕು ಎಂಬ ಪಣ ತೊಟ್ಟಂತಿದೆ.
