ಬಾಕ್ಸ್ : ದಿಶಾ ಸಭೆಗೆ ಹಾಜರಾಗದ ಬಿಎಸ್ಎನ್ಎಲ್, ರೈಲ್ವೆ ಇಲಾಖೆ ಹಾಗೂ ಎನ್ಎಚ್ಎಐ ಅಧಿಕಾರಿಗಳಿಗೆ ನೋಟಿಸ್ ಜಾರಿಗೊಳಿಸಿ ಎಂದು ಸೂಚಿಸಿದರು. ಅಲ್ಲದೆ, ಎಪಿಎಂಸಿ ಕಾರ್ಯದರ್ಶಿ ಸಭೆಗೆ ಹಾಜರಾಗದೆ ಇಲಾಖೆಯ ಬೇರೊಬ್ಬ ಅಧಿಕಾರಿಯನ್ನು ಕಳುಹಿಸಿರುವುದು ಕಂಡ ಸಂಸದರು ಆ ಅಧಿಕಾರಿಯನ್ನು ಸಭೆಯಿಂದ ಹೊರ ನಡಿ ಸಭೆ ಮುಗಿಯುವ ವೇಳೆಗೆ ಕಾರ್ಯದರ್ಶಿ ಸಭೆಗೆ ಹಾಜರಾಗಿರಬೇಕು ಎಂದು ಅಕ್ರೋಶಗೊಂಡರು. ಕೃಷಿ, ತೋಟಗಾರಿಕೆ ಹಾಗೂ ಮಹಿಳಾ ಮಕ್ಕಳ ಕಲ್ಯಾಣ ಇಲಾಖೆಯ ಅಧಿಕಾರಿಗಳ ಕಾರ್ಯ ವೈಖರಿಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಆಹಾರ ಇಲಾಖೆಯ ಉಪನಿರ್ದೇಶಕಿ ಸಕೀನ ಅವರನ್ನು ನೀವು ಜಿಲ್ಲೆಯಲ್ಲಿ ಅಕ್ರಮ ಪಡಿತರ ಅಕ್ಕಿ ವಿತರಣೆ ತಡೆಯಲು ರಾಣಿ ಚೆನ್ನಮ್ಮ, ಒನಕೆ ಒಬವ್ವನಂತೆ ಹೋರಾಟ ನಡೆಸಿ ಎಂದು ಹೇಳಿದರು. ಯಾವುದೆ ಒಂದು ಯೋಜನೆಯ ಅನುದಾನಕ್ಕೆ ಕೆಎಂಆರ್ಸಿಯಿಂದ ಅನುಮೋದನೆ ದೊರತೆ ಬಳಿಕ ಡಿಎಂಎಫ್ ಅನುದಾನ ಸದ್ಬಳಕೆ ಅನುಮತಿಲ್ಲ ಎಂದು ಡಿಸಿ ತಿಳಿಸಿದರು. ಬಳಿಕ ಸಂಸದರು ಕೆಎಂಆರ್ಸಿ ಮುಖ್ಯಸ್ಥ ನ್ಯಾ. ಸುದರ್ಶನರೆಡ್ಡಿ ಜತೆ ನಾನು ಚರ್ಚಿಸುವೆ ಎಂದರು.
