ಬಳ್ಳಾರಿ ಮತ್ತು ವಿಜಯನಗರ ಜಿಲ್ಲೆಯಲ್ಲಿ ಅಸಂಖ್ಯ ಜೆಡಿಎಸ್ ಅಭಿಮಾನಿಗಳು ಹಾಗೂ ಪಕ್ಷ ಬೆಂಬಲಿತ ಸದಸ್ಯರಿದ್ದಾರೆ. ಹೀಗಾಗಿ ವಿಧಾನ ಪರಿಷತ್ ಚುನಾವಣೆಯಲ್ಲಿ ಯಾವ ಪಕ್ಷವನ್ನು ಬೆಂಬಲಿಸಬೇಕೆಂಬ ವಿಚಾರವನ್ನು ಆಯಾ ತಾಲೂಕು ಅಧ್ಯಕ್ಷರ ನಿರ್ಧಾರಕ್ಕೆ ಬಿಟ್ಟಿರುವೆ. ನಾವು ಇಂತವರಿಗೆ ಬೆಂಬಲ ನೀಡಿ ಎಂದು ಎಲ್ಲೂ ಹೇಳುವುದಿಲ್ಲ. ಪಕ್ಷದ ಹಿತಕ್ಕಾಗಿ ತಾಲೂಕು ಅಧ್ಯಕ್ಷರಿಗೆ ಯಾವ ಪಕ್ಷ ಬೇಕಾದರೂ ಬೆಂಬಲಿಸುವ ಅವಕಾಶ ನೀಡಿದ್ದೇವೆ ಎಂದರು. ಮುಖಂಡರಾದ ಲಕ್ಷ್ಮೀಕಾಂತರೆಡ್ಡಿ, ಕುರೇಕುಪ್ಪ ಸೋಮಪ್ಪ, ಮುನ್ನಬಾಯಿ, ವಾದಿರಾಜ್ ಶೆಟ್ಟಿ, ಗೋಪಾಲ, ಬಂಡೆಗೌಡ, ರಸೂಲ್ ಸಾಬ್, ಯಲ್ಲನಗೌಡ, ಪರಮೇಶ್ವರ ನಾಯ್ಕ, ವಿಜಯಕುಮಾರ್, ಪುಷ್ಪಾ, ರಾಮೇಶ್ವರಿ, ವಿಜಯಿಕುಮಾರಿ ಇದ್ದರು.
