ಸುದ್ದಿಗೋಷ್ಠಿಯಲ್ಲಿ ಬುಧವಾರ ಮಾತನಾಡಿ, ಈ ಯಾಗಕ್ಕೆ ಇನ್ನು ದಿನಾಂಕ ನಿಗದಿ ಮಾಡಿಲ್ಲ. ಈ ಯಾಗವನ್ನು ಪೂರ್ವಜರ ಕಾಲದ ರಾಜಾಧಿರಾಜರು ಲೋಕ ಕಲ್ಯಾಣಕ್ಕಾಗಿ ನಡೆಸುವ ಒಂದು ಪವಿತ್ರ ಸಂಕಲ್ಪ. ರೈತರು ಭೂಮಿಯಲ್ಲಿ ಬಿತ್ತನೆ ಮಾಡುವ ಬರದಲ್ಲಿ ಭೂಮಿಯಲ್ಲಿರುವ ಕೋಟ್ಯಂತರ ಜೀವಕೋಶಗಳ ನಾಶವಾಗುತ್ತವೆ. ಆ ಕಾರಣ ಶಾಪದಿಂದ ರೈತರಿಗೆ ಉತ್ತಮವಾದ ಬೆಳೆಯೂ ಬರುವುದಿಲ್ಲ. ಒಂದು ವೇಳೆ ಬಂದರೂ ಅತಿವೃಷ್ಟಿ, ಅನಾವೃಷ್ಟಿಗೆ ಬೆಳೆಗಳು ತುತ್ತಾಗಿ ರೈತರಿಗೆ ಕನಿಷ್ಠ ಬೆಲೆಯೂ ಸಿಗುವುದಿಲ್ಲ. ಹೀಗಾಗಿ ಕೃಷಿಯಲ್ಲಿ ಲಾಭಕ್ಕಿಂತ ನಷ್ಟವೇ ಬಹಳ. ಅದರೆ, ನಮ್ಮ ರೈತರಿಗೆ ಇದರ ಬಗ್ಗೆ ತಿಳಿದಿಲ್ಲ. ಭೂ ದೇವಿಗೆ ಬೀಜಯಜ್ಞ ಯಾಗದ ಪೂಜೆಯನ್ನು ನಡೆಸಿ ಮಂತ್ರೋಚ್ಛಾರದ ಮೂಲಕ ಭೂ ದೇವಿಗೆ ಶಾಂತಿಯನ್ನು ಮಾಡುತ್ತಿದ್ದೇವೆ. ಈ ಯಾಗಕ್ಕೆ ಒಂದು ಲಕ್ಷ ರೂ.ವೆಚ್ಚವಾಗಲಿದ್ದು, ಸಂಸ್ಥೆ ವ್ಯಯಿಸಿಲಿದೆ ಎಂದರು.
