ನಗರದ ಹೊರವಲಯದ ಮುಂಡ್ರಗಿ ಪ್ರದೇಶದಲ್ಲಿ ನಾಲವತ್ತಕ್ಕೂ ಅಧಿಕ ಜೀನ್ಸ್ ವಾಷಿಂಗ್ ಘಟಕಗಳಿಗೆ ಅಪಾರ ಪ್ರಮಾಣದ ನೀರಿನ ಅವಶ್ಯಕತೆಯಿದೆ. ಆದ್ದರಿಂದ, ಪ್ರತಿಯೊಂದು ಘಟಕಗಳಿಗೆ ಪೈಪ್ಲೈನ್ ಮೂಲಕ ಬೋರೆವೆಲ್ ಅಳವಡಿಸಿಕೊಂಡು ನೀರು ಸರಬಾರಜು ಮಾಡಿಕೊಳ್ಳಲಾಗುತ್ತಿದೆ. ನಿತ್ಯ ಒಂದು ಜೀನ್ಸ್ ಘಟಕದಿಂದ ಲಕ್ಷಾಂತರ ಲೀ. ನೀರು ವಾಷಿಂಗ್ಗೆ ಬಳಸಲಾಗುತ್ತಿದೆ. ಆದರೆ, ವಾಷಿಂಗ್ಗೆ ಬಳಸಿದ ನೀರನ್ನು ಶುದ್ಧಿಕರಿಸಿದೆ ಹೊರಗೆ ಬಿಡುವುದರಿಂದ ಸುತ್ತಲಿನ ಪರಿಸರ ಹಾಗೂ ಜನರ ಆರೋಗ್ಯ ಹಾಳಾಗಲಿದೆ. ಇದರ ಬಗ್ಗೆ ಹಲವು ಬಾರಿ ಪರಿಸರ ಮಾಲಿನ್ಯ ಇಲಾಖೆಯ ಅಧಿಕಾರಿಗಳು ಜೀನ್ಸ್ ಘಟಕದ ಮಾಲೀಕರಿಗೆ ಸೂಚಿಸಿದರೂ ಯಾವುದೇ ಕ್ರಮವಹಿಸಿಲ್ಲ. ಇತ್ತೀಚೆಗೆ ಜಿಲ್ಲೆಗೆ ಉಪಲೋಕಾಯುಕ್ತ ಭೇಟಿ ನೀಡಿದ ವೇಳೆ ಜೀನ್ಸ್ ಘಟಕಗಳಿಂದ ನೀರು ಶುದ್ಧಿಕರಿಸದೆ ಹೊರ ಬಿಡುವುದನ್ನು ಕಂಡು ಇಲಾಖೆಯ ಅಧಿಕಾರಿಗಳ ಮೇಲೆ ನೋಟಿಸ್ ಜಾರಿ ಮಾಡಿ ಅಸಮಾಧಾನ ಹೊರಹಾಕಿದ್ದರು.
