ನಗರದ ಬಹುದೊಡ್ಡ ಏಕೈಕ ಮೈದಾನ : ಇಲ್ಲಿನ ಡಾ.ರಾಜಕುಮಾರ ರಸ್ತೆಯಲ್ಲಿನ ಪದವಿ ಪೂರ್ವ ಮುನ್ಸಿಪಲ್ ಕಾಲೇಜು ಮೈದಾನದಲ್ಲಿ ಹೊಸ ಜಿಮ್ಸ್ ನಿರ್ಮಾಣಕ್ಕೆ ಇಲಾಖೆ ಮುಂದಾಗಿತ್ತು. ಮೈದಾನದ ಸಮೀಪದಲ್ಲಿಯೇ ಪದವಿ ಕಾಲೇಜು, ಮುನ್ಸಿಪಲ್ ಹೈಸ್ಕೂಲ್ ಹಾಗೂ ಪಿಯು ಕಾಲೇಜುಗಳಿವೆ. ಈ ಎಲ್ಲ ಶಾಲಾ ಕಾಲೇಜುಗಳಿಗೆ ಏಕೈಕ ದೊಡ್ಡ ಮೈದಾನ ಇದಾಗಿದೆ. ಹೃದಯಭಾಗದಲ್ಲಿ ಇರುವುದರಿಂದ ನೂರರು ಕ್ರೀಡಾ ಪ್ರೇಮಿಗಳಿಗೆ ನೆಚ್ಚಿನ ಮೈದಾನ ಕೂಡ ಆಗಿದೆ. ಅಲ್ಲದೆ, ವಿವಿಧ ಪಕ್ಷಗಳಿಗೆ ರಾಜಕೀಯ ಹಾಗೂ ಇತರೆ ಸಮಾವೇಶಗಳನ್ನು ಇಲ್ಲಿ ಆಯೋಜಿಸುವುದರಿಂದ ಸುತ್ತಲಿನ ಜನರಿಗೆ ಸೇರಲು ಅನುಕೂಲವಾಗಿದೆ. ಆದರೆ, ಈಗ ಹೊಸದಾಗಿ ಕಟ್ಟುತ್ತಿರುವ ಜಿಮ್ ಈ ಮೈದಾನದಲ್ಲಿ ನಿರ್ಮಾಣಗೊಂಡರೆ ಆಟದ ಸ್ಥಳವು ಕಡಿಮೆಯಾಗಲಿದೆ. ಅಲ್ಲದೆ, ಕಾಮಗಾರಿ ಪೂರ್ಣಗೊಳ್ಳುವ ಸಮಯಕ್ಕೆ ಬೃಹತ್ ವಾಹನಗಳ ಸಂಚಾರದಿಂದ ಮೈದಾನ ಹಾಳಾಗುತ್ತಿದೆ ಎಂಬ ಭೀತಿ ಕೂಡ ಇದೆ. ಆರಂಭದಲ್ಲಿಯೇ ಜಿಮ್ ನಿರ್ಮಾಣಕ್ಕೆ ಸ್ಥಳಿಯರು ವಿರೋಧ ನಡುವೆ ಪೂಜೆ ನೆರವೇರಿಸಲಾಯಿತು.
