ಸಿರಗುಪ್ಪ, ಕುರುಗೋಡು ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಹೆಚ್ಚಿನ ಪ್ರದೇಶದಲ್ಲಿ ಜೋಳ ಬೆಳೆಯಲಾಗಿದೆ. ಜಿಲ್ಲೆಯಲ್ಲಿ ಹಿಂಗಾರು ಹಂಗಾಮಿಗೆ 15 ಸಾವಿರ ಹೆಕ್ಟೇರ್ ಗುರಿ ಹೊಂದಿದ್ದು 21 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿ ಜೋಳ ಬೆಳೆಯಲಾಗಿದೆ. ಆರಂಭದಲ್ಲೇ ಸರ್ಕಾರ ಬೆಂಬಲ ಬೆಲೆ ಯೋಜನೆಯಡಿ ಎಕರೆಗೆ 10 ಕಿಂಟ್ವಾಲ್ ಜೋಳ ಖರೀದಿಸಲು ಆದೇಶಿಸಿತ್ತು. ಪ್ರಸ್ತುತ ಮುಂಗಾರು ಹಂಗಾಮಿನ ಜೋಳ ಖರೀದಿಸಲು ಸರ್ಕಾರ ಮುಂದಾಗಿದೆ. ತುಂಗಭದ್ರಾ ಜಲಾಶಯದಲ್ಲಿ ನೀರಿನ ಸಂಗ್ರಹ ಆಧರಿಸಿ ಎಚ್ಎಲ್ಸಿ ಹಾಗೂ ಎಲ್ಎಲ್ಸಿ ವ್ಯಾಪ್ತಿಯ ರೈತರು ಜೋಳ ಬಿತ್ತನೆ ಮಾಡುತ್ತಾರೆ. ಬಿಳಿ ಜೋಳ ಅಲ್ಪ ಅವಧಿಯ ಬೆಳೆಯಾಗಿರುವುದರಿಂದ ಚಳಿಗಾಲದಲ್ಲಿ ಕಟಾವು ಹಂತಕ್ಕೆ ಬಂದರೆ ಹೆಚ್ಚಿನ ಇಳುವರಿ ಬರಲಿದೆ. ಜಿಲ್ಲೆಯಲ್ಲಿ ರೈತರು ಹಿಂಗಾರು ಹಂಗಾಮಿನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಜೋಳ ಬೆಳೆದಿದ್ದಾರೆ. ಕೇವಲ ಹತ್ತು ಕಿಂಟ್ವಾಲ್ ಖರೀದಿ ವಿರೋಧಿಸಿ ವಿವಿಧ ಸಂಘಟನೆಗಳು ಹಾಗೂ ರೈತರು ಎಕರೆಗೆ ಇಪ್ಪತ್ತು ಕಿಂಟ್ವಾಲ್ ಖರೀದಿಸುವಂತೆ ಒತ್ತಾಯಿಸಿ ಸರ್ಕಾರ ವಿರುದ್ಧ ಪ್ರತಿಭಟಿಸಿದ್ದರು. ರೈತರ ಹೋರಾಟಕ್ಕೆ ಮಣಿದ ಸರ್ಕಾರ ಎಕರೆ ಗೆ ಇಪ್ಪತ್ತು ಕಿಂಟ್ವಾಲ್ ಖರೀದಿಸುವುದಾಗಿ ಆದೇಶ ಪತ್ರ ಹೊರಡಿಸಿದೆ. ಆದರೆ, ಆಹಾರ ಇಲಾಖೆ ಇಲಾಖೆಯಲ್ಲಿ ಇನ್ನೂ ಆನ್ ಲೈನ್ ನಲ್ಲಿ ಆಪ್ ಡೇಟ್ ಆಗದೆ ಇರುವುದರಿಂದ ಸದ್ಯ ಹಿಂಗಾರು ಬೆಳೆಗೆ ಬೆಂಬಲ ಬೆಲೆಯಡಿ ಖರೀದಿಗೆ ಹತ್ತು ಕಿಂಟ್ವಾಲ್ ಮಾತ್ರ ಅಧಿಕಾರಿಗಳು ನೊಂದಣಿಸಿಕೊಳ್ಳಲಾಗುತ್ತಿದೆ. ಇದರಿಂದ ಹಲವು ರೈತರು ಇತ್ತ ಮಾರಾಟ ಮಾಡದೇ ಲಕ್ಷಾಂತರ ರೂ. ಹಣದಷ್ಟು ಜೋಳವನ್ನು ಗೋದಾಮು ಹಾಗೂ ಮನೆಗಳಲ್ಲಿ ಸಂಗ್ರಹಿಸಿಕೊಂಡಿದ್ದಾರೆ. ಇನ್ನೂ ಕೆಲ ರೈತರು ಇಪ್ಪತ್ತು ಕಿಂಟ್ವಾಲ್ ನೊಂದಣಿ ಆರಂಭವಾಗುವರೆಗೆ ಬಾಡಿಗೆಗೆ ಗೋದಾಮು ಪಡೆದು ಇಟ್ಟಿದ್ದಾರೆ.
