ಸೂಕ್ತ ಉಗ್ರಾಣಗಳಿಲ್ಲ : ಬಳ್ಳಾರಿ, ರೂಪನಗುಡಿ, ಸಿರಗುಪ್ಪ, ಹಚ್ಚೋಳ್ಳಿ, ತಾಳೂರು, ಕರೂರು, ಅರಳಿಗನೂರು, ಮುದ್ದಟನೂರು, ಕಂಪ್ಲಿ, ಎಮ್ಮಿಗನೂರು, ಕುರುಗೋಡು ಹಾಗೂ ಸಂಡೂರು ಸೇರಿದಂತೆ ಒಟ್ಟು ಜಿಲ್ಲಾದ್ಯಂತ ಒಟ್ಟು ಹದಿಮೂರು ಖರೀದಿ ಕೇಂದ್ರಗಳಲ್ಲಿ ಹಿಂಗಾರು ಜೋಳ ಖರೀದಿಸಲಾಗುತ್ತಿದೆ. ಆದರೆ, ಖರೀದಿಸಿದ ಜೋಳವನ್ನು ಸಂರಕ್ಷಿಸಲು ಸೂಕ್ತ ಸ್ಥಳ ಹಾಗೂ ಉಗ್ರಾಣ ಸೌಲಭ್ಯವಿರುವುದು ಕೇವಲ ಜಿಲ್ಲೆಯ ಎರಡ್ಮೂರು ಖರೀದಿ ಕೇಂದ್ರಗಳಿಗೆ ಮಾತ್ರ. ಉಳಿದಂತೆ ಗ್ರಾಮದ ಬಯಲು ಪ್ರದೇಶ, ಛೌಡ್ರಿ ಹಾಗೂ ಹಳೆಯ ಗೋದಾಮುಗಳಲ್ಲಿ ಸಂಗ್ರಹಿಸಲಾಗುತ್ತಿದೆ. ಇದರಿಂದ ಮಳೆಗೆ ಆಹಾರ ಧಾನ್ಯ ಕೆಟ್ಟು ಸಾರ್ವಜನಿಕರು ಸೇವಿಸಿದರೆ ಆರೋಗ್ಯದ ಗಂಭೀರ ಪರಿಣಾಮ ಬೀರಲಿದೆ. ಅಲ್ಲದೆ, ಹಿಂಗಾರಿನ ಜೋಳವನ್ನು ಕೇಂದ್ರ ಉಗ್ರಾಣ ನಿಗಮ (ಸಿಡಬ್ಲೂಸಿ)ಗೆ ರವಾನಿಸಲಾಗುವುದು. ಮೇಲಧಿಕಾರಿಗಳಿಂದ ಇನ್ನೂ ಯಾವುದೇ ಜೋಳ ಸಾಗಣೆಯ ಆದೇಶ ಬಂದಿಲ್ಲ ಎಂಬುದಾಗಿ ಅಧಿಕಾರಿ ತಿಳಿಸಿದರು.
