ಬಳ್ಳಾರಿ : ನೆರೆಯ ಆಂಧ್ರ ಹಾಗೂ ಜಿಲ್ಲೆಯ ಜನರಿಗೆ ಚಿಕಿತ್ಸೆಗೆ ಮತ್ತು ಹೆರಿಗೆಗೆ ಹೆಸರುವಾಗಿಯಾಗಿದ್ದ ಇಲ್ಲಿನ ಜಿಲ್ಲಾಸ್ಪತ್ರೆಯು ಸದ್ಯ ಬಾಣಂತಿಯರ ಸರಣಿ ಸಾವಿನಿಂದ ವಿವಾದದಲ್ಲಿ ಸಿಲುಕಿದೆ. ಈ ಆಸ್ಪತ್ರೆಯಲ್ಲಿಯೇ ಈ ಹಿಂದೆ ಜಿಲ್ಲಾಧಿಕಾರಿಯಾಗಿದ್ದ ಎಸ್. ನಕುಲ್ ಪತ್ನಿ , ಜಿಪಂ ಸಿಇಒ ನಂದಿನಿ ಸೇರಿದಂತೆ ಐಪಿಎಸ್, ನ್ಯಾಯಾಧೀಶರ ಪತ್ನಿಯರು ಇಲ್ಲಿಯೇ ಸಾಮಾನ್ಯ ಹಾಗೂ ಶಸ್ತ್ರಚಿಕಿತ್ಸೆ ಹೆರಿಗೆಗೆ ಒಳಪಡುವ ಈ ಆಸ್ಪತ್ರೆ ಮೂಲಕ ಹೆಗ್ಗಳಿಕೆ ಪಡೆದಿತ್ತು. ಆದರೆ, ಸದ್ಯ ಜಿಲ್ಲೆಯ ಬಾಣಂತಿಯರ ಸಾವಿನಿಂದ ಸರ್ಕಾರಿ ಆಸ್ಪತ್ರೆಗಳ ಚಿಕಿತ್ಸೆಗೆ ತೆರಳಲು ರೋಗಿಗಳು ಹಾಗೂ ಗರ್ಭಿಣಿಯರು ಹಿಂದೇಟು ಹಾಕುತ್ತಿದ್ದಾರೆ. ಅಲ್ಲದೆ, ಈ ಆಸ್ಪತ್ರೆಯಲ್ಲಿ ಮೊದಲ ಹೆರಿಗೆಯಾದವರು ಎರಡನೇ ಹೆರಿಗೆಗೆ ದಾಖಲಿಸಲು ಕುಟುಂಬಸ್ಥರು ಭಯ ಪಡುತ್ತಿದ್ದಾರೆ. ಆದ್ದರಿಂದ, ಲಕ್ಷಾಂತರ ರೂ. ವ್ಯಯಿಸಿ ಖಾಸಗಿ ಆಸ್ಪತ್ರೆಯಲ್ಲಿ ಹೆರಿಗೆಗೆ ಮುಂದಾಗಿರುವುದು ಬೆಳಕಿಗೆ ಬಂದಿದೆ. ಕೆಲ ತಿಂಗಳ ಹಿಂದ ಖಾಸಗಿ ಆಸ್ಪತ್ರೆಯ ಚಿಕಿತ್ಸೆಗೆ ಆಸಕ್ತಿ ತೊರೆದು ಸರ್ಕಾರಿ ಆಸ್ಪತ್ರೆಗಳತ್ತ ಒಲವು ತೋರುತ್ತಿದ್ದ ಜನರಿಗೆ ಈ ಸರಣಿ ಸಾವು ಅತಂಕ ಮೂಡಿಸಿದೆ. ಅಲ್ಲದೆ, ಪ್ರತಿ ತಿಂಗಳು ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ತಪಾಸಣೆ ಕೈಗೊಳ್ಳುತ್ತಿದ್ದ ಗರ್ಭಿಣಿಯರು ಕೂಡ ನಗರದ ಪ್ರತಿಷ್ಠಿತ ಖಾಸಗಿ ವೈದ್ಯರ ಬಳಿ ಪ್ರತಿ ತಿಂಗಳ ತಪಾಸಣೆ ಕೈಗೊಳ್ಳುತ್ತಿದ್ದಾರೆ. ತ್ವರಿತಗತಿಯಲ್ಲಿ ಸರ್ಕಾರ ಹಾಗೂ ಅಧಿಕಾರಿಗಳು ತಪ್ಪಿಸ್ಥರ ಮೇಲೆ ಸೂಕ್ತ ಕ್ರಮ ಜರುಗಿಸಿ ಆಸ್ಪತ್ರೆಗಳತ್ತ ಸೆಳೆಯಬೇಕಿದೆ.
