ಸ್ವಾತಂತ್ರೃ ಹೋರಾಟದಲ್ಲಿ ಹಾಗೂ ಕರ್ನಾಟಕ ಏಕೀಕರಣದಲ್ಲಿ ಜಿಲ್ಲೆಯ ಕೊಡುಗೆ ಅಪಾರ. ಪೈಲ್ವಾನ್ ರಂಜಾನ್ ಸಾಬ್, ಚನ್ನಬಸವನ ಗೌಡರು, ಟಿ.ಎಚ್.ಎಂ.ಸದಾಶಿವಯ್ಯ, ರಾವ್ ಬಹದ್ದೂರ್ ಮಹಾಬಲೇಶ್ವರಪ್ಪ, ಚಂದ್ರಶೇಖರ ಶಾಸ್ತ್ರಿಗಳು, ಮುಂಡ್ಲೂರು ಗಂಗಪ್ಪ, ಹಿರೇಹಾಳದ ಇಬ್ರಾಹಿಂ ಸಾಬ್, ಅಳವಂಡಿ ಶಿವಮೂರ್ತಿ ಸ್ವಾಮಿಗಳು , ಬಣಕಾರ್ ಸಿದ್ದಲಿಂಗಪ್ಪ, ಗೋರ್ಲಿ ಶರಣಪ್ಪ ಹೀಗೆ ಅನೇಕ ಮಹನೀಯರು ಚಳವಳಿಯಲ್ಲಿ ಪಾಲ್ಗೊಂಡಿದ್ದಾರೆ ಎಂದು ಸ್ಮರಿಸಿದರು.
ಕನ್ನಡ ಸಾಹಿತ್ಯ ಕ್ಷೇತ್ರಕ್ಕೂ ಜಿಲ್ಲೆಯ ಕೊಡುಗೆ ಇದೆ. ಬಳ್ಳಾರಿಯ ರಾಘವ, ಜೋಳದರಾಶಿ ದೊಡ್ಡನಗೌಡ, ಎಳಿವಾಳ ಸಿದ್ದಯ್ಯ ಅನೇಕರು ಸಾಧನೆಗೈದಿದ್ದಾರೆ. ಅವಧೂತ ಪರಂಪರೆಯನ್ನು ಹೊಂದಿದ್ದ ಜಿಲ್ಲೆ ಎನ್ನುವ ಖ್ಯಾತಿ ಬಳ್ಳಾರಿಗೆ ಇದೆ. ವಿಜಯನಗರ ಸಾಮ್ರಾಜ್ಯದ ಇತಿಹಾಸ ಅವಿಸ್ಮರಣೀಯ ಎಂದು ನುಡಿದರು.
