ಅವಳಿ ಜಿಲ್ಲೆಯ ಎ ಹಾಗೂ ಬಿ ಶ್ರೇಣಿ ದೇವಸ್ಥಾನಗಳಾದ ನಗರದ ಕನಕ ದುರ್ಗಮ್ಮ ದೇವಿ 10.20 ಕೋಟಿ ರೂ. , ತಾಲೂಕಿನ ಎತ್ತಿನಬೂದಿಹಾಳ್ ಗ್ರಾಮದ ಕಟ್ಟೆಬಸವೇಶ್ವರ 1.18 ಕೋಟಿ ರೂ. , ಕುರುಗೋಡಿನ ದೊಡ್ಡಬಸವೇಶ್ವರ ಸ್ವಾಮಿ 2.42 ಕೋಟಿ ರೂ., ಸಿರಗುಪ್ಪ ತಾಲೂಕಿನ ಬಲಕುಂದಿ ಗ್ರಾಮದ ಬನ್ನಿ ಮಹಾಂಕಾಳಮ್ಮ 1.18 ಕೋಟಿ ರೂ., ಹಂಪಿ ವಿರೂಪಾಕ್ಷೇಶ್ವರ ಸ್ವಾಮಿ 4.35 ಕೋಟಿ ರೂ., ಹೂವಿನಹಡಗಲಿಯ ಮೈಲಾರ ಲಿಂಗೇಶ್ವರ ಸ್ವಾಮಿ 12.89 ಕೋಟಿ ರೂ., ಹರಪನಹಳ್ಳಿಯ ಉಚ್ಚಂಗಿದುರ್ಗದ ಉತ್ಸಾವಾಂಬದೇವಿ 3.73, ಬುಕ್ಕಸಾಗರದ ಏಳುಹೆಡೆ ನಾಗಪ್ಪ 1.28 ಕೋಟಿ ರೂ., ಕೋಟೆಮಲ್ಲೇಶ್ವರ ಸ್ವಾಮಿ 93.55 ಲಕ್ಷ ರೂ., ಕುಮಾರ ಸ್ವಾಮಿ 66.79 ಲಕ್ಷ ರೂ., ದರೂರು ಗ್ರಾಮದ ವೀರಭದ್ರಶ್ವರ ಸ್ವಾಮಿ 28.20 ಲಕ್ಷ ರೂ., ವರವಿನ ಮಲ್ಲೇಶ್ವರ 37.72 ಲಕ್ಷ ರೂ. ಸೇರಿ ಮೂರು ವರ್ಷದಲ್ಲಿ ಒಟ್ಟಾರೆ 47.64 ಕೋಟಿ ರೂ. ವೆಚ್ಚದಲ್ಲಿ ವಿವಿಧ ಅಭಿವೃದ್ಧಿ ಕಾಮಗಾರಿಗಳು ಪೂರ್ಣಗೊಳಿಸಲಾಗಿದೆ. ಒಟ್ಟಾರೆ ಈ ಎಲ್ಲ ದೇವಸ್ಥಾನಗಳಿಂದ ಮೂರು ವರ್ಷದಲ್ಲಿ 53.15 ಕೋಟಿ ರೂ. ಅದಾಯ ಬಂದಿದೆ. ಅಲ್ಲದೆ, ಅಖಂಡ ಜಿಲ್ಲೆಯ ಹಂಪಿಯ ವಿರೂಪಾಕ್ಷೇಶ್ವರ ಸ್ವಾಮಿ ದೇವಸ್ಥಾನದ ಪ್ರಸ್ತುತ ಠೇವಣಿಯಲ್ಲಿ 20.64 ಕೋಟಿ ರೂ. ಅತ್ಯಧಿಕ ಹಣ ಉಳಿದಿದೆ.
