ಜೀನ್ಸ್ ಅಪೆರಲ್ ಪಾರ್ಕ್ ವಿಳಂಬ : ಕಾಂಗ್ರೆಸ್ ನಾಯಕ ರಾಹುಲ್ಗಾಂಧಿ ವಿಧಾನಸಭಾ ಚುನಾವಣೆ ಪ್ರಚಾರದ ವೇಳೆ ಐದು ಸಾವಿರ ಕೋಟಿ ರೂ. ವೆಚ್ಚದಲ್ಲಿ ಜೀನ್ಸ್ ಅಪರೆಲ್ ಪಾರ್ಕ್ ಸ್ಥಾಪನೆ ಮಾಡುವುದಾಗಿ ಭರವಸೆ ನೀಡಿದ್ದರು. ಆದರೆ, ರಾಜ್ಯದಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೆ ಬಂದು ಎರಡು ವರ್ಷ ಕಳೆದರೂ ಈವರೆಗೂ ಜಿಲ್ಲೆಯಲ್ಲಿ ಸ್ಥಳ ಗುರುತಿಸಿಲ್ಲ. ಸ್ವತಃ ರಾಹುಲ್ ಗಾಂಧಿ ಜೋಡೋ ಯಾತ್ರೆ ವೇಳೆ ಜೀನ್ಸ್ ಘಟಕಕ್ಕೆ ಭೇಟಿ ನೀಡಿದ್ದ ಘಟಕವು ಚೇತರಿಕೆ ಕಾಣದೆ ಸಾಲದ ಸುಳಿಗೆ ಸಿಲುಕಿ ಬಂದ್ಯಾಗಿದೆ ಎಂದು ಉದ್ಯಮದಾರು ಹೇಳಿದರು. ಜಿಲ್ಲೆಯಲ್ಲಿ ಎರಡು ಲಕ್ಷಕ್ಕೂ ಅಧಿಕ ಜನರಿಗೆ ಉದ್ಯೋಗ ನೀಡುತ್ತಿರುವ ಜೀನ್ಸ್ ಘಟಕವು ವರ್ಷದಿಂದ ವರ್ಷಕ್ಕೆ ಕುಸಿಯುತ್ತಿದೆ. ಇಲ್ಲಿನ ಕೌಲಬಜಾರ್, ಹುಸೇನ್ನಗರ, ಬಾಪುಜಿ ನಗರ, ಬಳ್ಳಾರಪ್ಪ ಕಾಲನಿ ಸೇರಿದಂತೆ ವಿವಿಧಡೆ ಮನೆಗಳಲ್ಲಿ ಸದಾ ಕೇಳುತ್ತಿದ್ದ್ದ ಮಿಷನ್ಗಳ ಸದ್ದು ಕಡಿಮೆಯಾಗುತ್ತಿದ್ದು ಸರ್ಕಾರ ಜೀನ್ಸ್ ಉದ್ಯಮವನ್ನು ಮೇಲೆ ಎತ್ತುವ ಕೆಲಸ ಮಾಡಲಿ ಎಂಬ ಅಭಿಪ್ರಾಯ ಕೇಳಿ ಬಂದಿದೆ.
