ವಿವಿಯ ಬಿಎ ಪದವಿಯ ಪ್ರಥಮ ಸೆಮಿಸ್ಟರ್ನ ಸಾಮಾನ್ಯ ಕನ್ನಡದ ‘ಕಲಾ ಸೌರಭ’, ಬಿಕಾಂ ಮತ್ತು ಬಿಬಿಎ ಪದವಿಯ ಮೊದಲ ಸೆಮಿಸ್ಟರ್ನ ‘ವಾಣಿಜ್ಯ ಸೌರಭ’ ಹಾಗೂ ಬಿಎಸ್ಸಿ - ಬಿಸಿಎ ಪದವಿಯ ಮೊದಲ ಸೆಮಿಸ್ಟರ್ನ ‘ವಿಜ್ಞಾನ ಸೌರಭ’ ಪಠ್ಯಗಳನ್ನು ವಿಶ್ವವಿದ್ಯಾಲಯದ ಪ್ರಸಾರಾಂಗವೇ ಪ್ರಕಟಿಸಿದೆ. ಈ ಪಠ್ಯಗಳಲ್ಲಿ ಮುದ್ರಣ ಹಾಗೂ ಮಾಹಿತಿಯ ಸಾಕಷ್ಟು ದೋಷಗಳಿವೆ ಎಂದು ದೂರಿದ್ದಾರೆ. ಅಲ್ಲದೇ, ಪಠ್ಯ ಪುಸ್ತಕಗಳಲ್ಲಿ ವಿಶ್ವವಿದ್ಯಾಲಯದ ಕುಲಪತಿಗಳ ಹೆಸರನ್ನೇ ತಪ್ಪಾಗಿ ಮುದ್ರಿಸಲಾಗಿದೆ. ಇವುಗಳನ್ನು ಗಮನಿಸಿದಾಗ ಪಠ್ಯ ಪುಸ್ತಕ ಮುದ್ರಣ ಅಥವಾ ರಚನಾ ಸಮಿತಿಯಲ್ಲಿ ಇರುವ ನಿರ್ಲಕ್ಷೃ - ಬೇಜವಾಬ್ದಾರಿಗಳು ಅಥವಾ ಅತಿಯಾದ ಆತ್ಮವಿಶ್ವಾಸಗಳೇ ಕಾರಣವಾಗಿರುವುದು ಮೇಲ್ನೋಟಕ್ಕೆ ಸ್ಪಷ್ಟವಾಗಿ ಕಾಣುತ್ತಿವೆ. ಕಾರಣ ತಪ್ಪು ಮತ್ತು ದೋಷಪೂರಿತ ಪಠ್ಯಗಳ ಮುದ್ರಣಕ್ಕೆ ಕಾರಣ ಆಗಿರುವವರನ್ನು ತಕ್ಷಣವೇ ಪತ್ತೆ ಮಾಡಿ, ಕಾನೂನಿನ ವ್ಯಾಪ್ತಿಯಲ್ಲಿ ಶಿಕ್ಷಿಸಬೇಕು ಎಂದು ಸತೀಶ್ ಆಗ್ರಹಿಸಿದ್ದಾರೆ.
