ಇಲ್ಲಿನ ವಿಎಸ್ಕೆ ವಿವಿಯಲ್ಲಿ ಮೀಟರ್ ಬಡ್ಡಿ ದಂಧೆ ಎಂಬ ಶೀರ್ಷಿಕೆಯ ವಿಜಯವಾಣಿ ವರದಿಗೆ ಪ್ರತಿಕ್ರಿಯಿಸಿದರು. ಮೊದಲು ವಿವಿಯ ಬೋಧಕರ ಜತೆ ಸಭೆ ಆಯೋಜಿಸಿ ಯಾರೆಲ್ಲ ಈ ವ್ಯವಹಾರದಲ್ಲಿ ತೊಡಗಿದ್ದರೆ ಅಂತಹವರ ಮೇಲೆ ಕಠಿಣ ಕ್ರಮ ಜರುಗಿಸಲಾಗುವುದು. ಅಲ್ಲದೆ, ಎಲ್ಲ ಸಿಬ್ಬಂದಿ ಬಳಿ ಮುಚ್ಚಳಿಕೆ ಪತ್ರ ಬರೆದು ಕೊಡುವಂತೆ ಆದೇಶಿಸಿಲಾಗುವುದು. ಈ ವ್ಯವಹಾರದಲ್ಲಿ ಕೆಲ ಬೋಧಕೇತರ ಸಿಬ್ಬಂದಿ ತೊಡಗಿರುವುದು ಗಮನಕ್ಕೆ ಬಂದಿದೆ. ಅವರು ಎಲ್ಲರೂ ಈ ವ್ಯವಹಾರ ಇಲ್ಲಿಗೆ ಬಿಟ್ಟರೆ ಒಳ್ಳೆಯದು. ಇಲ್ಲದಿದ್ದರೆ, ಮುಂದಿನ ದಿನಗಳಲ್ಲಿ ಕಠಿಣ ಕ್ರಮ ಎದುರಿಸಲಿದ್ದಾರೆ ಎಂದು ಎಚ್ಚರಿಸಿದರು. ಮೀಟರ್ ಬಡ್ಡಿ ದಂಧೆಯಲ್ಲಿ ವಿವಿಯ ಪ್ರಾಧ್ಯಾಪಕರೊಬ್ಬರ ಮೇಲೆ ಆರೋಪ ತನಿಖೆಯಲ್ಲಿ ಸಾಬೀತಾದರೆ ಹುದ್ದೆಯಿಂದ ಅಮಾನತುಗೊಳಿಸಲಾಗುವುದು ಎಂದು ಹೇಳಿದರು.
