ಬಿ.ನಾಗೇಂದ್ರ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಿದ ಬಳಿಕ ಸದ್ಯ ಎರಡು ಜಿಲ್ಲೆಗಳ ಉಸ್ತುವಾರಿ ವಹಿಸಿಕೊಂಡಿರುವ ಸಚಿವ ಬಿ.ಝಡ್. ಜಮೀರ್ ಅಹ್ಮದ್ಖಾನ್ ಜಿಲ್ಲೆಯ ಜನರ ಕೈಗೆ ಸಿಗುತ್ತಿಲ್ಲ ಎಂಬ ಆರೋಪ ಬಲವಾಗಿದೆ. ಅಲ್ಲದೆ, ಕಳೆದ ಒಂದು ವರ್ಷದಿಂದ ಜಿಲ್ಲೆ ಹಾಗೂ ತಾಲೂಕಿನ ವಿವಿಧಡೆ ಅಭಿವೃದ್ಧಿ ಕಾಮಗಾರಿಗಳು ಕೆಲವಡೆ ಕುಂಠಿತಗೊಂಡರೆ ಹಾಗೂ ಇನ್ನೊಂದಡೆ ಅಮೆಗಾತಿ ಹಾಗೂ ಗುಣಮಟ್ಟದ ಕೊರತೆ ನಡುವೆ ಕಳೆಪಯಿಂದ ಕೂಡಿವೆ. ಕಾಲಕಾಲಕ್ಕೆ ಸಭೆ ನಡೆಸಿ ಅಧಿಕಾರಿಗಳ ಕಾರ್ಯ ಪ್ರವೃತ್ತಿ ಪರಿಶೀಲಿಸಬೇಕಾದ ಸಚಿವರ ಅನುಪಸ್ಥಿತಿಯಿಂದ ಅಧಿಕಾರಿಗಳು ಹಾಗೂ ಗುತ್ತಿಗೆದಾರರು ಅವರು ಆಡಿದ್ದೇ ಆಟ ಎಂಬಂತೆ ಬಿಂಬಿತವಾಗಿದೆ. ಇದಲ್ಲದೆ, ಈಗಾಗಲೇ ಹಲವು ಕಟ್ಟಡಗಳ ಉದ್ಘಾಟನೆ, ಪ್ರತಿಮೆಗಳ ಅನಾವರಣ, ರಸ್ತೆ ಅಭಿವೃದ್ಧಿಗೆ ಚಾಲನೆ ದೊರೆಯಬೇಕಿದೆ. ಆದರೆ, ಸಂಬಂಧಪಟ್ಟ ಜನಪ್ರತಿನಿಧಿಗಳ ದಿನಾಂಕ ನಿಗದಿಯಾಗದೆ ಇರುವುದರಿಂದ ಉದ್ಘಾಟನೆಯಾಗದೆ ಉಳಿದಿವೆ. ಇತ್ತೀಚಿನ ಪೂರ್ವ ಮುಂಗಾರು ಮಳೆಯಿಂದ ಅಧಿಕಾರಿಗಳು ಪೂರ್ವ ಸಿದ್ಧತೆ ಕೈಗೊಳ್ಳದೆ ಇದ್ದರಿಂದ ಜಿಲ್ಲೆಯ ಜನತೆ ನಲುಗಿದ್ದರು. ಏನೇ ಇರಲಿ ಜಿಲ್ಲೆಯ ಅಭಿವೃದ್ಧಿ ಹಾಗೂ ಕಾಂಗ್ರೆಸ್ ಪಕ್ಷದ ಬಲವರ್ಧನೆಗೆ ಮನಗೊಂಡು ಮರಳಿ ಸಚಿವ ಬಿ.ನಾಗೇಂದ್ರ ಅವರಿಗೆ ಸಚಿವ ಸ್ಥಾನ ನೀಡಬೇಕು ಎಂಬುದು ಕಾರ್ಯಕರ್ತರ ಆಶಯವಾಗಿದೆ.
