ಬಾಕ್ಸ್ : ಇಲ್ಲಿನ ಜಿಲ್ಲಾ ಕ್ರೀಡಾಂಗಣದಲ್ಲಿ ಆಯೋಜಿಸಿದ್ದ ಜಿಲ್ಲಾಮಟ್ಟದ ದಸರಾ ಕ್ರೀಡಾಕೂಟವು ಬೆಳಗ್ಗೆ 11 ಗಂಟೆಗೆ ನಿಗದಿಯಾಗಿತ್ತು. ಆದರೆ, ಮಧ್ಯಾಹ್ನ 12.30ವರೆಗೆ ಆರಂಭಗೊಂಡಿತು. ಅಲ್ಲದೆ, ಕಾರ್ಯಕ್ರಮಕ್ಕೆ ಆಹ್ವಾನಿಸಿದ್ದ ಜಿಲ್ಲಾ ಉಸ್ತುವಾರಿ ಸಚಿವ, ಶಾಸಕರು, ಸಂಸದರು ಯಾರು ಭಾಗವವಹಿಸಿಲಿಲ್ಲ. ಕೊನೆಗೆ ಗಣ್ಯರ ಆಹ್ವಾನಕ್ಕೆ ಕಾದು ಸುಸ್ತಾದ ಇಲಾಖೆ ಅಧಿಕಾರಿಗಳು ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಲಿಡ್ಕರ್ ಅಧ್ಯಕ್ಷರ ಮೂಲಕವೇ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಬೆಳಗ್ಗೆಯಿಂದ ಮೈದಾನದ ಆವರಣದಲ್ಲಿ ಬಿಸಿಲಿಗೆ ಕಾದು ಕುಳಿತಿದ್ದ ಕ್ರೀಡಾಪಟುಗಳು ವೇದಿಕೆಯಲ್ಲಿ ಗಣ್ಯರ ಭಾಷಣದ ವೇಳೆ ಬೇಗ ಮುಗಿಸಿ ಕ್ರೀಡೆಗೆ ಚಾಲನೆ ನೀಡಿ ಎಂಬುದಾಗಿ ಅಕ್ರೋಶಗೊಂಡರು. ಬಿಸಿಲಿಗೆ ಕುಳಿತಿರುವುದನ್ನು ಮನಗೊಳ್ಳದ ಅತಿಥಿಯೊಬ್ಬರು ವೇದಿಕೆಯ ಭಾಷಣದಲ್ಲಿ ರಾಜ್ಯ ಸರ್ಕಾರದ ಸಾಧನೆಗಳ ವಿವರಿಸುವುದು ಕಂಡು ಸುಸ್ತಾದರು. ಸುಡು ಬಿಸಿಲಿನಲ್ಲಿ 400 ಮೀ. ಓಟದಲ್ಲಿ ಮಹಿಳೆಯರು ಓಡುವುದು ಕಂಡ ಪಾಲಕರು ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳ ವಿರುದ್ಧ ಹಿಡಿ ಶಾಪಹಾಕಿದರು. ಮೈದಾನಲ್ಲಿ ಬಿಸಿಲಿನ ತಾಪಕ್ಕೆ ಬೆಂದಿದ್ದ ಕ್ರೀಡಾಪಟುಗಳು ನೆರಳಿಗಾಗಿ ಹುಡುಕುತ್ತಿದ್ದರು. ಜಿಲ್ಲಾ ಮಟ್ಟದ ದಸರಾ ಕ್ರೀಡಾಕೂಟ ಯಾವ ರೀತಿಯಲ್ಲಿ ನಡೆಯುತ್ತಿದೆ ಎಂಬುದಕ್ಕೆ ಆದರೂ ಜಿಲ್ಲಾಡಳಿತ ಅಧಿಕಾರಿಗಳು ಒಬ್ಬರು ಪರಿಶೀಲಿಸಿಲ್ಲ. ದಸರಾ ಕ್ರೀಡಾಕೂಟ ಎಂಬುದು ಅವ್ಯವಸ್ಥೆಯ ಆಗರ ಎಂದರೆ ತಪ್ಪೇನಿಲ್ಲ.
