ನಗರದ ಗಡಿಗಿ ಚೆನ್ನಪ್ಪ ವೃತ್ತದ ಮಹಾನಗರ ಪಾಲಿಕೆಯನ್ನು ಒಂದೇ ಸೂರಿನಡಿ ಎಲ್ಲ ಕಚೇರಿಗಳು ಕಾರ್ಯ ನಿರ್ವಹಿಸುವುದರಿಂದ ಸಾರ್ವಜನಿಕರಿಗೆ ಅಲೆದಾಟ ತಪ್ಪಲಿದೆ ಎಂಬ ಉದ್ದೇಶದಿಂದ ಪಾಲಿಕೆ ಸ್ಥಳಾಂತರಕ್ಕೆ ಯತ್ನಿಸಲಾಗಿತ್ತು. ಅಲ್ಲದೆ, ಡಿಸಿ ಕಚೇರಿಯ ರಸ್ತೆಯಲ್ಲಿರುವ ಸಬ್ ರಿಜಿಸ್ಟರ್ ಕಚೇರಿಗೆ ದಿನೇದಿನೆ ಜನರು ಹೆಚ್ಚುತ್ತಿದ್ದು ಕಿರಿದಾದ ಆವರಣದಿಂದ ವಾಹನಗಳ ಪಾರ್ಕಿಂಗ್ಗೆ ಹೈರಾಣಗಿದ್ದಾರೆ. ಕಚೇರಿಯನ್ನು ಹಳೆ ಕೋರ್ಟ್ಗೆ ಸ್ಥಳಾಂತರಿಸುವಂತೆ ಸಾರ್ವಜನಿಕರಿಂದ ಆಗ್ರಹವಾಗಿದೆ. ನಗರದ ಡಿವೈಎಸ್ಪಿ ಕಚೇರಿ, ಕೃಷಿ ಹಾಗೂ ತೋಟಗಾರಿಕೆ ಇಲಾಖೆ ಸೇರಿದಂತೆ ನಾನಾ ಇಲಾಖೆಗಳ ಹಳೆಯ ಕಟ್ಟಡದಲ್ಲಿ ನಿರ್ವಹಿಸುವ ಯಾವುದಾದರೂ ಒಂದು ಕಚೇರಿಯನ್ನು ಕೋರ್ಟ್ ಕಟ್ಟಡಕ್ಕೆ ಸ್ಥಳಾಂತರಿಸುವಂತೆ ಸಂಘ, ಸಂಸ್ಥೆಗಳಿಂದ ಸರ್ಕಾರಕ್ಕೆ ಮನವಿ ಸಲ್ಲಿಕೆಯಾಗಿದೆ. ಆದರೆ, ಈವರೆಗೆ ಸರ್ಕಾರದಿಂದ ಯಾವುದೇ ಇಲಾಖೆಗಳ ಸ್ಥಳಾಂತರಕ್ಕೆ ಹಸ್ತು ಎಂದಿಲ್ಲ. ಇದರಿಂದ ಕಳೆದ ಮೂರು ವರ್ಷದಿಂದ ಹಳೆಯ ನ್ಯಾಯಾಲಯ ಕಟ್ಟಡ ಜನ ಸಂಪರ್ಕ ಇಲ್ಲದೆ ಧೂಳು ಹಿಡಿದಿದೆ. ಅಲ್ಲದೆ, ಕೋರ್ಟ್ನಲ್ಲಿ ಸದಾ ಜನಜಂಗುಳಿಯಿಂದ ಸುತ್ತಮುತ್ತಲಿನ ಹೊಟೇಲ್, ಅಂಗಡಿಗಳಿಗೆ ವ್ಯಾಪಾರ ಹಾಗೂ ವಹಿವಾಟು ಚೆನ್ನಾಗಿ ನಡೆಯುತ್ತಿತ್ತು. ಸದ್ಯ, ಜನ ಸಂಪರ್ಕ ಇಲ್ಲದೆ ಇರುವುದರಿಂದ ಕೆಲ ಅಂಗಡಿಗಳು ಮುಚ್ಚಿದರೆ ಕೆಲವು ಬೇರೆಡೆಗೆ ಸ್ಥಳಾಂತರಗೊಂಡಿವೆ.
