7,488 ಸಕ್ರಿಯ ಕಾರ್ಡ್ : ಜಿಲ್ಲೆಯಲ್ಲಿ 7488 ಕಾರ್ಡ್ದಾರರು ಅಂದಾಜು ಆರು ತಿಂಗಳಿಂದ ಪಡಿತರವನ್ನೇ ಪಡೆದುಕೊಂಡಿಲ್ಲ. ಇಂಥ ಕಾರ್ಡ್ಗಳನ್ನು ಸರ್ಕಾರ ಅಮಾನತು ಆದೇಶ ಹೊರಡಿಸಿತ್ತು. ದೀರ್ಘ ಕಾಲದ ವರೆಗೆ ಪಡಿತರವನ್ನೇ ಪಡೆಯದವರು ಸೂಕ್ತ ದಾಖಲೆ, ಸಮಜಾಯಿಷಿ ನೀಡಿ ಪಡಿತರ ಪಡೆಯಬಹುದು ಎಂಬುದಾಗಿ ತಿಳಿಸಿತ್ತು. ಆದರೆ, ಈ ಎಲ್ಲ ಕಾರ್ಡ್ಗಳನ್ನು ಪರಿಶೀಲಿಸಿ ಸಕ್ರಿಯಗೊಳಿಸಿ ಎಂಬುದಾಗಿ ಇಲಾಖೆಗೆ ಸರ್ಕಾರ ಸೂಚಿಸಿದೆ. ಅಲ್ಲದೆ, 2021- 24ರ ನಡುವಿನ ಅವಧಿಯಲ್ಲಿ ಅರ್ಹತೆ ಇಲ್ಲದ 2,813 ಜನರ ಬಳಿ ಬಿಪಿಎಲ್ ಕಾರ್ಡ್ಗಳಿದ್ದವು. ಅಂಥವರಿಗೆ ದಂಡ ವಿಧಿಸಿ ಇಲಾಖೆಯು ಒಟ್ಟಾರೆ 2.34 ಲಕ್ಷ ರೂ. ಸಂಗ್ರಹಿಸಿದೆ. ಜಿಲ್ಲೆಯಲ್ಲಿ ಮೃತರ ಹೆಸರಲ್ಲಿದ್ದ 3,576 ಕಾರ್ಡ್ಗಳನ್ನು ಆಹಾರ ಮತ್ತು ನಾಗರಿಕ ಪೂರೈಕೆ ಇಲಾಖೆ ರದ್ದುಗೊಳಿಸಿದೆ. ಬಳ್ಳಾರಿ ತಾಲೂಕಿನಲ್ಲಿಯೇ 1,556 ಕಾರ್ಡಗಳು ಮೃತರ ಹೆಸರಲ್ಲಿದ್ದವು. ಕಂಪ್ಲಿ 341, ಕುರುಗೋಡು 282, ಸಂಡೂರು - 589, ಸಿರುಗುಪ್ಪದಲ್ಲಿ 808 ಕಾರ್ಡ್ಗಳು ರದ್ದಾಗಿವೆ. ಇನ್ನೊಂದೆಡೆ, ಸರ್ಕಾರಿ ನೌಕರಿ ಪಡೆದವರು ಜಿಲ್ಲೆಯಲ್ಲಿ 71 ಕುಟುಂಬಗಳಿದ್ದು ಆ ಎಲ್ಲ ಬಿಪಿಎಲ್ ಕಾರ್ಡ್ಗಳನ್ನು ಎಪಿಎಲ್ಗೆ ಪರಿವರ್ತಿಸಲಾಗಿದೆ. ಇನ್ನೂ, ಜಿಲ್ಲೆಯಲ್ಲಿ ಸರ್ಕಾರಿ ನೌಕರಿ ಹೊಂದಿ ಬಿಪಿಎಲ್ ಹೊಂದಿದ ಕುಟುಂಬಗಳಿವೆ. ಆದ್ದರಿಂದ, ಸರ್ಕಾರಿ ನೌಕರರಿಗೆ ವೇತನ ಬಿಡುಗಡೆಗೊಳಿಸುವ ಎಚ್ಆರ್ಎಂಎಸ್ ಮಾಹಿತಿ ಮೂಲಕ ಪರಿಶೀಲಿಸಲಾಗುತ್ತಿದ್ದು ಅಂತಹ ಕಂಡು ಬಂದರೆ ಅವುಗಳನ್ನು ಎಪಿಎಲ್ಗೆ ಪರಿವರ್ತಿಸಲಾಗುತ್ತಿದೆ.
