ರಂಗಭೂಮಿಗೆ ಬೇಕು ನೆರವು

ಜಿಲ್ಲೆಯಲ್ಲಿರುವ 8 ಸಾವಿರಕ್ಕೂ ಅಕ ಕಲಾವಿದರು ವೃತ್ತಿ ರಂಗಭೂಮಿ ನಂಬಿ ಬದುಕು ಸಾಗಿಸುತ್ತಿದ್ದಾರೆ. ಆದರೆ, ಆರ್ಥಿಕ ಸಂಕಷ್ಟದಲ್ಲಿರುವ ಬಹುತೇಕ ಕಲಾವಿದರಿಗೆ ಸರ್ಕಾರ, ಅಕಾಡೆಮಿಯಿಂದ ಸವಲತ್ತು ಸಿಗುತ್ತಿಲ್ಲ. ರಂಗಮಂದಿರ, ತಾಲೀಮು ಕೇಂದ್ರಗಳು ಇಲ್ಲದೆ ಸರ್ಕಾರಿ ಶಾಲೆ, ಅಂಗಡಿ, ದೇವಸ್ಥಾನ ಆವರಣದಲ್ಲಿ ನಾಟಕ, ಬಯಲಾಟ ಕಲಿಯುವ ಸ್ಥಿತಿ ಇದೆ.

ಗ್ರಾಮೀಣ ಭಾಗದಲ್ಲಿ ಪ್ರತಿ ವರ್ಷ ಜಾತ್ರೆ, ಉತ್ಸವ ಸಂದರ್ಭದಲ್ಲಿ ನಾಟ್ಯ ಸಂಘಗಳು, ಶ್ರೀಕೃಷ್ಣ ಪಾರಿಜಾತ, ವಿವಿಧ ನಾಟಕ ಕಂಪನಿಗಳು ನಾಟಕ ಏರ್ಪಡಿಸುತ್ತವೆ. ಸಂಗೀತ ಮತ್ತು ನೃತ್ಯ ಅಭಿನಯದ ಅವಿಭಾಜ್ಯ ಅಂಗವಾಗಿದೆ. ರಾಮಾಯಣ, ಮಹಾಭಾರತದ ಪ್ರಸಂಗಗಳು ಮತ್ತು ಸ್ಥಳೀಯ ದೈವಗಳ ಕಥೆಗಳನ್ನು ಕಲಾವಿದರು ಪ್ರದರ್ಶಿಸಿಕೊಂಡು ಬರುತ್ತಿದ್ದಾರೆ. ಆದರೆ, ಆರ್ಥಿಕ ಮುಗ್ಗಟ್ಟು, ಪ್ರೇಕ್ಷಕರ ಅಭಿರುಚಿ, ಪ್ರೋತ್ಸಾಹದ ಕೊರತೆ ಹೀಗೆ ವಿವಿಧ ಕಾರಣಗಳಿಂದ ವೃತ್ತಿ ರಂಗಭೂಮಿ ಕುಂಟುತ್ತ ಸಾಗಿದೆ.

ಬೆಳ್ಳಿ ಪರದೆ, ಕಂಪ್ಯೂಟರ್, ಮೊಬೈಲ್, ಸಾಮಾಜಿಕ ಜಾಲತಾಣಗಳ ಅಬ್ಬರದಲ್ಲಿ ನಾಟಕ ಮತ್ತು ಬಯಲಾಟ ಅಪರೂಪವಾಗುತ್ತಿವೆ.

ಬೆಳಗಾವಿ ಜಿಲ್ಲೆಯಲ್ಲಿ ಕನ್ನಡ, ಮರಾಠಿ ಭಾಷಿಕ ವೃತ್ತಿ ರಂಗಭೂಮಿ ಕಲಾವಿದರು ಸರ್ಕಾರದ ವಿವಿಧ ಸೌಲಭ್ಯಗಳಿಗಾಗಿ ಕಚೇರಿಗಳಿಗೆ ಅಲೆದಾಡುತ್ತಿದ್ದಾರೆ. ಐದು ದಶಕದಲ್ಲಿ ಜಿಲ್ಲೆಗೆ 5 ನಾಟಕ, 10 ಬಯಲಾಟ ಕಲಾವಿದರಿಗೆ ರಾಜ್ಯೋತ್ಸವ ಪ್ರಶಸ್ತಿ ಬಿಟ್ಟರೆ ಬೇರೆ ಯಾವುದೇ ರೀತಿಯ ಸ್ಥಾನಮಾನ, ಆರ್ಥಿಕ ನೆರವು, ಪ್ರೋತ್ಸಾಹಧನ ದೊರೆತಿಲ್ಲ.

"

— ಮಲ್ಲಿಕಾರ್ಜುನ ಪರಪ್ಪನವರ ನಾಟಕ ಮಾಸ್ತರರು