ಯಲ್ಲಾಲಿಂಗ ಶ್ರೀಗಳ ಪಲ್ಲಕ್ಕಿ ಉತ್ಸವ ಭವ್ಯ

ಮಹಾರಾಷ್ಟ್ರ, ತೆಲಂಗಾಣ, ಸೀಮಾಂದ್ರ, ಗೋವಾ ಹಾಗೂ ಕರ್ನಾಟಕದ ಸೇರಿ ವಿವಿಧೆಡೆಯಿಂದ ಲಕ್ಷಾಂತರ ಭಕ್ತರು ಪಲ್ಲಕ್ಕಿ ಹೊತ್ತು ಪಾದಯಾತ್ರೆಯಲ್ಲಿ ಸಾಗಿ ಘೋಷಣೆ ಕೂಗಿದರು.

ಭಕ್ತರು ಮಾರ್ಗಮಧ್ಯದಲ್ಲಿ ಅಲ್ಪೋಪಹಾರ, ಅಂಬಲಿ, ಬಾದಾಮಿ ಹಾಲು, ಕಬ್ಬಿನ ಜ್ಯೂಸ್, ಬಾಳೆಹಣ್ಣು, ದ್ರಾಕ್ಷಿ ಹಣ್ಣು ಹಾಗೂ ಮಹಾಪ್ರಸಾದ ವ್ಯವಸ್ಥೆ ಮಾಡಿದ್ದರು.

ಕರಡಿ ಮಜಲು, ಡೊಳ್ಳು ಕುಣಿತ, ಡಿಜೆ ಧ್ವನಿವರ್ಧಕ, ಕುದುರೆ ಕುಣಿತ ಹಾಗೂ ಇತರ ಮೇಳಗಳು ಮೆರವಣಿಗೆಗೆ ಮೆರುಗು ತಂದವು. ಸಂಜೆ ಶ್ರೀ ಮಹಾಂತ ಶಿವಯೋಗಿಗಳು ಪುರಾಣ, ಮುರುಘರಾಜೇಂದ್ರ ಶ್ರೀಗಳು ಆಶೀರ್ವಚನ ನೀಡಿದರು. ಅಪ್ಪಾಜಿ ಸಂಗೀತ ಕಲಾ ಬಳಗದಿಂದ ಸಂಗೀತ ಸೇವೆ ನಡೆಯಿತು.

ಶಾಸಕ ಮಹೇಂದ್ರ ತಮ್ಮಣ್ಣವರ, ರಾಜ್ಯ ರೈತ ಸಂಘದ ಗೌರವಾಧ್ಯಕ್ಷ ಶಶಿಕಾಂತ ಪಡಸಲಗಿ, ರೈತ ಸಂಘದ ರಾಜ್ಯಾಧ್ಯಕ್ಷ ಚೂನಪ್ಪ ಪೂಜಾರಿ, ಪರಗೌಡ ಖೇತಗೌಡರ, ಪರಶುರಾಮ ಚಿನಗುಂಡಿ, ರಮೇಶ ಕಲ್ಲಾರ, ಮಲ್ಲಪ್ಪ ಅಂಗಡಿ, ಅಣ್ಣಪ್ಪಗೌಡ ಪಾಟೀಲ, ರಾಯಗೌಡ ಖೇತಗೌಡರ, ಶರಣಗೌಡ ಪಾಟೀಲ, ರವಿಶಂಕರ ನರಗಟ್ಟಿ, ಹೊನ್ನಪ್ಪ ನರಗಟ್ಟಿ, ಅವ್ವಣ್ಣ ನರಗಟ್ಟಿ, ಎಂ.ಎಸ್.ಗೋಕಾಕ, ಮಹಾದೇವ ಬುಲಬುಲೆ, ಚೇತನ ಯಡವನ್ನವರ, ಹಾಲಪ್ಪ ಶೇಗುಣಸಿ ಇತರರು ಇದ್ದರು. ಸೋಮು ಹೊರಟ್ಟಿ ನಿರೂಪಿಸಿ, ವಂದಿಸಿದರು.

ವಿಜಯೇಂದ್ರ ಭೇಟಿ: ಶ್ರೀ ಯಲ್ಲಾಲಿಂಗ ಮಹಾಪ್ರಭುಗಳ 40ನೇ ಪುಣ್ಯ ಸ್ಮರಣೋತ್ಸವ ಕಾರ್ಯಕ್ರಮಕ್ಕೆ ಜ.16ರಂದು ಬಿಜೆಪಿ ರಾಜ್ಯಾಧ್ಯಕ್ಷ ವಿಜಯೇಂದ್ರ ಯಡಿಯೂರಪ್ಪ ಸೇರಿ ವಿವಿಧ ಗಣ್ಯರು ಪಾಲ್ಗೊಳ್ಳಲಿದ್ದಾರೆ.

ಸನ್ಮಾನ: ಪುಣ್ಯಸ್ಮರಣೋತ್ಸವ ಕಾರ್ಯಕ್ರಮ ನಿಮಿತ್ತ ಭೇಟಿ ನೀಡಿದ ಡಿಸಿಸಿ ಬ್ಯಾಂಕ್ ನಿರ್ದೇಶಕ ರಾಹುಲ ಜಾರಕಿಹೊಳಿ ಶ್ರೀ ಯಲ್ಲಾಲಿಂಗ ಮಹಾಪ್ರಭುಗಳ ಕರ್ತೃ ಗದ್ದುಗೆಗೆ ವಿಶೇಷ ಪೂಜೆ ಸಲ್ಲಿಸಿ, ಡಾ.ಮುರುಘರಾಜೇಂದ್ರ ಶ್ರೀಗಳಿಂದ ಸನ್ಮಾನ ಸ್ವೀಕರಿಸಿದರು.

ಪರಪ್ಪಗೌಡ ಖೇತಗೌಡರ, ಆನಂದ ತುಳಜವ್ವಗೋಳ, ಚೇತನ ಯಡವನ್ನವರ, ರಾಜು ನಾಯಕ, ಮಹಾಂತೇಶ ಯರಡೆತ್ತಿ, ರಾಜು ನಾಯಕ, ಹಾಲಪ್ಪ ಶೇಗುಣಸಿ, ಎಂ.ಬಿ.ಸಾಯನ್ನವರ, ಸಂತೋಷ ಅರಭಾವಿ, ಬಸವರಾಜ ಯರಡೆತ್ತಿ, ಸದಾಶಿವ ಹುನ್ನೂರ, ಬಾಲಪ್ಪ ತುಳಜವ್ವಗೋಳ, ಸಂತೋಷ ಕಾಂಬಳೆ, ಮಹಾಂತೇಶ ಕಡಪಟ್ಟಿ, ಆನಂದ ಮೆಕ್ಕಳಕಿ, ಅಣ್ಣಪ್ಪ ಗೌಲತ್ತಿನವರ, ಬಸವರಾಜ ಜೋಪಾಟಿ ಇತರರು ಇದ್ದರು.