ರಾಜ್ಯದಲ್ಲಿ ದೊಡ್ಡ ಗ್ರಾಮ ಪಂಚಾಯತಿ ವಿಭಜನೆ!

ಹೌದು. ಸದ್ಯ ರಾಜ್ಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ 5949 ಗ್ರಾಪಂ ಪೈಕಿ 2ಸಾವಿರಕ್ಕೂ ಅಧಿಕ ಗ್ರಾಪಂಗಳು 3ರಿಂದ 5ಗ್ರಾಮಗಳನ್ನು ಒಳಗೊಂಡಿವೆ. ಅಲ್ಲದೆ, 20 ರಿಂದ 28 ಜನ ಸದಸ್ಯರ ಬಲ ಹೊಂದಿವೆ. ಅದರೆ, ಜನರಿಗೆ ನಿರೀಕ್ಷೆಗೆ ತಕ್ಕಂತ ಪಾರದರ್ಶಕ ಆಡಳಿತ ನೀಡಲು, ಕೇಂದ್ರ ಮತ್ತು ರಾಜ್ಯ ಸರ್ಕಾರದ ವಿವಿಧ ಯೋಜನೆಗಳ ಅರ್ಹ ಫಲಾನುಭವಿಗಳಿಗೆ ತಲುಪುತ್ತಿಲ್ಲ. ವಾರ್ಷಿಕ ಕೋಟ್ಯಂತರ ರೂ. ತೆರಿಗೆ ಸೋರಿಕೆಯಾಗುತ್ತಿದೆ. ಇದಕ್ಕೆ ಶಾಶ್ವತ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ಸರ್ಕಾರ ದೊಡ್ಡ ಗ್ರಾಪಂ ವಿಭಜನೆಗೆ ನಿರ್ಧಸಿದೆ.

ಈಗಾಗಲೇ ಬೆಳಗಾವಿ, ತುಮಕೂರು, ಧಾರವಾಡ, ವಿಜಯಪುರ, ಬಾಗಲಕೋಟೆ, ಕೋಲಾರ, ಬಳ್ಳಾರಿ, ಕಲಬುರ್ಗಿ, ಹಾಸನ, ಕೊಪ್ಪಳ, ಚಿತ್ರದುರ್ಗ ಸೇರಿ ವಿವಿಧ ಜಿಲ್ಲೆಗಳಲ್ಲಿರುವ ದೊಡ್ಡ ಗ್ರಾಪಂ ಗುರುತಿಸಿದೆ. 2026 ಫೆಬ್ರವರಿಯಲ್ಲಿ ಬಹುತೇಕ ಗ್ರಾಪಂ ಆಡಳಿತ ಮಂಡಳಿ ಸದಸ್ಯರ ಅವಧಿ ಪೂರ್ಣಗೊಳ್ಳಲಿದೆ. ಹೊಸದಾಗಿ ಚುನಾವಣೆ ಘೋಷಣೆ ಮುನ್ನವೇ ಗ್ರಾಪಂ ವಿಭಜಿಸಿ ಹೊಸ ಗ್ರಾಪಂ ರಚನೆಗೆ ಗ್ರಾಮೀಣ ಪಂಚಾಯತ್ ರಾಜ್, ಜಿಲ್ಲಾಡಳಿದ ಪ್ರಸ್ತಾವನೆಗೆ ಸರ್ಕಾರವು ಸಕಾರಾತ್ಮಕವಾಗಿ ಸ್ಪಂದಿಸಿದೆ.

ಗ್ರಾಪಂಗಳಲ್ಲಿ ಹಲವು ಗ್ರಾಮಗಳು ಸೇರಿರುವುದರಿಂದ ಆಡಳಿತಾತ್ಮಕ ಹೊರೆ ಹೆಚ್ಚಾಗಿತ್ತು. ಪಂಚಾಯತಿ ವ್ಯಾಪ್ತಿ ವಿಸ್ತಾರವಾಗಿರುವ ಕಾರಣ ಕುಡಿಯುವ ನೀರು, ಸ್ವಚ್ಛತೆ, ರಸ್ತೆ, ಚರಂಡಿ, ವಿದ್ಯುತ್, ವಸತಿ ಯೋಜನೆಗಳು, ಸಾಮಾಜಿಕ ಭದ್ರತಾ ಪಿಂಚಣಿಗಳ ವಿತರಣೆ ಸೇರಿದಂತೆ ಮೂಲಭೂತ ಸೌಲಭ್ಯ ಕಲ್ಪಿಸಲು ವಿಳಂಬವಗುತ್ತಿದೆ.ಈ ಹಿನ್ನೆಲೆಯಲ್ಲಿ, ದೊಡ್ಡ ಪಂಚಾಯತಿಗಳನ್ನು ವಿಭಜಿಸಿ ಹೊಸ ಗ್ರಾಪಂ ರಚಿಸುವ ಮೂಲಕ ಆಡಳಿತ ವ್ಯವಸ್ಥೆಯನ್ನು ಸುಧಾರಿಸುವ ಯೋಜನೆ ರೂಪಿಸಿದೆ.ಇದರಿಂದ ಪ್ರತಿ ಗ್ರಾಮದ ಸಮಸ್ಯೆಗಳಿಗೆ ತಕ್ಷಣ ಸ್ಪಂದಿಸಲು ಸಾಧ್ಯವಾಗಲಿದೆ ಎಂದು ಗ್ರಾಪಂ ಸದಸ್ಯರು ತಿಳಿಸಿದ್ದಾರೆ.

................

ಬಾಕ್ಸ್

ಜನಸಂಖ್ಯೆ ಹೆಚ್ಚಳ; ಆಡಳಿತಕ್ಕೆ ಹೊರೆ

ಕಳೆದ ಐದು ಷರ್ವದ ಅವಧಿಯಲ್ಲಿ ರಾಜ್ಯದಲ್ಲಿ 4 ರಿಂದ 5 ಹಳ್ಳಿಗಳನ್ನು ಒಳಗೊಂಡಿರುವ ಗ್ರಾಪಂ ವ್ಯಾಪ್ತಿಯಲ್ಲಿ ಜನವಸತಿ ಪ್ರದೇಶ, ವಾಣಿಜ್ಯ ವಹಿವಾಟು, ಕೈಗಾರಿಕೆ ಸ್ಥಾಪನೆ ಪ್ರಮಾಣ ಶೇ.18ರಷ್ಟು ಹೆಚ್ಚಳವಾಗಿದೆ. ಸಿಬ್ಬಂದಿ ಕೊರತೆದಿಂದ ನರಳುತ್ತಿರುವ ಗ್ರಾಪಂ ಆಡಳಿತದ ಮೇಲೆ ಕೆಟ್ಟ ಪರಿಣಾಮ ಬೀರಿದೆ. ಅರ್ಹರಗಿಂತ ಅನರ್ಹರಿಗೆ ಹೆಚ್ಚು ಸೌಲಭ್ಯ ಸಿಗುತ್ತಿರುವುದು ಸಮಸ್ಯೆಗೆ ಮೂಲ ಕಾರಣವಾಗಿದೆ. ವಾರ್ಷಿಕ ತೆರಿಗೆ ಗುರಿ ಶೇ.60ರಷ್ಟು ಮುಟ್ಟಲು ಸಾಧ್ಯವಾಗುತ್ತಿದೆ.ಹೀಗಾಗಿ ಸರ್ಕಾರವು ದೊಡ್ಡ ಗ್ರಾಪಂ ವಿಭಜನೆ ಮಾಡುವುದು ಸೂಕ್ತ ಎಂದು ಗ್ರಾಪಂ ಸದಸ್ಯರಾದ ಬಂಟನೂರ, ಶಿವನಗೌಡ ಪಾಟೀಲ, ರಮೇಶ ಮಾದರ ತಿಳಿಸಿದ್ದಾರೆ.

................................

ಬಾಕ್ಸ್

ಗ್ರಾಪಂ ಆಡಳಿತ ಅವಧಿ ಮುಕ್ತಾಯ

ರಾಜ್ಯದಲ್ಲಿ 5,949 ಗ್ರಾಪಂಗಳಿಗೆ 2020 ಡಿಸೆಂಬರ್‌ನಲ್ಲಿ ಚುನಾವಣೆ ನಡೆದಿದ್ದು, ಅಧ್ಯಕ್ಷ, ಉಪಾಧ್ಯಕ್ಷ ಆಯ್ಕೆಯಾಗಿದ್ದ 2021 ಜನವರಿ ಮತ್ತು ಫೆಬ್ರವರಿಯಲ್ಲಿ ಆಗಿದ್ದರಿಂದ ಬಹುತೇಕ ಗ್ರಾಪಂ ಅಧಿಕಾರ ಅವಧಿ 2026 ಫೆಬ್ರವರಿ ಪೂರ್ಣಗೊಳ್ಳಲಿದೆ. ಶೇ.10ರಷ್ಟು ಗ್ರಾಪಂ ಆಡಳಿತ ಅಧಿಕಾರ ಅವಧಿ 2027ಕ್ಕೆ ಮುಗಿಯಲಿದೆ. ಈ ಹಿನ್ನೆಲೆ ದೊಡ್ಡ ಗ್ರಾಪಂ ವಿಭಜಿಸಿ ಮಾರ್ಚ್‌ನಲ್ಲಿ ಚುನಾವಣೆ ಘೋಷಣೆ ಮಾಡಬೇಕು. ಕಳೆದ ಐದು ವರ್ಷಗಳಿಂದ ಚುನಾವಣೆ ನಡೆಯದಿರುವ ಜಿಪಂ, ತಾಪಂ ಚುನಾವಣೆ ನಡೆಸಬೇಕು ಎಂದು ಜಿಪಂ, ತಾಪಂ ಮಾಜಿ ಸದಸ್ಯರು ಆಗ್ರಹಿಸಿದ್ದಾರೆ.

.................

ಬಾಕ್ಸ್

ರಾಜ್ಯದಲ್ಲಿ ಗ್ರಾಪಂ ಆಡಳಿತ ವಿವರರ

ವಿಭಾಗ ಅಂಕಿ ಸಂಖ್ಯೆ (ಅಂದಾಜು)

ಗ್ರಾಪಂ 5949

ಸದಸ್ಯರು 89,235

ತೆರಿಗೆ ಆದಾಯ ಗುರಿ 4,567 ಕೋಟಿ ರೂ.

.............................