ಬೆಳಗಾವಿ

ಮತಾಂತರದ ಮೂಲಕ ಹಿಂದು ಧರ್ಮ ವಿಸ್ತರಿಸಿ :ಚಿಂತಕ ಸೂಲಿಬೆಲೆ ಕರೆ

ಮತಾಂತರದ ಮೂಲಕ ಹಿಂದು ಧರ್ಮ ವಿಸ್ತರಿಸಿ :ಚಿಂತಕ ಸೂಲಿಬೆಲೆ ಕರೆ
ಮತಾಂತರದ ಮೂಲಕ ಹಿಂದು ಧರ್ಮ ವಿಸ್ತರಿಸಿ :ಚಿಂತಕ ಸೂಲಿಬೆಲೆ ಕರೆ
ಆನಂದಕುಮಾರ ಭಮ್ಮನ್ನವರ
Published on: 

ಪ್ರಮುಖ ಮುಖ್ಯಾಂಶಗಳು

  • ಮತಾಂತರದ ಮೂಲಕ ಹಿಂದು ಧರ್ಮ ವಿಸ್ತರಿಸಿ
  • ಚಿಂತಕ ಸೂಲಿಬೆಲೆ ಕರೆ
  • ವಿರಾಟ ಹಿಂದು ಸಮ್ಮೇಳನ ಕಾರ್ಯಕ್ರಮ
| ಚಿಂತಕ ಸೂಲಿಬೆಲೆ ಕರೆ | ವಿರಾಟ ಹಿಂದು ಸಮ್ಮೇಳನ ಕಾರ್ಯಕ್ರಮ
ವಿಜಯವಾಣಿ ಸುದ್ದಿಜಾಲ ಚಿಕ್ಕೋಡಿ :
ಹಿಂದು ಧರ್ಮದ ಆಚಾರ ವಿಚಾರ ಒಪ್ಪಿ ಕೊಂಡು ಅನ್ಯ ಧರ್ಮದ ಜನ ನಮ್ಮ ಧರ್ಮಕ್ಕೆ ಮತಾಂತರವಾಗಲು ಮುಂದಾದರೇ ಅವರನ್ನು ಸ್ವಾಗತಿಸಿ ಪ್ರೇರೇಪಿಸುವ ಮೂಲಕ ಹಿಂದು ಧರ್ಮದ ವಿಸ್ತರಣೆಗೆ ಮುಂದಾಗುವಂತೆ ಚಿಂತಕ ಚಕ್ರವರ್ತಿ ಸೂಲಿಬೆಲೆ ಕರೆ ಮಾಡಿದರು.
ಪಟ್ಟಣದ ಕಿವಡ ಮೈದಾನದಲ್ಲಿ ಶನಿವಾರ ನಡೆದ ವಿರಾಟ ಹಿಂದು ಸಮ್ಮೇಳನ ಕಾರ್ಯಕ್ರಮದಲ್ಲಿ ಅವರು ಭಾಗವಹಿಸಿದ್ದರು. ನಮ್ಮ ಧರ್ಮವನ್ನು ಒಪ್ಪು ಅನ್ಯ ಧರ್ಮದಲ್ಲಿನ ಅನಾಚಾರ ವಿರೋಧಿಸಿ ಮತಾಂತರವಾಗುವುದನ್ನು ನಾವೇಲ್ಲರೂ ಸ್ವಾಗತಿಸೋಣ. ಈ ಮೂಲಕ ಧರ್ಮ ವಿಸ್ತರಣೆ ಕಾರ್ಯ ನಡೆದರೆ ಒಳ್ಳೆಯದೆ ಎಂದರು . ಹಿಂದುಗಳು ಒಗಟ್ಟನ್ನು ಕಳೆದ ಎರಡು ವರ್ಷದಿಂದ ರಾಜ್ಯದಲ್ಲಿ ಸಹಿಸುತ್ತಿಲ್ಲ. ಇಲ್ಲಿ ಸೇರಿರುವ ಹಿಂದುಗಳ ಒಗ್ಗಟ್ಟು ಕೆಲವರಲ್ಲಿ ನಡುಕ ಹುಟ್ಟಿಸಿರುತ್ತದೆ. ಅನ್ಯ ಧರ್ಮವನ್ನು ಪೋಷಿಸುವ ಕೊತ್ವಾಲ ನಾಯಕರನ್ನು ಹಿಂದು ಸಮಾಜ ಮೊದಲಿನಿಂದ ನೋಡಿಕೊಂಡು ಬಂದಿದೆ, ಇದಕ್ಕೆ ಹೆದರುವುದಿಲ್ಲ ಎಂದು ಗುಡುಗಿದರು. ಮೊದಲು ಹುಟ್ಟಿರುವ ಧರ್ಮ ಹಿಂದು, ನಮ್ಮ ಸನಾತನ ಸಂಸ್ಕೃತಿಗೆ ಅದರದ್ದೇ ಆದ ಇತಿಹಾಸವಿದೆ. ಕೆಲವರು ಹಿಂದು ಧರ್ಮದ ಬಗ್ಗೆ ಕೇಳುತ್ತಾರೆ. ಹಿಂದು ಧರ್ಮದ ಸ್ಥಾಪಕವಿಲ್ಲ ಎನ್ನುತ್ತಾರೆ. ಆದರೆ ಸಾವಿರಾರು ವರ್ಷದ ಐತಿಹ್ಯ ಹೊಂದಿರುವ ಹಿಂದು ಧರ್ಮ ಎಲ್ಲ ಧರ್ಮಗಳಿಗೂ ತಂದೆ ಇದ್ದಂತೆ,ನಮ್ಮ ಧರ್ಮಕ್ಕೆ ವೇದಗಳು ಉಪನಿಷತ್ತುಗಳು ಸೇರಿ ಗ್ರಂಥಾಲಯವಿದೆ ಎಂದು ಹಿಂದುಗಳು ಹೆಮ್ಮೆಯಿಂದ ಹೇಳಬೇಕು. ನೂರಾರು ಹಿಂದುಗಳ ಸಾವಿಗೆ ಕಾರಣವಾದ ತೈಮೂರನ ಹೆಸರನ್ನು ಬಾಲಿವುಡ್ ನಟ ಸೈಫಲಿಖಾನ್ ತನ್ನ ಮಗನಿಗೆ ನಾಮಕರಣ ಮಾಡುವ ಮೂಲಕ ಹಿಂದುಗಳ ನಾಶ ಮಾಡಿದವರ ಹೆಸರನ್ನು ನೆನಪಿಸುತ್ತಾರೆ. ಇವರ ಚಲನಚಿತ್ರವನ್ನು ನಾವು ಶಿಳ್ಳೆ ಹೊಡೆದುಕೊಂಡು ನೋಡುತ್ತಿರುವುದು ದೃಷ್ಟಿಕರ ಸಂಗತಿ ಎಂದು ಬೇಸರ ವ್ಯಕ್ತ ಪಡಿಸಿದರು. ಹಿಂದುಗಳ ಒಗ್ಗಟ್ಟಾಗಿದ್ದರೆ ಏನು ಮಾಡಲು ಸಾಧ್ಯವಿಲ್ಲ ಎಂದು ಹೇಳಿದರು. ರಾಮ ಮಂದಿರ ನಿರ್ಮಾಣಕ್ಕೆ ಕಾರಣ ರಾಷ್ಟಿಯ ಸ್ವಯಂ ಸಂಘ. ಐನೂರು ವರ್ಷಗಳ ಕನಸನ್ನು ಸಂಘ ನೂರು ನಿರ್ಮಿಸಲಾಗಿದೆ. ಶಿವನ ಮಂದಿರ ನಿರ್ಮಾಣ ಬಾಕಿ ಇದೆ. ಸಂಘ ನಿರ್ಧಾರ ಮಾಡಿದರೆ ಏನು ಬೇಕಾದರೂ ಸಾಧಿಸುವ ಶಕ್ತಿ ಸಂಘಕ್ಕಿದೆ ಎಂದರು. ವಿರಾಟ ಹಿಂದು ಹಿಂದು ಸಂಚಲನಾ ಸಮಿತಿ ಅಧ್ಯಕ್ಷೆ ಜಗದೀಶ ಕವಟಗಿಮಠ ಮಾತನಾಡಿ ವಿರಾಟ ಹಿಂದು ಸಮ್ಮೇಳನದಲ್ಲಿ ಹೆಚ್ಚಿನ ಸಂಖ್ಯೆಯ ಜನರು ಸೇರಿದ್ದಾರೆ ನಾವೆಲ್ಲ ಒಂದು ರಾಷ್ಟ್ರದ ಜನತೆಯನ್ನು ಪಟ್ಟಿಮಾಡಲಾಗಿದೆ.ದೇಶದಲ್ಲಿ ಕುಕೃತ್ಯ ನಡೆಸಲು,ಅತಿಕ್ರಮಣ ಮಾಡಲು ದೇಶದ ಒಳಗೆ ಮತ್ತು ಹೊರಗೆ ಕೆಲಸ ಮಾಡಲು ನಿರಂತರವಾಗಿ ನಡೆಯುತ್ತಿದೆ.ಆದರೆ ಯಾರ ಏನೇ ಕುತಂತ್ರ ಇದೆ ನಮ್ಮ ಜನರಲ್ಲಿ ನಾವು ಭಾರತೀಯರು ಎಂಬ ಭಾವನೆ ಇರಬೇಕು, ನಮ್ಮ ಜಾತಿಗಾಗಿ ಕಿತ್ತಾಡದೆ, ಹಿಂದುಗಳು ಒಗ್ಗಟ್ಟಾಗಬೇಕು.ದೇಶದಲ್ಲಿ ಹಿಂದುಗಳ ಸಾಮ್ರಾಜ್ಯ ಕಟ್ಟಲು ಎಲ್ಲರೂ ಶ್ರಮಿಸೋಣ. ಸೂರಿ ಸಮುದಾಯ ಶ್ರೀಮುನಿರಾಜ ಮಹಾರಾಜರು ಮಾತನಾಡಿ ಸಮ್ಮೇಳನದಲ್ಲಿ ಭಾಗವಹಿಸಿರುವುದು ಸಂತಸ ತಂದಿದೆ. ಪಟ್ಟಣದ ಹಿಂದುಗಳ ಒಗ್ಗಟ್ಟು ಮೆಚ್ಚುವಂತದ್ದು, ಶೋಭಾಯಾತ್ರೆಯಲ್ಲಿ ಸೇರಿದ ಸಹಸ್ರಾರು ಜನರು ಸೇರಿ ನಾವೆಲ್ಲರೂ ಹಿಂದುಗಳು ಒಂದು ಎಂಬ ಸಂದೇಶ. ಏಕತೆಯೇ ದೇಶದ ಭವಿಷ್ಯ ಎಂದು ನುಡಿದರು.
ಇದಕ್ಕಿಂತ ಮೊದಲು ಬೃಹತ್ ಶೋಭಾಯಾತ್ರೆಯು ಪಟ್ಟಣದ ಪ್ರಮುಖ ಬೀದಿಗಳಲ್ಲಿ. ಸಮಾರಂಭದ ದಿವ್ಯ ಸಾನಿಧ್ಯವನ್ನು ಚರಮೂರ್ತಿಮಠ ಸಂಪಾದನ ಸ್ವಾಮೀಜಿ ವಹಿಸಿದ್ದರು. ವಿ.ಪ ಮಾಜಿ ಸದಸ್ಯ ಮಹಾಂತೇಶ ಕವಟಗಿಮಠ, ಸುಭಾಷ ಕೌಲಾಪುರೆ , ಶ್ರೀಪಾಲ ಮುನ್ನೋಳಿ, ಅನಿಲ ಮಾನೆ, ಸತೀಶ ಅಪಾಜಿಗೋಳ, ಮಹೇಶ ಬಾತೆ , ಪೃಥ್ವಿ ಕತ್ತಿ,ಶಿವಾನಂದ ಮಾಳಿ, ದೀಪಾಲಿ ದಿಂಡೋರಿ, ಪ್ರವೀಣ ಕಾಂಬಳೆ ,ಸಂಜಯ ಅರಗಿ,ಬಾಹುಬಲಿ ನಸಲಾಪುರೆ ಇತರರಿದ್ದರು.
ಚಿಕ್ಕೋಡಿ
ಮತಾಂತರ
ವಿರಾಟ ಹಿಂದು ಸಮ್ಮೇಳನ
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net