ಮುಕ್ತಾಯಿ ಬಳಗದಿಂದ ಸ್ವಾವಲಂಬನೆ

ಪಟ್ಟಣದ ಮೋಟಗಿಮಠದಲ್ಲಿ ಶನಿವಾರ ಹಮ್ಮಿಕೊಂಡಿದ್ದ ಬಸವ ಸಂಸ್ಕೃತಿ ಮೇಳ ಮತ್ತು ಮುಕ್ತಾಯಿ ಮಹಿಳಾ ಬಳಗದ ರಜತ ಮಹೋತ್ಸವ ಮತ್ತು ಮುಕ್ತಾಯಿ ಮಹಿಳಾ ರತ್ನ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಮಾತನಾಡಿ, ಮುಕ್ತಾಯಿ ಮಹಿಳಾ ಬಳಗ ಮಹಿಳೆಯರ ಆತ್ಮವಿಶ್ವಾಸ, ಶ್ರಮ ಮತ್ತು ಸಾಧನೆಗಳ ಪ್ರತೀಕವಾಗಿ ನಿರಂತರ ಸೇವೆ ಮಾಡುತ್ತಿದೆ. ಮಹಿಳೆಯರಿಗೆ ಉದ್ಯೋಗ ಕೌಶಲ ತರಬೇತಿ, ಆರೋಗ್ಯ ಜಾಗೃತಿ ಮೂಡಿಸುತ್ತಿದೆ. ಬಳಗ ೨೫ನೇ ವರ್ಷದ ರಜತ ಮಹೋತ್ಸವ ಅರ್ಥಪೂರ್ಣವಾಗಿ ಆಚರಿಸಿಕೊಳ್ಳುತ್ತಿದೆ ಎಂದರು.

ಮುಕ್ತಾಯಿ ಮಹಿಳಾ ರತ್ನ ಪ್ರಶಸ್ತಿ ಸ್ವೀಕರಿಸಿದ ಸಾಹಿತಿ ನೀಲಗಂಗಾ ಚರಂತಿಮಠ ಮಾತನಾಡಿ, ಮುಕ್ತಾಯಿ ಮಹಿಳಾ ಬಳಗ ಮಹಿಳೆಯರನ್ನು ಆರ್ಥಿಕ, ಮಾನಸಿಕವಾಗಿ ಬಲಿಷ್ಠರನ್ನಾಗಿಸಿದೆ. ಸಮಾಜ ಬದಲಾವಣೆಯಲ್ಲಿ ಸ್ತ್ರೀಯರ ಪಾತ್ರ ಪ್ರಮುಖವಾಗಿದೆ ಎಂದು ತಿಳಿಸಿದರು.

ಬೆಳಗಾವಿ ರುದ್ರಾಕ್ಷಿಮಠದ ಡಾ.ಅಲ್ಲಮಪ್ರಭು ಸ್ವಾಮೀಜಿ ಮಾತನಾಡಿ, ಬಸವ ಸಂಸ್ಕೃತಿ ಮಾನವೀಯತೆ ಪ್ರತಿಬಿಂಬಿಸುತ್ತಿದ್ದು, ನೈತಿಕತೆ ಮತ್ತು ಸಮಾಜ ಸೇವೆಯ ಸಂದೇಶ ಸಾರುತ್ತದೆ. ಎಲ್ಲರೂ ಒಂದೇ ಎನ್ನುವ ಭಾವ ಜನರಲ್ಲಿ ಮೂಡಬೇಕು ಎಂದರು.

ಮುದಗಲ್ಲದ ಮಹಾಂತ ಸ್ವಾಮೀಜಿ, ಸಾಹಿತಿಗಳಾದ ಗುರುದೇವಿ ಹುಲ್ಲೆಪ್ಪನವರಮಠ, ಶಾಲಿನಿ ದೊಡಮನಿ ಮಾತನಾಡಿದರು.

ಪುರಸಭೆ ಅಧ್ಯಕ್ಷೆ ಶಿವಲೀಲಾ ಬುಟಾಳೆ, ಡಾ.ಭಾರತಿ ಬಿಜಾಪುರೆ, ಡಾ.ಪ್ರಿಯಂವದಾ ಹುಲಗಬಾಳಿ, ಸಿದ್ರಾಮ ಚೊಳ್ಳಿ ಇತರರಿದ್ದರು.