ರಸ್ತೆ ನಿರ್ಮಿಸಲು ಮರಿಗೇರಿ ಗ್ರಾಮಸ್ಥರ ಒತ್ತಾಯ

ಕಬ್ಬು ಬೆಳೆಗಾರ ಸಂಘದ ಅಧ್ಯಕ್ಷ ಪ್ರವೀಣ ಸರ್ದಾರ ಮಾತನಾಡಿ, ಹತ್ತು ವರ್ಷಗಳಿಂದ ರಸ್ತೆ ಹಾಳಾಗಿದ್ದು, ಮರು ನಿರ್ಮಾಣವಾಗಿಲ್ಲ. ಈ ರಸ್ತೆ ಜಾಗ ನಮಗೆ ಸೇರಿದೆ ಎಂದು ಜಾಗೆ ಮಾಲೀಕರು ರಸ್ತೆ ನಿರ್ಮಾಣಕ್ಕೆ ತಡೆ ಒಡ್ಡಿದ್ದಾರೆ. ಇದರಿಂದ ಜನರು ಪರದಾಡುವಂತಾಗಿದೆ. ಈ ಕುರಿತು ಸಂಬಂಧಪಟ್ಟ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದ್ದರೂ ಪ್ರಯೋಜನವಾಗಿಲ್ಲ. ಶೀಘ್ರ ಪರಿಹಾರ ನೀಡಬೇಕು ಇಲ್ಲವಾದಲ್ಲಿ ಹೋರಾಟ ತೀವ್ರಗೊಳಿಸಲಾಗುವುದು ಎಂದು ಎಚ್ಚರಿಸಿದರು.

ಗ್ರಾಮಸ್ಥ ಭೀಮಪ್ಪ ಮುಶೆನ್ನವರ ಮಾತನಾಡಿ, ಮಳೆಗಾಲದಲ್ಲಿ ರಸ್ತೆ ಕೆಸರು ಗದ್ದೆಯಾಗುತ್ತಿದೆ. ಶೀಘ್ರ ಸಂಬಂಧಪಟ್ಟ ಅಧಿಕಾರಿಗಳು ಕ್ರಮವಹಿಸಬೇಕು ಎಂದು ಮನವಿ ಸಲ್ಲಿಸಿದರು. ಉಪತಹಸೀಲ್ದಾರ್ ಪ್ರಕಾಶ ಕೋರಿ ಮನವಿ ಸ್ವೀಕರಿಸಿ, ಸಮಸ್ಯೆಯನ್ನು ಮೇಲಧಿಕಾರಿಗಳ ಗಮನಕ್ಕೆ ತರಲಾಗುವುದು ಎಂದು ಭರವಸೆ ನೀಡಿದರು. ಚನ್ನಬಸವೇಗೌಡ ಪಾಟೀಲ, ಭೀಮಪ್ಪ ಶೀಗಿಹಳ್ಳಿ, ಮಲ್ಲಪ್ಪ ಹುಂಚನ್ನವರ, ವಿಠ್ಠಲ ಹಳೇಗೌಡ್ರ, ಕೀರಪ್ಪ ಹುಂಚನ್ನವರ, ನಿಂಗಪ್ಪ ಕುರುಬಗಟ್ಟಿ, ಸತೀಶ ಲಂಗೋಟಿ, ಮಂಜುನಾಥ ಸರದಾರ, ಬಸಯ್ಯ ಕೇರಿಮಠ, ಸಿದ್ದಪ್ಪ ಶೀಗಿಹಳ್ಳಿ ಇತರರಿದ್ದರು.