ವರ್ಷದಿಂದ ಬಂದಾಗಿದ್ದ ರಸ್ತೆಗೆ ಸಿಗುತ್ತಾ ಮುಕ್ತಿ?

ಹಳೇ ಪಿಬಿ ರಸ್ತೆಯಿಂದ ಶಿವಾಜಿ ಉದ್ಯಾನದ ಎಡ ಹಿಂಭಾಗದ ಮೂಲಕ ಶಹಾಪುರ ಮುಖ್ಯ ರಸ್ತೆ ಸೇರಿಕೊಂಡು, ಮಹಾತ್ಮಫುಲೆ ರಸ್ತೆ ಮೂಲಕ ಬಸವೇಶ್ವರ ವೃತ್ತದ ಖಾನಾಪುರ ಮಾರ್ಗ ಸೇರುವ ಈ ರಸ್ತೆಯನ್ನು ಸ್ಮಾರ್ಟ್‌ಸಿಟಿ ಯೋಜನೆಯಡಿ ನಿರ್ಮಿಸಲಾಗಿತ್ತು. ಈ ರಸ್ತೆಯಿಂದ ನಗರದ ಅರ್ಧದಷ್ಟು ವಾಹನ ದಟ್ಟಣೆ ಕಡಿಮೆಯಾಗಿತ್ತು. ಆದರೆ ಪಿಬಿ ರಸ್ತೆ ಬಳಿ ಆರಂಭಗೊಳ್ಳುವ ಸ್ಥಳದಲ್ಲಿಯೇ ಭೂಸ್ವಾಧೀನ ಪ್ರಕ್ರಿಯೆ ಪೂರ್ಣಗೊಳಿಸದೆ ಕಾಮಗಾರಿ ಆರಂಭಿಸಿರುವ ಆರೋಪ ಕೇಳಿ ಬಂದಿತ್ತು. ಜಾಗದ ಕೆಲ ಮಾಲೀಕರು ಈ ಸಂಬಂಧ ಹೈಕೋರ್ಟ್‌ಗೆ ಹೋಗಿದ್ದರು. ಪರಿಹಾರ ತಾರತಮ್ಯದ ವ್ಯಾಜ್ಯವೂ ಮುನ್ನಲೆಗೆ ಬಂದಿತ್ತು. ಈ ಕಾರಣಗಳಿಂದ ಕಳೆದೊಂದು ವರ್ಷದಿಂದ ಶಿವಸೃಷ್ಟಿವರೆಗಿನ (ಶಿವಾಜಿ ಉದ್ಯಾನ ಎಡ ಹಿಂಭಾಗ) ರಸ್ತೆಯನ್ನು ಜಾಗದ ಮಾಲೀಕರು ಬಂದ್ ಮಾಡಿದ್ದರು.

ಈಚೆಗೆ ಕೆಲ ಆಡಳಿತಾತ್ಮಕ ಪ್ರಕ್ರಿಯೆಗಳ ಬಳಿಕ ಈ ರಸ್ತೆಗೆ ಅಡ್ಡಿಯಾಗಿದ್ದ ಸಮಸ್ಯೆಗಳೆಲ್ಲವೂ ನಿವಾರಣೆಯಾಗಿದ್ದು, ಸೂಕ್ತ ಪರಿಹಾರ ಕೊಟ್ಟು ರಸ್ತೆ ಆರಂಭಿಸುವ ಚಿಂತನೆಗಳು ನಡೆದಿವೆ. ಇದಕ್ಕೆ ಪೂರಕವಾಗಿ ಮಹಾನಗರ ಪಾಲಿಕೆಯಿಂದ ಸಮೀಕ್ಷೆ ಪೂರ್ಣಗೊಂಡಿದ್ದು, ಬುಧವಾರದ ಪಾಲಿಕೆ ಸಭೆಯಲ್ಲಿ ನಿರ್ಣಯ ಕೈಗೊಂಡು, ಜಿಲ್ಲಾಧಿಕಾರಿಗಳಿಗೆ ಪ್ರಸ್ತಾವ ಸಲ್ಲಿಸಲಿದ್ದಾರೆ.

"