ಮಾನವೀಯತೆಯೇ ಧರ್ಮದ ತಿರುಳು

ಅಥಣಿ ಗಚ್ಚಿನಮಠದಲ್ಲಿ ಶ್ರಾವಣಮಾಸದ ಪ್ರಯುಕ್ತ ಬಸವ ಸಂಸ್ಕೃತಿ ಪ್ರವಚನಕ್ಕೆ ಗಣ್ಯರು ಚಾಲನೆ ನೀಡಿದರು. ಶಿವಬಸವ ಸ್ವಾಮೀಜಿ, ಪ್ರಭುದೇವ ಸ್ವಾಮೀಜಿ, ಪ್ರಕಾಶ ಮಹಾಜನ, ಈರಯ್ಯ ಜಗದಾಳಮಠ ಇತರರಿದ್ದರು.

Published on:

19 Aug 2026, 10:30 am

ಪ್ರಮುಖ ಮುಖ್ಯಾಂಶಗಳು

ಗಚ್ಚಿನಮಠದ ಶಿವಬಸವ ಶ್ರೀ ಅಭಿನುಡಿ
ಬಸವ ಸಂಸ್ಕೃತಿ ಪ್ರವಚನ
ತಪಶಕ್ತಿಯ ಫಲದಿಂದ ಅಥಣಿ ಪಾವನ

ಅಥಣಿ:

ಮಹಾತ್ಮರು, ಸಂತರು, ಬಸವಾದಿ ಶಿವಶರಣರು ಸತ್ಯದ ದಾರಿಯಲ್ಲಿ ನಡೆದು ನಾಡಿಗೆ ಬೆಳಕಾಗಿದ್ದಾರೆ. ಅಂತಹ ಮಹನೀಯರ ಸಾಲಿನಲ್ಲಿ ಅಥಣಿ ಗಚ್ಚಿನಮಠದ ಮುರುಘೇಂದ್ರ ಶಿವಯೋಗಿಗಳೂ ಒಬ್ಬರಾಗಿದ್ದಾರೆ ಎಂದು ಗಚ್ಚಿನಮಠದ ಶಿವಬಸವ ಸ್ವಾಮೀಜಿ ಹೇಳಿದರು.

ಬಸವಣ್ಣನವರು ವಚನಗಳನ್ನು ಚಾಚೂ ತಪ್ಪದೆ ಪಾಲಿಸಿದ ಮುರುಘೇಂದ್ರ ಶಿವಯೋಗಿಗಳನ್ನು ನಾಡಿನ ಎಲ್ಲ ಮಠಾಧೀಶರು ಗೌರವದಿಂದ ಕಾಣುತ್ತಾರೆ. ತಪಶಕ್ತಿಯ ಫಲದಿಂದ ಈ ನೆಲ ಪಾವನವಾಗಿ ಪುಣ್ಯ ಕ್ಷೇತ್ರವಾಗಿದೆ ಎಂದರು.

ಪ್ರವಚನಕಾರ ಪ್ರಭುದೇವ ಸ್ವಾಮೀಜಿ ಮಾತನಾಡಿ, ಶ್ರಾವಣ ಮಾಸದಲ್ಲಿ ಸಂತ, ಮಹಾತ್ಮರ ಚಿಂತೆನಗಳನ್ನು ಕೇಳುವುದರಿಂದ ಚಿಂತೆ ದೂರವಾಗುತ್ತವೆ. ಬಸವಣ್ಣನವರ ಆದರ್ಶ ಮೈಗೂಡಿಸಿಕೊಂಡು ಸನ್ಮಾರ್ಗದಲ್ಲಿ ನಡೆಯಬೇಕು ಎಂದರು.

ಹಿರಿಯರಾದ ಪ್ರಕಾಶ ಮಹಾಜನ, ಎಂ.ಡಿ.ತೊದಲಬಾಗಿ, ಅರುಣ ಯಗಲುದ್ರಿ ಮಾತನಾಡಿ, ಪುಣ್ಯಭೂಮಿ ಗಚ್ಚಿನಮಠದಲ್ಲಿ ಮುರುಘೇಂದ್ರ ಶಿವಯೋಗಿಗಳ ಪ್ರವಚನ ಹೇಳುತ್ತಿರುವುದು ನನ್ನ ಭಾಗ್ಯ ಎಂದರು. ಉದ್ಯಮಿ ಚಂದ್ರಶೇಖರ ಯಲ್ಲಟ್ಟಿ ಮಾತನಾಡಿದರು. ರಾತ್ರಿ ಶಿವಭಜನೆ ಜರುಗಿತು.

ಈರಯ್ಯ ಜಗದಾಳಮಠ, ಈರನಗೌಡ ಪಾಟೀಲ, ಗಿರೀಶ ದಿವಾನಮಳ, ಶೇಖರ ಕೋಲಾರ, ರಾಜು ಬಿಳ್ಳೂರ, ರಾಮನಗೌಡ ಪಾಟೀಲ, ಸೋಮು ವಾಂಗಿ, ಅಶೋಕ ಹೊಸೂರ, ರಮೇಶ ಪಾಟೀಲ ಇತರರಿದ್ದರು.

Religion