ದೇವಿ ಆರಾಧನೆಯಿಂದ ಕಷ್ಟ ದೂರ

ಇಲ್ಲಿನ ಗಚ್ಚಿನಮಠದಲ್ಲಿ ದಾನಮ್ಮದೇವಿ ಪಾದಯಾತ್ರಾ ಕಮಿಟಿ ಸಹಯೋಗದಲ್ಲಿ ಗುರುವಾರ ಹಮ್ಮಿಕೊಂಡಿದ್ದ ೩೮ನೇ ವರ್ಷದ ಉಡಿ ತುಂಬುವ ಕಾರ್ಯಕ್ರಮಕ್ಕೆ ಗುರುವಾರ ಚಾಲನೆ ನೀಡಿ ಮಾತನಾಡಿ, ೧೨ನೇ ಶತಮಾನದಲ್ಲಿ ಬಸವಣ್ಣನವರಿಂದ ವರ ಪಡೆದ ವರದಾನೇಶ್ವರಿ ಕಾಯಕ, ದಾಸೋಹ ಮುನ್ನಡೆಸಿಕೊಂಡು ಇತಿಹಾಸ ಪುಟದಲ್ಲಿ ಶಾಶ್ವತ ಸ್ಥಾನ ಪಡೆದಿದ್ದಾರೆ. ಅವರ ಬದುಕು ನಮಗೆಲ್ಲ ಬೆಳಕಾಗಿದೆ ಎಂದರು.

ಬೆಳಗ್ಗೆ ೭ ಗಂಟೆಗೆ ಮುರುಘೇಂದ್ರ ಶಿವಯೋಗಿಗಳ ಗದ್ದುಗೆಗೆ ವಚನಾಭಿಷೇಕ ಮತ್ತು ದಾನಮ್ಮದೇವಿ ಮೂರ್ತಿಗೆ ವಿಶೇಷ ಪೂಜೆ, ಮಹಾಮಂಗಳಾರತಿ ನೆರವೇರಿತು. ಬೆಳಗ್ಗೆ ೮ ಗಂಟೆಯಿಂದ ಶ್ರೀಮಠದ ಸಭಾಭವನದಲ್ಲಿ ಮುತ್ತೈದೆಯರಿಗೆ ಉಡಿ ತುಂಬುವ ಕಾರ್ಯಕ್ರಮ ನಡೆಯಿತು. ೨೦ ಸಾವಿರಕ್ಕೂ ಅಧಿಕ ಮುತ್ತೈದೆಯರು ಪಾಲ್ಗೊಂಡಿದ್ದರು. ಮರುಳಶಂಕರ ಶಾಲೆ ಶಿಕ್ಷಕರು, ಮಹಿಳಾ ಕಾರ್ಯಕರ್ತರು ಪ್ರಸಾದ ವಿತರಿಸಿದರು.

ನಿಪ್ಪಾಣಿ ಮಲ್ಲಿಕಾರ್ಜುನ ಸ್ವಾಮೀಜಿ, ವಿವೇಕಾನಂದ ಸ್ವಾಮೀಜಿ, ದಾನಮ್ಮದೇವಿ ಪಾದಯಾತ್ರೆ ಸಮಿತಿ ಅಧ್ಯಕ್ಷ ಶಿವಾನಂದ ದಿವಾನಮಳ, ಪದಾಧಿಕಾರಿಗಳಾದ ಹನುಮಂತ ಕಾಲುವೆ, ರಾಮನಗೌಡ ಪಾಟೀಲ, ಬಸವರಾಜ ಕೋಟಿ, ಗಿರೀಶ ದಿವಾನಮಳ, ರಾಜು ಬಿಳ್ಳೂರ, ಗಣ್ಯರಾದ ಸಿದ್ದಣ್ಣ ಮಹಾಜನ, ಪ್ರಮೋದ ಬಿಳ್ಳೂರ, ಸೋಮು ವಾಂಗಿ, ಚಿದಾನಂದ ನರಗಟ್ಟಿ, ಗುರುಪಾದ ಮರಬಗಿ, ಶಕುಂತಲಾ ದಿವಾನಮಳ, ಸಾವಿತ್ರಿ ಸೋಸಿ ಇತರರು ಇದ್ದರು.