ಸರ್ಕಾರಿ ಯೋಜನೆ ಸದುಪಯೋಗ ಪಡೆಯಿರಿ

ಸಮೀಪದ ಭೋಜ ಗ್ರಾಮದಲ್ಲಿ ಮಂಗಳವಾರ 40 ಲಕ್ಷ ರೂ. ಅನುದಾನದಲ್ಲಿ ನಿರ್ಮಿಸಿರುವ ಎರಡು ಅಂಗನವಾಡಿ ಕೇಂದ್ರ ಉದ್ಘಾಟನೆ ಹಾಗೂ ಕಾರದಗಾ ಗ್ರಾಮದಲ್ಲಿ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಭಾಗ್ಯಲಕ್ಷ್ಮೀ ಯೋಜನೆಯಡಿ ಸುಕನ್ಯಾ ಸಮೃದ್ಧಿ ಪಾಸ್‌ಬುಕ್ ವಿತರಿಸಿ ಮಾತನಾಡಿದರು.

ಹೆಣ್ಣು ಮಕ್ಕಳಿಗೆ ಉತ್ತಮ ಶಿಕ್ಷಣ, ಆರ್ಥಿಕವಾಗಿ ಸುರಕ್ಷಿತವಾಗಿರಬೇಕೆಂಬ ಉದ್ದೇಶದಿಂದ ವಿವಿಧ ಸರ್ಕಾರಿ ಯೋಜನೆ ಜಾರಿಗೆ ತರಲಾಗುತ್ತಿದೆ. ಭಾಗ್ಯಲಕ್ಷ್ಮೀ ಯೋಜನೆಯಡಿ 2006ರಿಂದ 2025ರವರೆಗೆ 30,344 ಅರ್ಜಿ ಮಂಜೂರಾಗಿದ್ದು, ಅವುಗಳಲ್ಲಿ 28,441 ಸಾವಿರಕ್ಕೂ ಹೆಚ್ಚು ಲಾನುಭವಿಗಳಿಗೆ ಬಾಂಡ್ ವಿತರಿಸಲಾಗಿದೆ ಎಂದರು.

ಅಂಗನವಾಡಿ ಮೂಲಕ ಮಕ್ಕಳಿಗೆ ಪೌಷ್ಟಿಕ ಆಹಾರ, ಪೂರ್ವ ಪ್ರಾಥಮಿಕ ಶಿಕ್ಷಣ, ಆರೋಗ್ಯ ಮಾರ್ಗದರ್ಶನ ಮತ್ತು ವಿವಿಧ ಸರ್ಕಾರಿ ಸೇವೆ ಒದಗಿಸಲಾಗುತ್ತಿದೆ. ಭೋಜದಲ್ಲಿ ಹೊಸದಾಗಿ ನಿರ್ಮಿಸಿರುವ ಅಂಗನವಾಡಿ ಕಟ್ಟಡಗಳು ಮಕ್ಕಳಿಗೆ ಸುರಕ್ಷಿತ, ಸ್ವಚ್ಛ ವಾತಾವರಣ ಒದಗಿಸುತ್ತದೆ ಎಂದರು.

ಹಾಲಶುಗರ್ಸ್‌ ಅಧ್ಯಕ್ಷ ಜಯಕುಮಾರ ಖೋತ, ನಿರ್ದೇಶಕ ಶರದ ಜಂಗಟೆ, ಬಿಜೆಪಿ ಗ್ರಾಮೀಣ ಅಧ್ಯಕ್ಷ ಬಾಳಸಾಹೇಬ ಕದಂ, ಸಿಡಿಪಿಒ ಸುಪ್ರಿಯಾ ಜಡಗೆ, ಡಾ.ಸುದರ್ಶನ ಮುರಾಬಟ್ಟೆ, ವಿನೋದ ಸಂಕಪಾಳ, ಸಂತೋಷ ಮಾಳಿ, ಲಕ್ಷ್ಮಣ ಪಾಟೀಲ, ಭರತ ಗುರವ, ಮಲಗೊಂಡಾ ಪಾಟೀಲ, ಶ್ವೇತಾ ಅಲಾಸೆ, ಚಂದನ ಮೂರಾಬಟ್ಟೆ, ಅರವಿಂದ ಖರಾಡೆ, ಲಕ್ಷ್ಮಣ ಪಸಾರೆ, ಸುದೀಪ ಉಗಳೆ, ನಿತೇಶ ಖೋತ, ಸೂರಜ ಮಾಳಿ ಇತರರಿದ್ದರು.